四季良晨 (新都城中心) (Closed)

下午茶餐紅燒腱心牛肉麵 $51涼拌貓耳朵 & 涼拌黑醋茄子 (跟餐+$15)下午茶餐都有3款湯底丶2款麵可供自選，真係要加分！揀咗養生清燉牛肉湯，少少藥膳味，台灣麵煙韌彈牙，牛腱軟腍入味，好味！拉絲芝士肉鬆蛋餅 拼 地瓜薯條 $40可能我將蛋餅閒置到最後先試，就見唔到芝士有拉絲效果，但係食得出有芝士味同埋煙煙韌韌嘅口感，配埋甜甜微脆嘅肉鬆，係唔錯嘅。可揀蕃茄湯米線或地瓜薯條，我就揀咗地瓜薯條，平時比較少食，厚切蕃薯條，唔算好脆，甜度較弱，如果加返少少蜜糖調味，應該會更吸引 ☺️古早味滷水拼盤 $63有牛腱丶牛肚丶雞翼丶滷水蛋，最回味係牛腱同埋牛肚，滷得入味，較腍易咬，必試！鹽酥花枝丸(3粒) $26外層好脆，食到有花枝粒芝士奶蓋桂花烏龍茶 (跟餐+$23)鹹香芝士奶蓋棉滑，桂花味重，杯內有成個烏龍茶包，但略嫌茶味偏淡，如果濃少少會更好味芝士奶蓋阿華田 (跟餐+$25)阿華田味濃，配上芝士奶蓋，原來都幾夾

約左朋友喺寶琳食野, 不約而同都想食台灣菜, 牛肉麵湯底yummy. 又食百佳隔離嘅四季良晨啦, 個menu實在太多野揀了, 心多嘅我地例牌一人一個餐加小食share.•滷水豬手麵 x 地獄湯 (HKD67)一碟四大件充滿骨膠原嘅豬手, 一咬就離骨之餘豬皮仲好厚身呢, 台灣麵口感夠滑, 地獄湯夠辣. •鹽酥雞排麵 x 麻辣牛肉湯 (HKD63)現炸鹽酥雞排外脆內熱, 雞肉嫩而juicy, 我最鐘意佢薄薄嘅鹽酥炸皮, 脆口而唔熱氣. 原本味道濃郁嘅牛肉湯加上辣油, 嗜辣嘅我表示想一飲而盡的.•煲仔塔香三杯雞 (HKD52)放滿件件嫩雞🐓, 原粒蒜頭🧄, 大大片洋蔥🧅, 勁多九層塔🌱, 陣陣三杯雞酒氣味嘅煲仔每次黎都要食, 調味豐富又足料, 每次啲雞肉都好嫩又唔dry👍🏻. •涼拌黑醋茄子x 涼拌貓耳朵 (+HKD15)一碟3件超厚切涼拌黑醋茄子🍆非常入味, 細細粒雲耳勁開胃呢.•幸福紅豆與豆乳 (HKD24)乍暖還寒嘅天氣, 我都係來杯熱豆漿, 加入腍軟細豆甜啲好味啲. •芝士奶蓋桂花烏龍茶 (HKD23)芝士奶蓋足足有個杯1/3咁厚!! 原個茶包沖茶味香濃, 唔怪得成日都咁多人食啦👍🏻

話說上網見到很多人推介這間去有良心的餐廳，當然我亦要親身去感受一下，看看這間「四季良晨」有何特別之處。因為我今晚要去將軍澳那邊，所以特意向朋友介紹這間。其實我去到新都城那邊都大約8點鐘左右，理應會少人一點。但不知大家是否看到網上推薦，餐廳8點鐘外面仍然有不少人在等候。沒關係，我們可以邊等邊看餐牌，看看兩個人可以食些什麼。 ⟳ 1. 三盛紅燒牛肉麵我本身就想食辣的，問了一下店員，原來地獄三盛牛肉麵辣的程度是非常高。店員還說，如果不是吃得很辣的，建議還是吃養生清湯比較好。清湯有清湯的好處，就是湯底有著非常濃厚的藥材味，配上腱心牛肉、牛腩和牛丸，味道更加配合。 ⟳ 2. 滷水豬手飯定食朋友比較喜歡食豬手，所以她就來個滷水豬手飯。豬手份量很足夠，一碟有四顆，可以互相share。豬手燜得很軟稔，一咬即溶，不用浪費牙力。 ⟳ 3. 煲仔塔香三杯雞其實我們兩個最想食的就是三杯雞，與其點其他小食，倒不如大貪一點，叫一個煲仔三杯雞。煲內有大量洋蔥，所以雞件煮得頗為入味，我和朋友吃到有點要爭吃的感覺。 ⟳ 4. 芝士奶蓋桂花烏龍茶因為太口乾的關係，我和朋友都是一人點一杯飲品。我就想嚐一下台式的芝士奶蓋，不

平時都幾鐘意食台灣嘢，又鐘意飲台式茶飲，所以經過見到呢間四季良晨都有啲興趣試下。打開餐牌，有啲set仲有菜加燉湯，均衡飲食，夠健康啦掛，都不過係七十幾蚊姐，幾抵食。比較可惜嘅係牛肉麵冇定食set，只可散叫🥺。為食嘅我地太肚餓啦，叫左兩款小食同飮品頂住肚先😋《桂花雞翼》本身覺得桂花配雞翼好似九唔搭八，但食落有驚喜喎！雞翼個皮好脆，肉夠juicy，個醬汁係桂花糖漿，有花瓣嫁，食落好重花香，配雞翼又意想不到地幾清新幾夾喎！推介！《煎餃子》見餐牌寫個餃子係明係爆湯汁同必食，所以叫左。咬落又真係好爆汁，餡料豐富，唯一係略嫌個皮厚左少少。《仙氣火龍果茶》顏色紅紅地紫紫地咁女仔應該幾鐘意。茶底相信係桂花，上面就係火龍果汁，比例幾平均，火龍果味都明顯，我建議可以叫少甜，可能果味會更出。《芝士奶蓋桂花烏龍茶》個芝士奶蓋偏甜，冇鹹香味，配埋桂花烏龍，飲落竟然有啲似芒果奶昔嘅味道。我個人比較鐘意喜茶嗰款鹹鹹地嘅芝士奶蓋，配純烏龍茶應該會更突出到茶味。其實已經有啲啲飽，但仲有兩個主菜未食😂《滷水豬手飯定食》豬手好入味而且炆得好焾，最想讚嘅係個燉湯，蘋果無花果燉排骨，好清甜好正！！仲有好多湯渣可以食，所以飲完已

路遙知胃力，為咗食，大胃可以去到幾盡？因為有胃民話好食，所以甘願長途跋涉嚟到將軍澳試吓。查實大胃對於開嚟民居附近嘅台灣嘢不予期望，預咗伏，但有時女人嘅直覺都唔係啱晒嘅驟眼睇呢碟餃子同大胃之母煮嘅冇兩樣，點知食落係祥兄記嘅級數，一咬開，爆湯四濺，好鮮甜，真係誘人到濕晒花控大胃一定要試桂花雞翼，碟桂花醬好難點，原來係俾你淋喺雞翼上面㗎，雞翼大隻夾嫩口，而且錦上添桂花𠻹選擇困難症嘅大胃通常會嗌四寶，咩都齊，唔使煩湯底有啲辣，麵條口感唔錯滷肉同豬手之間，大胃作出抉擇了豬手炆得好腍，又入味，送飯真係幾正，送汁仲正桂花烏龍茶好清香，芝士濃度適中，唔會互相搶味如果個個都領受到呢句說話，呢個世界簡單幾多呢

今晚放左工同朋友仔約食飯，揀左呢間新開既餐廳。我地7點幾去到，等左5至10分鐘就入得。餐廳裝修有文青feel，側邊仲有花花打卡位，影相幾靚，座位闊落，環境幾舒服。我地點左鹽酥雞排雞肉飯、三盛紅燒牛肉麵、涼拌貓耳朵、滷水豆腐。朋友點既雞排飯係晚市套餐黎，配埋原盅雞湯，仲有娃娃菜食，好抵！我偷食左少少鹽酥雞排，新鮮即炸，唔太油膩，幾好至於我個紅燒牛肉麵可以話係份量十足麵條好有咬口，湯底清甜，應該冇點落味精，飲完唔會覺口乾，最正係有大大舊蘿蔔牛肉牛𦟌都煮得淋，不過，牛丸反而有驚喜，咬落好多肉汁。我地跟餐加配左兩樣小食，黑木耳（貓耳朵）幾爽口，酸酸地好開胃，不過滷水豆腐就少少鹹，但加6蚊就有好多粒，CP值高。一場黎到，梗係要試下特飲！跟餐冇得配特飲，要另外點，如果可以補差價叫埋特飲會好d呢我揀左芝士奶蓋桂花烏龍茶，就咁飲我覺得個芝士奶蓋唔夠重芝士味，但桂花烏龍茶飲完就有陣陣桂花清香，溝埋黎飲又幾夾，唔會太甜，岩岩好，推薦不過，扣分位係枝飲筒唔夠長，係拮唔到落底，最尾我要揭開個蓋黎飲，建議換一款長d既飲管。