丸十あぶり牧場 (Closed)

行過moko見到呢間餐廳外放滿咁多和牛係外面即刻比佢吸引左入黎試下晚餐，返工咁辛苦同朋友黎到要奢侈一下點左份二人燒肉餐。套餐包三款漬物前菜，牛蒡爽脆，其他都係泡菜類漬物。刺身三點，油甘魚好新鮮甘甜得黎又香，三文魚唔夠肥但尚算新鮮。燒肉係自助式，2人用一個細爐但火力強勁，除左和牛之外最吸引既係餐廳有各款醬同配料食牛肉，餐枱上有枝試管式點滴檸檬汁，酸酸地之餘又解膩。和牛附上一大份蔬菜用黎包住牛肉食呢種比較韓既食法完美地融入係日本餐廳，沙律菜塊塊都大新鮮爽脆。牛肉自己燒，燒爐有坑紋，牛肉拼盤有晒特別部位可以一次過試晒咁多款。牛肉質感同油脂分佈都十分完美但牛味較淡，大多要加配調味料。大食既我地就算食完泡菜和牛炒飯唔太飽所以決定要再加一份厚燒原味玉子。玉子好軟熟入口少少甜得黎又有蛋香，每塊十分大食完已經十分滿足。