NeNe Chicken (新都會廣場) (Closed)

呢排留喺屋企抗疫多，開咗幾套韓劇出嚟睇，自然就忍唔住想食韓式炸雞，於是乎就去咗叫外賣，雖然炸雞嚟到會變到唔脆，但係有醬汁就唔同。炸雞食落都幾有肉汁，幾好食。芝士年糕變冧咗，但係都好味嘅。雖然價錢有少少貴，但係終於可以一解韓國癮，呢間都係一間好食嘅韓國餐廳。

有睇過Running Man既朋友仔應該就會知邊個係劉在錫了！以前門口會放一個劉在錫既紙牌吸引途人既注目，現在卻不見了。但無論在餐牌還是在餐廳內的電視仍然會看到很多的劉在錫。這裏的炸雞是不錯的，分別提供有骨同無骨的，想試多一款口味炸雞的朋友可以選擇雙拼，一次滿足兩個願望。另外，餐廳會提供即棄膠手套，以方便顧客盡情地用手食雞。首先講講炸雞，甜辣醬炸雞的味道如其名一樣，少少甜帶少許辣，適合唔係太食得辣既朋友仔，不過佢的甜辣的味道並唔係咁突出，平平無奇。初雪炸雞？個名幾好聽！究竟咩係初雪呢？即係炸雞面頭灑了很多芝士粉的炸雞及配上炸薯片。這款口味的炸雞真係好好食，同炸雞好夾，令人有種不斷想繼續想食的感覺，完全可以將甜辣醬味的炸雞比下去，炸薯亦炸得很香脆。不過由於真係灑了好多芝士粉，吃太多會感覺很滯。這款芝士炒年糕伴拉麵的味道就好似冇咁辣既泡菜拉麵，只係換左另一種煮法及用鐵板奉上。拉麵的醬汁是有一定程度的辣，幾惹味，如果唔食得辣的朋友可以唔洗試，對於食得辣的我只係小兒科。拉麵伴有芝士在面頭，配菜就有一些年糕，魚片及蛋等等。份量夠兩個人食，不過價錢真係偏貴左，以這樣的食材，不太值得。

之前係首爾食過隱蔽炸雞，念念不忘，於是去試香港嘅韓式炸雞店。要食梗係食雙味炸雞，點左白郡主同初雪，明太子蛋卷同芝士炒年糕伴拉麵。蛋卷好快到，話雖迷你但係都好大件，切開蛋卷入面有蛋液流出黎，入面有啲青紅椒，味道唔係特別出眾。炒年糕除左平時見到嘅白色年糕，仲有黃色同紫色，我最初見到紫色以為係紫薯，配有一整粒雞蛋，韓式魚片，拉麵都幾彈牙，醬汁幾好味食到微微辣，對我黎講係碎料，周一腹媽媽平時滴辣不沾都話ok食到。白郡主即係酸忌廉汁，食個陣酸忌廉味唔會好重，初雪意思係芝士粉，芝士粉唔係好多，雞件唔大，但係唔係一口雞，唔會食得好輪盡，外皮都脆，肉汁無韓國食到嘅隱世炸雞咁多，肉質都幼嫩。後記：用餐個陣間唔時就聞到一種酸縮味（under arm嘅氣味似的），我以為係餐廳比較焗令到啲員工出晒汗以引至，不過當我留意到無員工行過都有種酸縮味飄過個陣，我懷疑酸縮味嘅野係向我附近，鼻敏感嘅我認真一索，果然就係向我附近嘅白郡主炸雞傳出黎嘅酸忌廉味，之後有啲內疚感，因為心裡面屈左啲員工。

上次食完隔離的韓國餐，失望得令人火大，這次來到nene chicken，抱著忐忑不安的心情，大概不會連續兩次失望吧。午市不用等候，可以直接安排入座，3個人被安排到一張小圓枱，位置比較窄，左手碰右手，好不方便。反而有幾枱2位的客人被安排到4人的卡位，帶位的邏輯有點問題。雙重滋味炸雞  - 初雪炸雞 & 蒜香醬油炸雞初雪炸雞令我想起了都敏俊，來自星星的浪漫。一片白茫茫的芝士粉撒在炸雞上，味道香濃，熱辣辣又香脆，可惜雞偏小，是從來都沒有吃過這麼小的雞塊。一隻雞全翼和平時一隻正常的雞中翼大小相差無幾，除去骨，還有肉嗎？蒜香醬油炸雞味道偏重口味，而且偏油，食到中途油已經出來了，油膩感十足。肉質較初雪炸雞的粗和乾，十分失色。韓式牛肉飯的味道令人驚喜，太陽蛋蛋汁的幼滑，配上香甜牛肉，味道一流，而且價格便宜，值得推介。芝士炒年糕伴拉麵的辛辣勁十足，大量的芝士配上煙韌年糕，飽肚卻令人欲罷不能。食物方面，有得比較，午餐當然是比較推介這間炸雞。但服務方面，都是差。可能新店，侍應還不適應，大家都在遊魂，攞罐汽水都可以分開3次，汽水走一次，飲筒走一次，杯子走一次。由於枱面太過小，上菜速度快，而且器皿又過大，小小