Nara Thai Cuisine (港威商場)

Open Now

Now Closed

之前食過呢間 野食十分不錯今次再帶朋友嚟食 入到門口發現打卡位換咗設計係我鍾意嘅露營風呀🏕️⭐️芒果軟殼蟹米紙卷米紙卷好薄 好煙韌 點埋個汁 好好味芒果超甜 同埋新鮮炸好嘅軟殼蟹甜咸甜咸仲要好香脆！ 係我嘅最愛❤️⭐️燒豬頸肉配青木瓜沙律見到網上評價話呢個唔錯 咁就點呢個試試佢啦！出去食飯通常都好heavy 需要點個沙律平衡吓⭐️芒果糯米飯伴椰奶嚟到個糯米飯仲係熱㗎 超級軟糯 好正呀加埋超級甜嘅芒果 唔係因為我飽嘅話我一定會再想食多一個！！⭐️鮮芒果沙冰揀揀吓叫咩 嚟到發現原來揀咗幾樣都關芒果事沙冰用甜芒果打出嚟 實唔會出事 預期內一樣咁好飲⭐️椰青又大又甜 我上次嚟都係飲椰青🤭🤭

最近好似好耐冇去尖沙咀，同男朋友於海港城行街嘅時候見到呢間泰式餐廳，正值晚餐時間，一於入去食飯。餐廳走摩登木系，環境寬敞都幾舒服，座位設有藤椅&沙發區，如果坐窗邊位更會見到海景添，不過我地今次去就無見到啦，有點可惜。<黃薑豬肉沙嗲> $98豬肉沙爹有六小串，豬肉肉質軟身易咬，側邊嘅沙嗲醬花生顆粒明顯，將豬肉串沾點醬汁，沙嗲味香濃惹味，質地細膩，略帶甜味，不俗。<大蝦柚子沙律> $138柚子沙律入面有三隻大蝦，將醬汁同沙律撈勻，清爽解膩。<泰式豬肉炒河粉> $118平時食得多金邊粉，今次就轉下食炒河粉先。河粉同豬肉薄片炒得入味，河粉幾有鑊氣。側邊伴有白砂糖、辣椒籽&青檸，加點鮮榨青檸汁，更添風味。<芒果糯米飯伴椰奶> $98雖然唔喺芒果當造時節，但芒果依然鮮甜。糯米飯香甜軟糯，幾好咬口，口感不錯。

疫情終於緩和返啲啦，可以去食呢間泰國過江龍啦 🥳入到去先知原來咁大咁多位架，中間仲有個花花打咭位，好似好chill 咁香脆蝦餅 📍$583件炸到好似冬甩咁嘅圓轆轆蝦餅，有啲心思 👍🏻 食落脆面幾脆，入面又夠彈牙，點埋甜酸汁就更惹味啦 黃咖哩軟殻蟹 📍$198正呀！唔洗拆殼都有得食蟹呀 👏🏻 而且份量仲幾多吓 🙈 有成6-7件架，啖啖肉，啖啖蟹膏 😋 黃咖哩咖辣架，所以唔食得辣嘅朋友有份食呀～印度薄餅 📍$352 大塊薄餅，同咖哩不嬲都絕配，不過個人覺得如果少油啲同分返開幾塊細嘅會方便啲泰式炒通菜 📍$68微辣，炒得好香好夠火候芒果糯米飯伴椰奶 📍$88糯米飯上枱嘅時候仲暖暖地，keep 得住個口感，唔會太硬。椰奶好creamy, 加埋勁多汁嘅芒果🥭 yum yum~泰式奶茶 📍$38

收工緊係要去覓食chill 下架啦!今次一於去試高級泰國菜! 睇下佢咩料先。一坐低就有泰國蝦片, 份量好多仲要係免費架~蝦片好脆，食唔停到口呀!!!炸蝦餅 $58/3件 蝦餅好厚身~入面落左好多蝦肉! 熱辣辣! 外脆內嫩，又唔油膩!蝦肉彈牙，配埋甜酸醬黎食，好好食!泰式燒豬頸肉配木瓜沙律 $128木瓜沙律酸甜味道好開胃。 豬頸肉燒得好香口，好惹味。一定要配埋木瓜沙律一齊食~好fresh! 一d都唔”漏”。泰式炒金邊粉 $128一黎到賣相好靚，仲有5隻大蝦係入面，d蝦好鮮甜爽口，金邊粉又炒得乾身，必叫之選!黃咖喱魚柳 $118 + 印度薄餅 $35食得黃咖喱魚柳,點可以唔叫埋個薄餅! 呢個係完美組合!無得輸呀黃咖哩好濃味，唔太辣，有dd甜既味道。岩晒我呢d 重口味既我! 薄餅有2大塊~煎到金黃食~好香口,~又唔會好油淋淋!好好食呀!鮮椰子沙冰 $55 椰汁的味道好香濃，沙冰又整到勁幼滑。唔算太甜! 夠晒凍~ 岩晒食完濃味既野食，再飲番啖~好冰涼好fresh 既感覺又黎啦! 芒果糯米飯伴椰奶 $88椰奶打成cream狀,好滑好creamy, 糯米飯唔硬唔軟~岩岩好~有咬口~芒果好鮮甜多汁~

之前去曼谷已經食過非常出名既Nara Thai Cuisine, 覺得好好味，難得開到黎香港，當然要去食下啦餐廳係海港城既優勢就係方便同望到海景，餐牌上都好多款唔同既選擇，由前菜，沙律，海鮮，肉類，飲品，甜品，都應有盡有，即使我地平時食泰國都會指定選某幾樣，黎到Nara Thai Cuisine 都花左唔少時間研究餐牌先落單～一路食住餐前小食蝦片一路揀食物，就唔怕餓住等～值得一讚係廚房效率非常之高，落單後唔洗等得耐就好快上菜呢晚我地都叫左好幾樣食物，全部都好滿意呀～無論賣相定味道，都係一流雖然已經十月，但仍然熱辣辣，所以我地都叫左凍飲解下渴先，我地各點左鮮椰子沙冰同泰式奶茶，兩款感覺都係好地道既泰式飲品，椰子沙冰既椰香甜味好重，而泰式奶茶就好香滑同有濃郁既茶味。等左陣燒豬頸肉配青木瓜沙律就上枱喇，本身好鍾意食青木瓜沙律既我唔敢揀單點沙律，怕兩個人食份量太多喇，所以有呢個配搭可以選真係非常好，就可以食多幾款食物～豬頸肉燒到非常香口，表層有少少焦香同脆脆地，同係其他餐廳食既偏軟身口感完全唔同，我就傾向鍾情於Nara Thai 整既外脆內軟喇～青木瓜沙律甜中帶酸，好清新開胃～黃咖喱軟殼蟹上枱

同友人好耐冇見，收工就相約左係尖沙咀海港城Nara Thai Cuisine 食飯，好彩係平日夜晚，要等位都唔需要等太耐。Nara Thai Cuisine 同Lady Nara 係同一個空間共營，兩邊座位都闊落，而我地二人入座時被安排坐係海景位既四人枱，我地好滿意😆坐低之後就有水同小食供應，服務幾好👍🏻一大本多頁數既Menu 裡面有大量食物好選擇，我地都睇左一陣先揀到食咩好。最後決定每個類別都揀一款，咁就可以食到唔同種類出名既菜式😚✨ 黃咖喱軟殼蟹 $98✨ 印度薄餅 $35呢晚我最欣賞係黃咖喱軟殼蟹🦀咖喱汁非常濃郁好味！軟殼蟹有兩大隻，每人一隻啱啱好😚軟殼蟹同黃咖喱呢個組合幾好，咖喱提昇左軟殼蟹既味道，咖喱內既蛋絲令到咖喱入口有種軟綿感🤩當然唔少得用薄餅配咖喱黎食，薄餅索晒d 咖喱汁真係太惹味🤤✨ 黃薑雞肉沙嗲 $88味道都唔錯，🐔雞肉上既黃薑唔會太搶味，令雞肉保留住原有既味道，肉質硬度都適中，沙嗲汁鹹中有少少甜香，仲有花生粒🥜，幾有誠意👍🏻✨ 燒豬頸肉配青木瓜沙律 $128同朋友都好欣賞，豬頸肉🐷唔會太肥膩，而且燒到好香口，點埋泰式汁就更惹味，食下肉之餘食下清新既沙律，就可以ba

食左咁多次Lady Nara 今次終於試Nara啦🎈泰試生蝦 $128味道正常，但係應該都係刺身級雪蝦 不過嘅個價錢都好正常，無雪味又有呢個份量都算抵食 🎈花膠海鮮冬蔭功 $228呢個湯入面啲餸超豐富😃2個人食叫左呢個真係飽哂🤣入面有蝦，青口，魚，花膠，帶子等等 個湯嘅椰味比較重 所以比較膩 個人就比較鐘意偏酸辣嘅冬陰功多啲 不過味道都唔錯🎈 大蝦柚子沙律 $88呢個沙律味道偏甜 蝦嘅份量同size都豐富柚子一啲都唔酸 呢點值得讚👍🏻🎈香脆蝦餅 3件 $58個蝦餅質地有啲硬 唔係彈牙個種 有啲太實但係味道好食😋 🎈芒果糯米飯伴椰奶 $68佢啲糯米整得好軟糯 好好食 雖然芒果唔太甜 但係有椰奶搭救 同埋飯後酸酸地 可以解膩幾好👍🏻

🇭🇰Nara Thai Cuisine·我地其實本身係想食Lady Nara既 我地打去book位既時候 佢問我地想食西餐定泰國野 我朋友仔以為冬蔭公意粉個D都算係泰國野 就話左食泰國野 點知佢地係兩間餐廳LOL😂😂佢呢度環境唔錯既 暗暗地 又有大海景 好適合傾計😌·黃咖哩軟殼蟹$188 l 印度薄餅$28佢呢度價錢以海港城黎講又唔算話超貴既 食物質素就正正常常啦 不過佢擺盤係真係每樣野都好精緻既🥰佢呢個一上台真係香到爆炸 佢入面都幾多軟殼蟹 不過就偏油少少 而且佢好似落得太多雞蛋咁 所以個蛋味有啲蓋過左個咖哩味咁🤔🤔·泰式小食拼盤$168 l 泰式椰子蜆煲$188l 濕炒豬肉河粉$88我哋本身想試佢個東北小食拼盤㗎 但係嗰個賣晒 所以我哋就嗌咗呢個正常既小食拼盤 佢個雞翼整得幾好食 外皮好脆 個長春卷口感都幾好 其他就正常水準啦😌😌之後佢個蜆煲好香椰子味 啲蜆都甜嘅 但係就有少少煮過咗龍咁 有啲啲un🙊最後佢個濕炒河粉超大兜 大兜到嚇親我地 佢個河粉質地唔錯 好入味 但係個汁就偏鹹左少少🤭🤭·芒果糯米飯伴椰奶$68其實我哋食完已經好飽 但係因為我哋有朋友仔生日 所以都嗌左呢一個甜品同