丸十あぶり牧場 (Closed)

今晚同男朋友一齊食晚飯。丸十刺身盛(7點)刺身都幾新鮮，擺盤好吸引。我最鍾意帶子，好味。辣三文魚他他脆米餅(2件)米餅幾脆，第一次食三文魚他他，幾特別。極上牛柳三文治牛柳超級粉嫩，完全唔會韌，牛味又出，個包脆脆地，一齊食超正。自家製玉子燒口感好嫩滑，而且厚身，有甜甜地既味道，我好滿意。日出富士丼(伴熟玉子慢烤西冷丼)一片片既西冷都好嫩滑，加左蜜糖芥末醬同沙律，同白飯撈埋食竟然無違和感。米國牛肉烏冬烏冬好彈牙又滑溜，牛肉都好大塊，呢間啲牛肉好高質。

同事話新世紀廣場內新開了一間日式燒烤店挺有人氣的，裡面的二人餐定價亦親民很想試，我們就找了一個星期五下班後試試。＊＊＊＊＊＊＊＊＊＊＊＊＊說是就是丸十，店面非常大，可容納過百食客，不過七點未夠，店內已幾乎滿座。丸十有點單也有二人套餐，套餐由$450至$1,080，可謂豐儉由人，最後我們選了中價位的極上二人晚餐($680/二人)，套餐內八款食物，都幾豐富。三點漬物由左至右分別是泡菜、芽菜和蒜頭，平時我不特別偏愛蒜頭，但這個蒜頭漬帶點脆口幾好味。牛油果蟹籽沙律牛油果幾香，口感軟滑，中間伴有青瓜條和蟹柳，很適合最近悶熱的天氣。自家製玉子燒玉子燒份量很多，挺飽肚的，不過玉子略嫌有點過火，口感不夠滑。三點刺身由左至右分別是油甘魚、三文魚和甜蝦，刺身尚算厚切和新鮮，對得起價格。雜錦天婦羅有炸蝦、冬菇、南瓜和秋葵，天婦羅夠脆口，炸漿不會太厚。鐵板石燒和牛板腱和牛板腱上枱時連同一塊燒紅了的鐵板，由於和牛板腱切成了薄片，所以只要放在鐵板上約十秒已經食得。和牛板腱帶點彈口又嫩滑，蘸上醬汁而吃令人回味無窮。海洋串燒盒串燒盒包括大蝦、生蠔、鯖魚、鰻魚和帆立貝，雖然每樣只有一串，但每串都份量十足，食完都飽飽地。

行過moko見到呢間餐廳外放滿咁多和牛係外面即刻比佢吸引左入黎試下晚餐，返工咁辛苦同朋友黎到要奢侈一下點左份二人燒肉餐。套餐包三款漬物前菜，牛蒡爽脆，其他都係泡菜類漬物。刺身三點，油甘魚好新鮮甘甜得黎又香，三文魚唔夠肥但尚算新鮮。燒肉係自助式，2人用一個細爐但火力強勁，除左和牛之外最吸引既係餐廳有各款醬同配料食牛肉，餐枱上有枝試管式點滴檸檬汁，酸酸地之餘又解膩。和牛附上一大份蔬菜用黎包住牛肉食呢種比較韓既食法完美地融入係日本餐廳，沙律菜塊塊都大新鮮爽脆。牛肉自己燒，燒爐有坑紋，牛肉拼盤有晒特別部位可以一次過試晒咁多款。牛肉質感同油脂分佈都十分完美但牛味較淡，大多要加配調味料。大食既我地就算食完泡菜和牛炒飯唔太飽所以決定要再加一份厚燒原味玉子。玉子好軟熟入口少少甜得黎又有蛋香，每塊十分大食完已經十分滿足。