留家廚房

Open Now

Now Closed

留家廚房食過幾次今次難得好多人一齊食可以叫啲一圍圍先食到嘅菜式！例牌必叫留家煙燻雞雞肉滑，雞胸部分都好冧極香煙燻味，好好食！留家叉燒即叫即燒肉質軟熟，烤到好香仲有啲脆脆燶燶地嘅邊位🤩艇曬蝦醬蒸玻璃肉蝦醬好香又甜又會死鹹上次食過虎掌菌扣肉念念不忘啖啖滲出泡椒香氣，肥而不膩非常正圖中為兩份份量京酥鴨🦆鴨內釀有蓮子薏米瑤柱仲有好香嘅鹹蛋黃🤩鴨炸得酥脆，上菜時淋上鴨汁份量都大，最好要有半圍人先勉強食到🤣梅菜蒸芥膽有驚喜本身怕芥菜會苦，但呢個好甜陳皮牛肉餅好香牛肉味口感不俗，可以送好多飯男仕們好喜歡涼拌醉鮑魚用酒糟，玫瑰露同味醂醃製酒味濃郁而帶微甜羊肚菌豆腐都有菇香，豆腐滑溜最尾個炒飯叫雪山飛龍即係黃鱔炒飯

這間食肆的評價都是偏好的，所以帶着期待來用餐。預先book了位及訂了他們的招牌煙燻雞。到達後，即刻安排我們就坐。餐廳內環境舒適，當晚亦非常之忙碌，不容易先可以叫到侍應來點菜及跟進等。除了煙燻雞，還選擇了咕嚕蝦球及艇曬蝦醬蒸玻璃肉。個咕嚕汁對我來講都幾好味，夠酸夠甜，蝦球都爽口彈牙。平時不吃玻璃肉的我都覺得這味餸還可以的。其他成員都覺得好味。當晚發生了一個小插曲，其實都不小，可以做主題曲😅話說之前預訂的招牌煙燻雞一直未到，詢問了侍應。侍應一的回答：仲燻緊，需要時間再過了一段時間，仲未見到煙燻雞的蹤跡，再次詢問了第二位侍應。他沒有再交待事情….煙燻雞還未到，決定再叫多一味餸：再詢問多一次這煙燻雞的狀況，第三位是應回答：好快到，仲有10分鐘。我本身信他的說話，點知他加咗一句：你們份玻璃肉都嚟緊㗎喇！我哋答佢：我哋已經食完左啲玻璃肉！10分鐘已到，連最後叫的冬瓜都食完的時候，還未見到隻雞出現。我哋決定埋單。還同他們的部長反映件事。他初初加咗句：其實喺廚房，嚟緊㗎啦⋯⋯Sorry mate, we weren’t born yesterday, we’ve had enough of your

二訪呢間良心中餐，今次一篇過介紹。第一次午市黎有啲菜式試唔到，趁娘親生日就預早留定餸，今次老闆仲喺度監場呢。呢度有唔少功夫多，所以市面上鮮有嘅菜式，例如太史戈渣，而且以私房菜黎講價錢算係幾實惠，同長輩慶祝可以考慮下。🍽留家叉燒叉燒即叫即燒，呢個部位嘅肉特別鬆化，燶邊加蜜汁無得輸，留意只有晚市供應。🍽慢煮牛肋肉腐乳芝士汁一款中西合璧嘅菜式，低溫慢煮24小時嘅嘅加拿大牛肋配廖媽記腐乳同藍芝士醬，牛肋肉入口即化，腐乳芝士汁重口味得黎又幾夾，配埋煮到淋又無渣嘅蘆筍非常好食，唯一要挑剔嘅係有一兩客膏嘅比例較多。🍽太史戈渣原材料只有雞蛋、粟米粉、上湯，但聽講控制火候好考功夫，食落似炸玉子豆腐，但個上湯雞蛋餡當然香滑得多，點砂糖食梗有風味。🍽留家煙燻雞呢度嘅招牌菜之一，用玫瑰花蕾、片糖同甘蔗煙燻而成，滷汁甜甜地，雞肉嫩滑入味，必點。🍽薑蔥廣島蠔雖然蠔仔當然比唔上海鮮檔嘅大蠔咁嫩滑，但做到邊脆多汁已經好難得，薑蔥爆香可蓋過腥味，唔錯。🍽鮮拆蟹肉菜茸羹用大大隻碟上好似飲西湯咁，但其實份量唔多，個湯都幾濃稠，蟹肉鮮甜，食到蔬菜嘅原味。🍽艇曬蝦醬蒸玻璃肉半肥瘦豬肉切薄片後落蝦醬蒸，我唔鍾意肥膏所以難以評價，

隔左一段長時間冇黎食，記得呢間餐館唔錯, 所以再次訂枱食飯尋晚7點黎到已經見到好多枱都坐晒客枱與枱之間都算密anyway, 我地總共叫左5個小菜 + 4個飯呀姐問我地想要邊隻米, 有日本, 泰國同越南, 最後我地要泰國既1) 金黃肉鬆炒涼瓜味道甘, 唔係平時怕怕果隻苦味, 估唔到加埋鹹蛋黃係咁夾連我平時唔多中意食涼瓜既都食多2舊, 哈哈2) 艇曬蝦醬蒸玻璃肉玻璃肉係指薄切既豬肉胸部, 用上半肥瘦部位肉係夠薄既, 肥瘦都適中可能係因為蝦醬, 稍為鹹左少少我覺得, 用黎送飯都可以接受3) 留家叉燒果然係其中一個招牌菜式, 即叫即燒真係好食好多肉味夠, 嫩滑唔會霉最正係唔肥膩, 啖啖肉又唔痴牙, 有濃邊4) 蒜炒菜心呢個都有啲驚喜, 因為個菜一上枱已經好香菜心炒得好爽，蒜片大粒唔辣，美中不足係有啲太油5) 蝦子百花釀豆腐黎到最後呢個豆腐, 豆腐香滑每磚上面都有大大舊蝦膠, 可能其他菜式較濃味, 呢個清淡既就岩岩好喇成餐飯大家都讚不絕口, 價錢可能俾一般餐館貴少少但間中食1次好西都值得既~~~