四季良晨 (新都城中心) (Closed)

今晚放左工同朋友仔約食飯，揀左呢間新開既餐廳。我地7點幾去到，等左5至10分鐘就入得。餐廳裝修有文青feel，側邊仲有花花打卡位，影相幾靚，座位闊落，環境幾舒服。我地點左鹽酥雞排雞肉飯、三盛紅燒牛肉麵、涼拌貓耳朵、滷水豆腐。朋友點既雞排飯係晚市套餐黎，配埋原盅雞湯，仲有娃娃菜食，好抵！我偷食左少少鹽酥雞排，新鮮即炸，唔太油膩，幾好至於我個紅燒牛肉麵可以話係份量十足麵條好有咬口，湯底清甜，應該冇點落味精，飲完唔會覺口乾，最正係有大大舊蘿蔔牛肉牛𦟌都煮得淋，不過，牛丸反而有驚喜，咬落好多肉汁。我地跟餐加配左兩樣小食，黑木耳（貓耳朵）幾爽口，酸酸地好開胃，不過滷水豆腐就少少鹹，但加6蚊就有好多粒，CP值高。一場黎到，梗係要試下特飲！跟餐冇得配特飲，要另外點，如果可以補差價叫埋特飲會好d呢我揀左芝士奶蓋桂花烏龍茶，就咁飲我覺得個芝士奶蓋唔夠重芝士味，但桂花烏龍茶飲完就有陣陣桂花清香，溝埋黎飲又幾夾，唔會太甜，岩岩好，推薦不過，扣分位係枝飲筒唔夠長，係拮唔到落底，最尾我要揭開個蓋黎飲，建議換一款長d既飲管。