小曼谷泰國美食 (Moved) New Location

去九龍城食泰國菜是常識吧，今日約咗個朋友去搵泰國美食，最後搵左呢間小曼谷，其實我只係比佢門口架tuk tuk吸引左，覺得得意而走左入去試下店內裝修簡簡單單，我地揀左個卡位坐低。牆上貼左個柳青波波嘅poster，見到個名咁得意，已經急不及待點左個試下。餐牌上面有好多美食，見到已經流晒口水，仲有海鮮孖寶都係$198，奈何得2個人，食唔到太多，只係揀左3個菜...同2杯飲品...椰青波波其實係新款椰青去晒皮，飲管一刺入，椰青水馬上標出，清甜可口，飲完仲可以成個椰青波波食晒。芒果沙冰夠晒冰凍，芒果味道出眾。泰式乾炒魚麵(豬)夠曬鑊氣，而且唔會過油，魚麵條條分明。極上燒安格斯西冷牛小排以木盤上碟，以紅蘿蔔絲同椰菜絲伴碟，賣相精美。牛小排肉質嫩滑，肉汁能完全完鎖住。加上秘製醬汁點上牛肉，味道更好泰皇咖哩炒海鮮不得不大讚，咖哩汁超香濃，有椰香味，送飯一流。材料夠晒多，有大蝦、青口、魷魚、帶子、蜆肉樣樣齊。下次再黎都必定要再點呢一味，真係好好味

"小曼谷"係九龍城其中一間最旺人流既泰國菜餐廳, 特別係假日晚飯時段都全場爆滿, 而呢間分店新裝修, 望入去更設有卡位, 今日見入夜時間未咁多人就同朋友入去一試!! 款式非常多, 眼闊肚窄, 所以只係揀左呢幾樣食...【泰式黃金蝦】HK$148呢度既蝦非常大隻, 好比手掌般咁大, 一共有兩隻已經開邊既黃金蝦, 食用方便, 每邊既蝦身有金黃色既鹹蛋黃包住, 蝦身極之爽甜彈牙, 而且食到好香濃既鹹蛋黃香, 蝦頭入面仲有少少橙色既蝦膏tim~ 令人好回味!!下次去必定再encorn!【椰青海鮮焗飯】HK$86最上層有椰漿覆蓋, d飯比較濕潤, 啖啖都有好香既椰奶香味, 材料亦都唔馬虎, 包括魷魚,蝦球,帶子, 蜆肉,仲有少少青豆同提子乾, 絕對食到椰青既精華!同埋份量都幾多, d飯真係裝到落椰青底ga!!【泰皇咖哩炒海鮮】HK$168之前去過呢間小曼谷既其他分店食過呢個泰皇咖哩炒海鮮, 令我一試難忘! 今晚再光臨, 當然係要再order多次黎食啦! 果然水準同其他分店既一樣咁正!! 開邊大蝦都係大大隻一樣咁爽, 有蜆,魷魚, 帶子,同埋大大隻既青口, 呢度既咖哩唔辣, 但就有好香濃既椰奶味同

上次去九龍城食泰國菜時經過這間小曼谷泰國美食，一見到小曼谷的招牌已經覺得很吸引，因為它是用「小曼谷」三個字拼湊成一隻象呢！頓時很有好感，決定下次要來這裡試試，今次終於都來了～看見門面和招牌會以為這裡只有傳統泰國菜食？那麼你就錯了！一打開餐牌就被這個極上燒安格斯西冷牛小排吸引了～沒想到泰國菜都有牛排食，感覺很新奇所以就叫來試試。從照片都可以見到牛排是表面剛熟，而肉質仍然保留著粉紅色，十分嫩口！表面加上了胡椒作少許調味，突出牛肉本身的獨特香味，令我很喜歡。這道青芒絲沙律荀殻魚最令我覺得有驚喜！因為荀殻魚炸到金黃色，表皮很脆之餘肉質嫩滑，再配上帶有泰國風味的酸辣汁，味道很新清，完全沒有熱氣的感覺！而伴菜有洋蔥絲、蝦米、花生等等，撈在一起食，感覺好清新。主食方面叫了一個泰式乾炒海鮮魚麵，看似平平無奇沒想到卻最有驚喜！看上去像烏冬的魚麵口感同樣煙韌，有過之而無不及的是很香魚味，因為魚麵是加入了魚肉打成，食落口感彈牙又帶有魚香。配料加入菜、蛋絲及海鮮，簡單卻最能看出店家功力～飲品方面點了芒果沙冰，喜歡它不會太冰感，每一口都是很細很碎的冰，而且芒果味很香濃，比起平日加入大量芒果汁的要濃很多，很推薦！

今天又可以接老婆仔放工了繼續狂掃九龍城本來想吃的那間再一次關門了幸好九龍城有很多美食走著走著發現這間的下午茶款式與價錢都很吸引雖然我們很少嘗試泰式美食但都決定一試下午茶餐都是35元老婆仔要了泰式燒豬肋骨配木瓜沙律我本來都想吃沙律但怕預著不好吃的話就要吃兩份所以我要了蝦膏肉碎炒飯老婆仔加了10元要了芒果沙冰泰式燒豬肋骨送來時因為太肚餓而沒有拍照就吃了不過確實燒得很香是非常高水準的一碟不過骨真的佔太多了只有非常少量的肉這個老婆仔非常想吃的木瓜沙律真是太令人失望了因為泰式是帶辣味而這沙律的辣味也太過了吧幾乎吃不出裡面有什麼材料不說還不知道是木瓜呢幸好這個蝦膏肉碎炒飯非常好吃炒得很香或許是加了蝦膏的原因而且很多不同種類的肉碎吃到了不同的味道加止份量異常的大份簡直可以當午餐吃這個沙冰其實很細杯不過芒果很新鮮很濃味喝著就似吃真的芒果一樣也沒有一粒粒的冰我很喜歡這種口感的沙冰這裡的佈置很泰式電視上也播著泰文歌曲雖然老婆仔今天的工作壓力很大但在這裡坐下申訴著今天的不快也算是不錯的空間