意粉屋 (Closed)

每年冬天都推出芝士火鍋，今年依然唔例外！我當然亦唔例外，要繼續食啦！繼續點個芝士火鍋套餐！仲點多左個煙斗粉😍😍😍入味忌廉汁今年套餐依舊豐富，有大大粒帶子好新鮮好厚肉，有西冷排好夾芝士，有麵包粒吸晒濃味既芝士，薯條😍😍😍變身成為芝士薯條！仲有好多好多貝殼粉，肉丸，辣肉腸！三個人都食唔晒！😂😂😂眼寬肚窄！

一直對Spaghetti House印象麻麻，不過之前食過佢的芝士火鍋感覺唔差；今年開始凍了，於是同朋友再去。Waiter主動詢問要凍水定熱水，幾唔錯；我地點左個388套餐，2個人食綽綽有餘。先來一個前菜，西班牙風乾牛肉拼煙三文魚沙律，我唔食海鮮，但朋友話三文魚唔錯。風乾牛肉咸香味濃，個人好鐘意。芝士火鍋好快送上，但牛肉冇我想像中同芝士咁夾。配料包括麵包粒、辣味腸、薯條、肉丸、魷魚 、西蘭花、菇同螺絲粉，睇落份量唔大，食落真係唔少。一般： 肉丸淡而無味。香草菇咬落去好大陣水味，芝士都遮唔到。 麵包粒較軟身又有少許靭。 雖然我好愛薯條，但同芝士夾真係幾膩。唔錯： 螺絲粉同芝士簡直天生一對。 辣肉腸本身重味，唔會俾芝士搶晒Ｄ味，仲反而出現層次，出奇地夾。 魷魚朋友話唔錯，爽口。 西蘭花本身清淡，同芝士夾埋唔會太膩。食完來杯凍檸茶，嘆！