Video
Read full review
2023-04-26
459 views
Bookmark 左好耐試嘅cafe, 因為本人一向怕等位，盡量book到位先去，晚餐時間好多日子都full, 終於搵左日（book定3星期之後）同朋友夾到時間7:00去到。小店座位唔多，環境幾舒適，枱與枱之間唔會隔得太近，唔嘈，適合同閨蜜小聚談心。一行三人點左2個主食，2款甜品同一人一杯飲品。原本驚唔夠食要加點，但最後食完甜品都相當飽，仲要食剩少少😅。呢度最出名嘅盒子吐司選擇相當多，揀左最多人推介金沙炸軟殼蟹吐司。盒子吐司賣相非常吸引，附上炸番薯條同埋少量沙律。大大舊軟殼蟹炸得十分香脆，烘得外脆内軟嘅吐司配上咸香嘅咸蛋黃醬同埋三文魚子，加上魷魚等海鮮，滋味十足。牛肉定食$78，CP非常高，一個人應該都食唔曬。牛肉嘅份量好多，足足有半碟，唔會太肥，有牛味都夠淋，調味適中，甜甜辣辣咁。仲配有蛋絲、泡菜、溫泉蛋同一碗沙律，大大碗白飯上面灑滿飯素，相當有誠意。招牌奶蓋窩夫賣相可愛，味道都一流。窩夫外脆內軟，中間有麻糯，配上鹹香嘅奶蓋，令人食指大動。圍住窩夫有幾粒類似brownie 嘅野裝飾，味道就普通。另一個甜品吐司口感味道有點似A1樹頭包，包住嘅雞蛋布丁都幾滑味道濃厚，整體唔會太甜,但就唔
小店座位唔多，環境幾舒適，枱與枱之間唔會隔得太近，唔嘈，適合同閨蜜小聚談心。
一行三人點左2個主食，2款甜品同一人一杯飲品。原本驚唔夠食要加點，但最後食完甜品都相當飽，仲要食剩少少😅。
呢度最出名嘅盒子吐司選擇相當多，揀左最多人推介金沙炸軟殼蟹吐司。盒子吐司賣相非常吸引，附上炸番薯條同埋少量沙律。大大舊軟殼蟹炸得十分香脆，烘得外脆内軟嘅吐司配上咸香嘅咸蛋黃醬同埋三文魚子，加上魷魚等海鮮，滋味十足。
金沙軟殼蟹三文魚子海鮮沙律盒子吐司
$108
15 views
1 likes
0 comments
牛肉定食$78，CP非常高，一個人應該都食唔曬。
牛肉嘅份量好多，足足有半碟，唔會太肥，有牛味都夠淋，調味適中，甜甜辣辣咁。仲配有蛋絲、泡菜、溫泉蛋同一碗沙律，大大碗白飯上面灑滿飯素，相當有誠意。
黑椒十勝牛肉定食配溫泉蛋配溫泉蛋？
$78
16 views
0 likes
0 comments
招牌奶蓋窩夫賣相可愛，味道都一流。窩夫外脆內軟，中間有麻糯，配上鹹香嘅奶蓋，令人食指大動。圍住窩夫有幾粒類似brownie 嘅野裝飾，味道就普通。
芝士奶蓋招牌窩夫
$88
26 views
1 likes
0 comments
另一個甜品吐司口感味道有點似A1樹頭包，包住嘅雞蛋布丁都幾滑味道濃厚，整體唔會太甜,但就唔算太驚喜。
焦糖雞蛋布丁盒子吐司
$60
24 views
1 likes
0 comments
本人係開心果控，呢杯係必點之選。杯邊圍左一圈開心果碎幾有心思。加左啲豆腐喺入面，唔太食得出豆味，但可增添口感同冇咁膩。開心果味頭幾啖都算濃，但飲到中間就不明顯。好快就飲曬，如果大杯啲就好。
開心果特調
$56
27 views
3 likes
0 comments
整體用餐體驗唔錯，價錢合理，係可以encore 啲。
Post
