豐石板燒專門店 (Closed)

熱石煎牛扒近年逐趨熱潮，係旺角已經開左至少四間，試過幾間之後終於搵到間唔止扒好食，連自助個部份都高質既餐廳。-每個石板燒套餐，都可以享用自助沙律吧，自助沙律吧包括白飯、湯、沙律菜任食。除套餐可以自己去雪櫃拎一款飲品，包括自家製嘅冷泡茶。🍵自家製蜜桃烏龍冷泡茶因為冇落糖完全冇個種糖嘅甜味，但會飲到蜜桃嘅香味。🍵自家製桂花烏龍冷泡茶飲之前已經聞到好香嘅桂花味，一路食扒一路飲完全可以消減個油膩感。🫕湯每日嘅湯都唔同，當日係羅宋湯，唔會剩係得湯，湯嘅餸都好足料，無論蔬菜定係肉，會飲到牛嘅甜味，唔想食咁多飯飲湯就好適合。🥗沙律菜沙律係一樽樽擺喺雪櫃自己攞，好方便唔需要自己夾，店舖有提供沙律醬芝麻醬，令到食客可以唔使淨係食肉，食沙律可以減低個油膩感。🍚白飯白飯係正常不過佢帶飯焦，最好食就係佢個飯素，令到佢個飯加唔少分，佢個飯素係自家製，好重味，平時好少食飯幾我都食咗兩碗。1️⃣ 澳洲M7和牛肉眼💰168（👅: 8/10）牛味好濃，食落唔會好韌，個人覺得牛味比牛小排更重，而且肉質更腍。店員一早將塊肉眼切開咗，有肥肉同冇肥肉嘅部份，好方便分開來煎。店舖有建議加牛油落去煎，加咗落去牛油嘅香味滲晒落牛肉度。調

白飯，麵豉湯，沙律，任裝！抵食💰食塊牛扒再食到飽最平都係$78！✨味道76分，服務不錯，環境方面有啲油煙味。.🔸鵝肝多士($68)⭐️多士脆，搽左牛油好香，被厚厚既鵝肝咁蓋住，咬落啲油份咇出嚟，口感好豐富，配搭得好正！.上菜每塊牛扒都係一成熟，按照自己喜好煎幾熟。🔸美國Prime肩胛肉眼($78/200g)肩胛肉眼口感比較紮實，牛味唔重。🔸美國Prime封門柳 ($98/200g)⭐️封門柳咬落比較鬆軟，牛味較重。.🔸榴槤炸彈 ($20/3pcs)啱啱炸起熱辣辣，外皮脆，夾住層黏糯嘅皮，中心係好香榴槤味既流心餡，做飯後甜品不錯。.🔸自家製蜜桃烏龍冷泡茶($10)飲落有淡淡蜜桃香，冷泡茶既茶味唔會好濃好苦。佢冇另外落糖，解渴又幾健康。.🔷任食系列🔸沙律菜，分裝好一盒盒，可選沙律醬/芝麻醬/沙律醋。🔸麵豉湯，好多豆腐同紫菜，味道剛好唔會太鹹。🔸白飯，旁邊有啲味素，撈飯更加香口美味。

今日特別肚餓！路經舊公司附近發現咗一間新開嘅小店，叫做豐石板燒專門店！石板燒？好吸引喎😍望落價錢又唔貴！一於入去品嘗吓！一入到去店員勁好笑容帶我哋去位置，原來係呢間小店呢老闆，好細心介紹俾我哋知有自助沙律吧！沙律吧可以任食白飯、湯同沙律菜，仲有醬汁任唧！我哋急不及待叫咗美國🇺🇸Prime肩胛肉眼同封門柳各一份！每份都有200g重！另外再叫咗兩個小食，分別有芝麻雞翼同榴槤炸彈，再叫多一隻有頭虎蝦🤩！等緊牛扒嘅期間，先去自助沙律吧攞咗杯沙律菜，打開個蓋，啲沙律菜勁滿，好不吝嗇🤩再揀咗個芝麻醬唧喺啲沙律入面，食落好新鮮😚味噌湯入面有豆腐同海帶，豆腐大大舊，好有口感而且飯煲旁邊有一大罐味素，可以加落白飯裏面，作為白飯的一點加持👍🏻👍🏻（掛住食無影到😅)枱上面有手套同圍裙，圍裙係用嚟防止啲油彈喺件衫度，質地勁厚，摸落就知道係高質素高成本製作嘅圍裙，仲要印埋個舖頭名，令人好想帶返屋企🤪無幾耐先上咗兩塊石板同牛扒，店員提醒我哋小心熱！之後仲提我哋食前先放上牛油再放！美國🇺🇸Prime封門柳，食落牛味重，我燒到五成左右就食，好多肉汁，唔靭👍🏻美國🇺🇸Prime肩胛肉眼雖然比起封門柳多咗少少根同肥膏之外