留家廚房

Open Now

Now Closed

好多年前曾經幫襯過留園廚房，當時覺得非常出色！時間幾年，發現原來佢嘅中午係有提供套餐的，咁性價比應該幾高！當日就試咗個二人套餐，大約二百幾蚊，係兩個人喎！裏面有點心同埋小菜選擇，嗰個套餐係包例湯，兩款點心兩款小菜，白飯同埋甜品！咁一場嚟到，當然叫返佢啲拿手小菜啦！最後嗌咗灌湯餃、半隻煙燻雞，仲加咗黑芝麻卷添！先講返個套餐，首先嚟係老火湯！個湯都幾濃，甜甜地幾好飲！呢個唔錯！點心方面我就嗌咗蝦餃，同蟲草花鮮竹卷。兩個點心都正正常常，都算唔錯！小菜方面我就嗌咗菠蘿咕嚕肉，同一個野生椒炆冬瓜！兩個都係佢嘅經典小菜，整體都OK，兩個都係平凡嘅菜式，但係都實踐到不平凡之處！我係收貨！講返佢嘅煙燻雞，呢個餸基本上係佢嘅招牌菜，食嘅時候已經充滿期望，到最後亦都覺得唔錯！係嫩滑嘅，而且亦都有濃濃嘅煙燻味！我自己就覺得幾好！另外叫咗個灌湯餃，可以用皮薄餡靚嚟形容！裏面嘅肉汁都好豐富，配埋啲醋更加出色！另外甜品嘅芝麻卷亦都幾好，整體上價錢好合理！佢係樓上舖，但係我午市去到嘅時候都見，基本上所有枱都坐晒！證明佢有一定號召力！如果喺灣仔嚟講，我覺得性價比極高！下次再嚟一定會再幫襯！

阿媽生日，專登成家人一齊去食鐵片仔灌湯餃，我地叫咗5隻，一人一隻，但其中一隻個皮邊好硬，明顯係擺最頂嗰隻蒸得唔夠透。灌湯餃都幾大隻，但隻鐵片仔就細咗少少，將隻餃移落碗想唔穿皮都真係有少少難度。豬潤燒賣及蝦餃好食，又其豬潤燒賣，擺涼咗件豬潤都唔會又硬又嚡口，另外好欣賞藍莓骨，酸酸甜甜好開胃。鐵片仔灌湯餃係我童年回憶，所以嚟嘅原因都係為咗想食灌湯餃。而餐廳都坐得舒服嘅，每張枱都唔會好近，所以唔會同其他食客背對背坐。

平日餐廳有提供午市套餐，$258兩位，可選點心和小菜各兩款，套餐包括老火湯、白飯和甜品。不過得留意套餐中小菜和點心的選擇不多。點心我們選了蝦餃和燒賣（點心的粒數以人頭計），小菜則是不少人推薦的咕嚕肉和魚湯什菜煲；另外加點了餐廳的招牌煙燻雞半隻。煙燻雞率先上枱，賣相紅潤油亮，非常吸引，雞也比想像中大隻。一入口，煙燻的香氣濃郁，雞肉滷得非常入味，滷水汁鹹鹹甜甜的，同時不會濃重到蓋過雞本身的肉味，非常好吃！雞肉較薄的部位會比雞胸/腿更入味，而且吃雞一定得吃精髓的雞皮，因為最濃的煙燻味都凝聚在雞皮之上。不過更令人驚豔的是竟然附上的幾件雞內臟！伴碟的內臟有腎、膶之類，精華的滷汁盡入其中，和內臟獨有的甘苦味融為一體，滋味無與倫比。我本來對內臟沒有偏好，但也忍不住搶著這幾件珍貴的內臟吃。另外，難得的是雞肉滷得全熟（雞骨沒有殘留的血紅色），但肉質仍能保持嫩滑，連雞胸都滑而不柴，真不愧是餐廳的招牌菜。加上碟子上枱時是溫熱的，令雞件的油脂不會吃到中途凝固，這種細心之處值得一讚。這天的老火湯是粉葛鯪魚赤小豆湯，用原個燉壺熱騰騰的上，所以能一直保持湯的熱度。湯頭濃郁鮮美，濃味得來又沒有把湯料滾得碎爛，所以入口

相隔有兩年再次光顧，食物水準依然保持得好好，個蔥油伴竹昇麵外表平平無奇，但好食都震，麵質係我最鍾意既Q 彈感雲吞麵質地，個炸蔥絲完全將味道提升，因為太好食所以問部長，先得知原來個麵係從深水埗坤記拎貨。另外沖繩黑糖咕嚕肉個肉質亦非常鬆軟，調味亦非常到位。幾個朋友好鍾意個慢煮牛肋排，不過因為我係好怕食少過7成熟牛排既人，所以對我來說有點好似食緊生牛肉咁。杏汁菜膽白肺湯好好飲，夠濃味，冇俾杏仁搶晒個味。留家叉燒都係必食。唯一要彈係個冷氣唔夠，朋友係女仔，但都話好熱，唔知係壞左一個冷氣定係專登調到好似得25度，係呢方面要改善下。

同老豆食飯想食好D…醒起馬田推介過就book嚟試吓啦。點咗四道菜：1. 醉鮑魚 - 十分開胃，酒嘅味道好特別！😋😋2. 煙燻雞 - 味道同肉質真係冇得輸，煙燻味好有層次，啲肉滑到不得可了！😋😋😋3. 叉燒 - 其實味道不錯，甜甜地幾特別，但係肉質有啲嚡，唔夠雞咁滑！4. 梅菜蒸芥蘭 - 冇乜驚喜，覺得梅菜味唔係好夠濃。另外有點甜品1. 是日甜品係綠豆沙 - 好足料，而且味道唔係太甜2. 湯圓杏仁茶 - 個杏仁茶有杏仁肉好味，湯圓係芝麻就OK啦！

最近去留家,發現冇以前咁多人去,不過我覺得食物質素係好咗同好味過上一次去喎😋有啲點心都有特色,好似豬膶燒賣,豬膶爽滑好正,周打蟹湯鮮竹卷咁,面頭就好似有層芝士咁,食落好西式味道呢度嘅叉燒腸皮薄叉燒多忍唔住食多件😆懷舊芝麻卷睇落冇出面賣嘅咁黑但食落好似芝麻糊咁味道啱啱好仲叫左蘿蔔糕,蟹肉燒賣,蝦餃,蝦多士同脆麻花☺️好豐富🤩另外叫咗一飯一麵,個人覺得瑤柱蛋白糙米炒飯好好味,味道好炒得粒粒分明,反而個薑葱蝦籽竹昇麵冇諗過會咁多汁🫣仲有當日個魚湯什菜煲真心推薦,新鮮之外,魚湯味道都好夠,好多料仲有粉絲喺底喔

與家人朋友也來過這裡用膳幾次了。 感覺這裡的出品都不錯😋 但但最可惜的是服務很差！🙁 尤其是一位總是戴著口罩的😷穿著西裝的男經理粗魯無禮，對著客人從來不微笑，也從不歡迎顧客，離開時他更是一臉阻住他收工的樣子。即使顧客問他menu問題，他也以不禮貌的態度敷衍回答。😑我和我的朋友們都十分好奇，為什麼每次去也會見到他，他怎麼還能在這裡工作這麼長時間。感覺他是最影響客人用膳體驗，讓人不想再回去留家吃飯…

糯米飯及黃魚麵在晚上7:20分下單，落單後1小時多也未有送上給客人，追問狀況，廚房是否已經煮緊，待應無回覆，只係話更多係最後上菜，只有埋單，之後向經理反映，一句說話也沒說，垃圾服務，劣質餐廳。

絕對是聚會的好地方，一來，食中菜，大圓枱，方便傾偈，二來，手工中菜，適合與外國返港探親的朋友。搞手是熟客，一早預訂了煙燻雞、老鴨湯和京酥鴨，全部都大份量，要人多才可以試盡多種招牌菜。煙燻雞：外表看來似是油雞，但有特別的煙熏味，雞肉非常嫩滑。京酥鴨，很大隻！原來入面是釀了糯米飯！內裡的糯米飯其實是重點！米飯充滿了鴨香，反而我覺得鴨的肉質較「柴皮」。但要提的是，一定要加另外附上的鴨汁，他也是精華！其他菜色都是舊派中菜，而且份量大，要試多幾道，一定要多人來才可以吃得完！

留家厨房要電話預約假期，星期六，日，最好早2至3日訂位。地點位置算方便，如果地鐵要行比較遠。選擇留家㕑房嘅特色係點心可每位計，唔需要硬食一籠3或4粒點心。我得2位用餐，點心如下：～蝦餃@$13每粒（新鮮彈牙）～燒賣@$13每粒（有舊有燒賣味道）～芋角@14每件～雞飽仔@$13每個（內餡平均。唔似其他淨得薑蔥麵粉餡）～叉燒腸粉@$38一碟～百花釀魚肚@$48一籠～懷舊蝦多士@$18每件～蝦子柚皮總括點心價錢抵食，質素中上。服務態度係好。服務員有素質，知道要加熱水換茶。值得一試。如果即興訂星期六或星期日就一句講晒睇吓有冇緣。

之前已食過⁣留家廚房嘅晚飯，覺得真係好驚艷，所以今次適逢母親節，決定帶埋老人家一齊嚟試吓佢哋嘅早茶。⠀⠀留家廚房以前係可以經OpenRice book位嘅，上次食晚餐嘅時候係星期六，足足早咗個幾月book先book到位，所以其實留家廚房真係一枱難求。自從取消咗OpenRice book位，而家就得返打電話book枱。⠀留家廚房嘅早茶，絕對唔比晚市遜色，上次試唔到留家嘅叉燒，諗住今次點都有機會試吓啦，但原來叉燒只有晚市先供應😭😭換言之又要下次再嚟啦，不過留家又真係好值得encore嘅🥰⠀⠀飲茶嚟講呢度嘅點心係可以逐件逐件嗌嘅，兩個人可以嗌兩件，四個人嘅都可以嗌四件，係幾貼心嘅服務，同其他比較高級嘅中菜廳飲茶嘅體驗相似。⠀⠀留家煙燻雞（半隻）$218⠀蟹肉灌湯餃（一隻）$52⠀蜂巢芋角（兩件）$30⠀筍尖鮮蝦餃 （一籠四件）$52⠀蜜汁叉燒包 （兩件）$30⠀懷舊蝦多士 （兩件）$36⠀山竹牛肉球 （兩件）$24⠀糖絲脆麻花 $36⠀懷舊芝麻卷 $30⠀⠀留家煙燻雞之前同朋友食過，覺得非常驚艷，咁啱中午冇得試佢嘅叉燒，所以決定encore比屋企人都試吓佢哋嘅招牌菜。第二次食，同樣係咁驚艷。

窩夫與閨蜜的生日飯聚，壽星女想吃中菜，一行四人光顧灣仔的「留家廚房」。點了兩個前菜，太史戈渣(每件$25，四件起)原是北京街頭小食，以上湯和雞蛋製作，上桌時賣相似甜品，口感很特別，蘸砂糖吃更加滋味。另一前菜苔條九肚魚($128)的九肚魚比例較少，脆漿偏厚。薑蔥焗廣島蠔($198)的薑蔥總是比蠔受歡迎。留家煙燻雞(半隻$218)是招牌菜，將雞以鹵汁浸熟後以乾玫瑰花蕾、片糖和甘蔗煙燻成，煙燻味香，雞肉入味，不愧為招牌菜。魚湯雜菜煲($188)的賣相不錯，蔬菜種類頗多，有芥菜、白菜、菜心和金菇等。提早一天預訂的壽桃(半打$72)叫人失望，上桌時六個包散落在蒸籠中，因為想捧著來拍合照，只好自行將包擺好，但差不多個個包都裂開，實在無辦法補救。請經理過來看看壽桃的賣相，他說因為天氣太熱……

今日又去左灣仔留家廚房食飯，真係食到好滿足！餐廳裏環境乾淨整潔，服務態度亦非常友善。首先講下佢哋嘅招牌菜叉燒。佢哋嘅叉燒非常入味，又唔會太甜，肉質鮮嫩多汁，咬落去好有口感。仲有夏天必食冬瓜盅，湯底清甜，味道豐富。最令我驚艷嘅係佢哋嘅蝦子釀豆腐，呢個菜真係好特別！豆腐嫩滑，蝦仁新鮮彈牙，蝦子鮮味同豆腐簡直係完美融合！除咗呢三款菜，佢哋嘅菜式都好豐富，好適合同朋友約餐或者親子聚餐。總括而言，灣仔留家廚房真係一間值得推薦嘅餐廳，特別係佢哋嘅叉燒、冬瓜盅同蝦子釀豆腐，真係讓我回味無窮，下次一定會再黎！

早前我們「Mark Six 小組」四人晚餐，替 Jacky 哥哥慶生，齊齊到「留家廚房」吃傳統手功粵菜。相信唔少朋友仔對「留家廚房」都不陌生，主理人 劉健威 和 劉晉 兩父子，主打古法復刻粵菜，再加上From Farm to Table 的理念和現代技巧例如低温慢煮，令菜式添上現代化及精緻感。小弟之前曾和 劉晉 (我們叫他親切花名 晉晉) 一起拍攝過電視節目，早已認識。今餐晉晉剛巧也在餐廳，喜相逢！餐廳該晚座無虛席，擺設糅合現代及傳統感覺，與菜式一脈相承：前菜「太史戈渣」HK$100坊間供應這道菜的餐廳已買少見少。它原是北京街頭小吃，以上湯和雞蛋製作；江孔殷太史將之精緻化，用火腿及老雞熬成上湯，將上湯混入雞蛋、生粉，豬油，還有把雞子蒸熟後揉爛、混合在內煮成漿，再定型切好後炸成。吃時沾些砂糖，口感香酥軟糯，中心很綿滑，也吃不到雞子的筋膜，做得非常好！想想製作過程，光是如何將雞子、雞蛋、生粉、上湯混合，將漿液過篩隔渣，以適當火候蒸熟再下油鑊推炸，才能做出精粹及如此美味的效果，來到絕對值得點：「豬腳凍」HK$98壽星一向喜歡吃「話梅豬手」、「豬腳仔」之類的菜式，前菜也欽點了這個似水晶肴肉變奏

A scrumptious dinner of traditional Cantonese cuisine and nostalgic flavors! Their menu is carefully curated and we loved all the dishes ordered, especially the stir-fried beef sheen with fermented bean powder, braised pomelo peel and assorted vegetables, Kin’s barbecue pork, a signature dish freshly roasted to order using the finest blade shoulder cut marinated with sauce from the famous, century-old Liu Ma Kee, fried rice with shredded fried scallop and egg white. The restaurant staff are also