宗像屋 (Closed)

開幕之初已光顧，以價而論確實值得推介；早前經過卻見張貼「內部裝修」，當時還想是真裝修或是結業？幸好不久後真的重開。重裝後的變化其實不大，設計同樣是以木系為主的簡潔明亮元素。想吃首輪，早早六點便到場，店的左邊是一張張的二人座，右邊是Bar 枱，師傅們正陸續跟進排得滿滿的柯打。餐單跟以往一樣，分別是梅、竹、松及特上四款選擇，「梅」是最基本，包括不同種類的魚、貝類，「竹」是梅的增量版，「松」則添加了蟹肉，「特上」是蟹肉之外再加海膽。清酒有三款，選了中間的「萬坊 純米吟釀 合鴨農法無農藥米」($138/300ML)，貪佢寫明不用農藥，以小鴨子放養法去除雜草和害蟲，使食米能得到更多營養；長得更大更飽滿；吃得更安心。此酒清爽柔和，酒香在口腔內徐徐滲出，配海鮮丼相當不俗。跟以往不同的是多了幾個單點項目，這個牡蠣(廣島瀨戶內)是其中之一，蠔身肥美飽滿，鮮甜帶海水味，可配自家製的生蠔醬汁或檸檬。不懂如何享受一飯多吃的滋味，那就先看簡介吧，建議三種吃法，當然，如果想一飯吃到底也無不可；隨個人喜好吧。點餐後，會先來一碟兩片的胡麻醬魚生片，建議可先吃一片，餘下的留待最後吃茶漬飯時才加入，增添味

同女朋友黎到呢間深水埗既小店，食成座山一樣既刺身海鮮丼～分別叫左特上海鮮丼同最普通既海鮮丼梅。一開始係前菜油甘魚刺身加胡麻醬，客人可以選擇留一片係最後加湯做茶漬飯時用，本身油甘魚味道都濃郁，加左胡麻醬之後少左油膩感但我本人好鍾意油甘魚既魚油味，所以唔太想有醬料掩蓋佢本身味道。之後係特上海鮮丼，佢最大分別係多左刺身量同加左蟹角同海膽，蟹肉未有好出既鮮味，冇咩特別，海膽反而好好，唔會有唔新鮮既臭苦味，都算鮮甜，但我地覺得特上同普通之間有250既價錢差距，感覺唔太抵講返佢既刺身山，上圖呢款係普通版，座山入面配料同貴既冇分別，都一樣係個9種刺身料，其中加入左青瓜粒同柚子，食到既時候幾清新，但係飯唔係壽司醋飯，我地估計係因為最後會做茶潰飯既原故，所以比較失色～每人有兩塊紫菜做手卷，可以根據個人喜好揀入面既材料，都幾得意，紫菜好脆身而且海苔味好濃，但問題都係飯到，冇壽司醋去襯托最後叫店員加湯做茶潰飯，我本身期待一個清淡既結尾，但佢更偏向似湯飯既感覺，湯底都算唔錯，，上面既芝麻都加分，係三食中比較滿意既食法。總結我覺得價錢方面好似太貴，中間加入蟹肉同海膽感受唔到工夫係入面但價錢差距好大，如果想影相打

極愛海膽嘅我, 不經不覺係呢個六月已經食左超過五碗海膽飯。😋 今日朋友仔約我收工一齊去深水埗食魚生飯聞名已久嘅宗像屋, 而極上宗像丼有兩片大海膽, 我又點會拒絕呢。😝我地跟地址搵到宗像屋, 不過宗像屋門面唔大, 而且完全睇唔到店入面, 門外只有一塊布上印有福岡宗像屋, 所以一不留神會好易錯過左搵唔到。🙈在等位時店員會攞出個餐牌俾我地預先點餐, 餐牌只有4個選擇梅$108)(竹$148)(松$198)(特上$298), 簡單講就係4款全有9樣基本魚生, 竹貴$40係增量, 松再貴$50係加蟹肉, 特上再貴多$100係加埋海膽。我地決定最貴最平各點一個比較下。😝店內有指引提供宗像丼嘅食法。按照指引要留下一部入魚生片連同胡麻醬汁最後用來製作茶漬飯食, 所以店員拿魚生片來時, 我只吃了一片, 好鮮甜, 配上胡麻醬食好醒胃。好想係丼來前食哂佢, 不過要留黎整茶漬飯。😌紫菜每人有兩片, 原以為可以refill...🙈極上宗像丼有齊店內所有提供嘅海鮮, 賣相好好, 呃like一流。👍事實上魚生都好新鮮, 飯係微熱的, 配上混入Wasabi的特製醬油, 無論包紫菜或就咁當魚生飯食都好好食。😋 可惜今日