日本野 (銅鑼灣廣場二期) (Closed)

最近放工朋友話想試下日本野 問左佢幾次餐廳名都話係日本野 一search原來銅鑼灣真係有間日本餐廳嘅「日本野」😂💛呢間日本餐廳食物款式應有盡有 有丼飯、壽司、鍋物同其他日式小食～·霜降牛肉壽喜燒 $248壽喜燒湯底非常濃郁 配料都好豐富 牛肉分量都唔少+肉質鮮嫩 配埋多種配菜例如日本旺菜、雜菌、雞蛋同埋豆腐 仲可以選擇飯/烏冬～·自選丼飯 $200原價係$168任選四款指定配料 肥Glor就揀左三文魚、油甘魚、帆立貝（+$14）同活赤貝（+$18）👍🏻四款刺身都好新鮮 唔會有好重嘅雪藏味 呢個價錢來講性價比好高～個人應為油甘魚同活赤貝特別新鮮！*上面兩個都係晚市套餐 套餐已包括湯/沙律+飲品📍 日本野 (銅鑼灣廣場) (銅鑼灣)銅鑼灣駱克道463-483號銅鑼灣廣場2期6樓@nihon.ryori.restaurant#日本野 #日本餐廳 #日式刺身 #銅鑼灣

𝟘𝟟.𝟘𝟠.𝟚𝟘𝟚𝟚📌日本野 (銅鑼灣廣場) (銅鑼灣)銅鑼灣駱克道463-483號銅鑼灣廣場2期6樓💸人均消費: $100-200🌿評分: 3.8/5🈶加一服務費之前見到呢間舖頭嘅名好得意😂加上見到佢嘅食物種類都好多👻所以就同朋友嚟試下😻店鋪環境幾舒服😌裝修類似居酒屋🏮店員服務態度都幾好👍🏻食物質素唔錯但週末冇咗lunch set之後價錢對學生黨嚟講頗貴💸ꕥ 自選丼飯 (三文魚/甜蝦/牡丹蝦/油甘魚+吞拿魚蓉) ($168+16)一嚟到俾我哋嘅第一感覺就係好細碗🥺幸好佢嘅刺身新鮮🐟飯量都好多🍚兩個女仔share嚟食啱啱好🌷自選四款嘅刺身厚度正常🙌🏻都新鮮嘅😉不過最欣賞都係加錢加嘅吞拿魚蓉🥰油脂味都重😚而且唔會有某啲赤身啲血腥味👍🏻跟飯會送沙律/湯+汽水🥤ꕥ 三文魚刺身 (5片) ($64)好有驚喜✨超厚切同埋好鮮甜🧡個人覺得如果淨叫三款唔同刺身好似抵食過丼飯🤧ꕥ 芝士煎餃子 ($78)本身見佢賣相普普對佢冇乜好大期望🫢但食落就好有驚喜🥳芝士味好重仲識拉絲(非食家唔係好分到但懷疑佢係mozzarella cheese🧀抱歉><)攞咗喺度都一段時間仲係噴緊煙🙈餃子煎得好脆

本身我係吾鐘意寫食評既人但今次真係嬲到一定要寫今次本身係慶祝生日，所以見OpenRice 都好多好好既食評所以book左呢間晚餐我哋叫左2個set餐2個丼飯幾個小食1.石燒霜降和牛首個牛既樣同個餐牌既相與實物不符諗住味道應該吾差，但燒第一塊食係咸到懷疑人生，無論外貌肉質或口感都係連鎖凍肉舖既醃牛柳一樣，開頭係懷疑個人嘅口味，但比全檯既朋友試過，一致認為係咸得過份2.霜降牛肉壽喜燒呢個壽喜燒都係咸到全檯人都認為普通連鎖店既火鍋都好食過佢湯底係滿滿既鼓油味霜降牛應該係形容佢係係雪櫃拎出黎解凍既肥牛既意思個烏冬係好粉無咩彈性3. 2個丼飯d刺身有d溶溶爛爛同有d霉D米絕對係吾係珍珠米，口感同外貌都吾係，似中式米4.和風柚子雞翼（小食)係咁多個野食之中最正常味道吾差，好香柚子味5.厚燒鰻魚玉子燒（小食）玉子燒味道正常但玉子係同鰻魚係一夾就會分開6.海葡萄角切魚生沙律呢個沙律同我跟餐既沙律係大丁丁魚生真係小角切得10塊海葡萄係有幾條但絕對吾值108蚊呢間野伏到我本身想係果到切生日蛋糕，連蛋糕都吾想係果到食，拎走去第二到食服務生態度係幾好只係d野食真心吾得，仲要千幾蚊食d咁差既野，難得幾個朋友出嚟

和牛壽喜燒($208)，可選飯或烏冬，壽喜燒湯底味道夠濃郁，牛肉吸左湯汁好入味，基本上唔需再加任何調味，肉質軟腍，而且份量都有好多塊。自選丼飯($168)，可以選擇4款魚生，有某幾款需要額外加錢，我今次揀左牡丹蝦、帶子、三文魚、油甘魚，全部都好新鮮，沒有雪藏味道，最肥美係油甘魚，厚切爽口。芥辣八爪魚($28)，我好鐘意食哩款壽司，八爪魚有咀嚼口感，加上芥辣既嗆鼻，簡直係絕配。火灸左口魚壽司($32)，火灸過既左口魚可以將油脂迫出黎，食落油脂香味就更突出。炭燒牛舌串($38)，牛舌size未算好大件，但勝在油脂味濃，而且爽口有咬口感覺。

夏日炎炎總係想食壽司，同事話介紹抵食嘅日本野比我！餐廳喺銅鑼灣廣場2期6樓，原來個餐廳名就係叫”日本野”🇯🇵🇯🇵 😂 Menu主打當然係日式食物，壽司、刺身丼飯、卷物、sukiyaki, 石鍋燒乜都有！當中自選丼飯好抵食！百零蚊跟餐仲包沙律🥗或湯，仲包飲品杯！性價比極高！🍱自選丼飯🍣 $138 ＋$22+$12 自選丼飯包4種食物，有D需要加錢，我揀左海膽、甜蝦、三文魚、三文魚籽，共$172 就食倒一個靚靚丼飯！外觀靚靚，海膽味甘甜濃郁，甜蝦鮮甜爽口，三文魚大大片有兩片油脂均勻，配埋咸咸地入口爆汁嘅三文魚籽好豐富，魚生下面仲有日本蔥同紫菜，令成個飯更惹味香口！ 🍱自選丼飯🍣 $138 ＋$22＋ $14  同事果碗叫左海膽、玻璃蝦、帆立貝同玉子, 共$174 一樣係外觀靚靚，海膽味甘甜濃郁，厚切帆立貝新鮮爽甜，玻璃蝦扁扁地咬落去幾煙韌唔錯！玉子甜甜地送飯一流！魚生同飯量適中！套餐跟左沙律🥗清爽好味！🥑牛油果軟殻蟹卷 $88 一上枱見倒特多木魚碎！牛油果香口，軟殼蟹炸得酥脆唔油膩，一個卷物多重口感！

初開張時，同朋友試過呢度嘅lunch set，性價比高，今次再帶另一位朋友嚟食dinner，食到飽飽~龍蝦海鮮番茄鍋 $208好耐無打邊爐，見到晚餐有呢個鍋物，即刻要試！可揀飯或烏冬，除咗半邊龍蝦外，仲有蜆、墨魚仔、蝦，同埋津白、本菇、金菇、蕃茄粒、豆腐等等…如果蕃茄湯底再濃啲就更好。龍蝦拑嘅殼本身有拍過，算係易拆肉，店員好細心，主動提供刀叉比我哋用，加分！自選丼飯 $138自選四款剌身，甜蝦丶油甘魚丶三文魚丶海膽 (+$22)，當中以油甘魚比較理想牛油果軟殻蟹卷 $88上次喺旺角店試過呢款卷物，覺得幾好，今次試新店，都保持到水準，份量亦一樣，軟殻蟹香脆，大量木魚絲！ 凍檸茶每次嚟都想飲

呢間位於銅鑼灣餐廳，叫得做「日本野」，提供各式各樣嘅日本野，丼飯、壽司、鍋物、石燒都有都應有盡有，款式都係香港人常叫嘅款式，所以揀野食嘅時候有啲選擇困難😂宜家唔係好多日本餐廳會咁做，通常都係主打一兩種👍 🔔餐廳抽氣有待改善，食完飯會有油煙味 石燒吉列霜降牛小排($188)💕一個爐、一份吉列牛、一個飯、一隻糖心蛋、3格調味料、一支燒肉鉗，一下子張枱滿哂😆牛小排都算大塊🥩燒之前用牛脂肪幫石板加油，燒一燒油脂出哂黎。牛小排有牛味，雖然咁大塊，都唔會好韌，加埋調味醬汁就好夠味👍唯一美中不足係所有人燒到一半個火都熄咗，要店員加火先可以繼續燒😂 和牛壽喜燒 ($198)好大個鍋🥘好大個爐，份量都算大，味道正常，但冇乜大驚喜，但都做到壽喜燒嘅味道同感覺 牛油果軟殼蟹卷 ($88)正正常常，但唔算係突出嘅菜式，不過價錢唔算貴又大大件，都抵食嘅 自選丼飯($138)丼飯嘅玉子印有香港兩個字💛份量唔係好大，而且朋友話刺身質素只係一般🥲好味指數 🌕🌕🌕🌕🌑抵食指數 🌕🌕🌕🌑🌑打卡指數 🌕🌕🌕🌕🌑

🇯🇵解下單思病🇯🇵推介指數 ❤️❤️❤️❤️🤍疫情下，無論自己定身邊嘅人都大叫「好掛住日本呀！」相信大家為咗解一解單思病，瘋狂喪loop 以前去日本啲相、去google map 眼睛旅行、為下一次行程作準備，搵啲嘢做下！位於銅鑼灣嘅人氣餐廳「日本野」，睇個名都估到主打日本菜，刺身丼飯、壽司、卷物、烏冬、大阪燒等等！兩個人叫咗丼飯、定食、卷物同小食，飽飽之外都好滿意呀！🍚自選丼飯：海膽、牡丹蝦、帆立貝、溏心蛋，溫泉蛋✨外觀擺得幾好，海膽味濃郁，牡丹蝦鮮甜爽口，帆立貝新鮮，溏心蛋流心且入味，溫泉蛋熟成度剛好。整體刺生新鮮，以價錢來講如果份量多啲更好。🥩石燒霜降牛小排定食✨用上美國特級prime牛小排，睇落牛脂均勻，食落牛肉味濃嫩滑，自己燒更可以自己控制熟成度，更有幾款調味料調味！✨定食配有日本米飯，溏心蛋或溫泉蛋，份量男生都足夠！🥑牛油果軟殻蟹卷：面層鋪滿木魚碎，食落牛油果滑溜，軟殼蟹炸得酥脆可口。口感豐富，整體滿意！🐡雞泡魚乾：燒得脆卜卜又唔乾身，食落煙靭，相比起其他餐廳係好抵食，加分！.··餐廳：日本野 (銅鑼灣廣場) (銅鑼灣)地址：銅鑼灣駱克道463-483號銅鑼灣廣場2期6樓