泰禾美

Open Now

Now Closed

閒日夜晚冇book位就嚟食，好彩唔洗等就有位！我揀咗菠蘿沙冰有菠蘿絲豬肉碎生菜包：肉碎好味，小小辣，生菜都好乾淨最後食到唔夠生菜泰式炒通菜：原來係用麵豉炒，由底有汁嗰啲食會好食啲馬拉盞炒椰菜苗：馬拉盞炒菜係冇得輸椰菜苗都好好食，唔苦生蝦刺身：新鮮個醬辣辣地幾好食！炸蝦餅：似新鮮炸起，好脆沙嗲串燒：嗌咗豬，牛，雞，墨丸，牛丸雞肉串燒最好食！牛丸比想像中細粒，但又真係有牛味，好味其他都正常發揮黃咖喱雞配薄餅：咖喱有啲重椰味，我唔係好啱雞肉都多，而且幾大條～薄餅超好食！勁脆！點咗咖喱食都仲脆最後叫咗芒果糯米飯嚟幫朋友慶祝生日（自備生日牌）芒果夠甜，但啲飯唔夠黏，裡面有少少粒粒分明嘅感覺不過其中一個朋友反而鍾意呢個口感整體嚟講嘢食都好味，而且仲幾抵食！侍應服務都幾好，叫佢地都好快有人應～雖然環境座位未必係超級舒服，但係都可以接受嘅我地走嗰陣出面有好多人等緊位冇揀錯呀

眾所週知，泰國野一定係九龍城食。第一次食依間，就係貪佢門面舊、裝修舊式，咁先食到正宗唔花巧既泰國菜。我地岩岩打完波，打算食小小就算。叫左兩樣加杯沙冰。芒果糯米飯(3.5/5)純粹個人喜好，生平第一次食，因為唔太好甜食。問左芒果糯米飯專家叮叮，依度既椰汁較稀，但都好食。串燒(5/5)靚靚蜜糖燒係面，傻傻分不清係bbq定泰式串燒。特別推介雞腎！依度係有得自選，唔會要你半打簡豬牛雞兩款咁，只要最少4串。食下食下，唔係好夠喉，叫多樣啦！泰式生菜包(4/5)小辣，岩岩有辛辣感又唔會食到好辛苦。依啲先係標準辣度，之前其他既都唔知做乜。非常滿意又有驚喜既一餐！走果陣好多枱客都有叫鱸魚，睇黎係另一招牌！依度2個舖位打通，每枱客都一枱接一枱。另外一提，有位係度做既老婆婆好好人，會提你先食咸食再食甜品，話我地倒轉左冇左個口感。婆婆果然識食。如果依度係意想不到咁好食，我同你就係出奇不意快地合拍！係咪呀叮叮