星星 Pho Cha

Open Now

Now Closed

閒日都會見到好多人排隊食，入面連侍應都係講韓文，所以通常都係指住個餐牌落單。所有野都係即叫即整，所以等嘅時間比較長。醬油蟹2隻 $383★★★★☆醬油蟹2隻，每隻1開4件連蟹蓋，味道上唔差，同喺韓國當地食嘅差唔多，味道上幾入味有啲啲偏咸，唔需要再點汁食。肉質方面都鮮嫩，但隻蟹真係太細隻，唔算多肉，蟹膏都唔係多，食完唔夠候。點醬油蟹會跟個一碗飯，入面有紫菜同蛋，因為隻醬油蟹唔算肥美，如果加蟹肉落去撈飯唔太夠味道，就咁單食會好啲。芝士炸雞$138★★★☆☆一上見到個賣相就覺得幾正，因為有巨量芝士同粟米，食開韓國野就知道芝士同粟米係絕配！呢個醬汁再加埋炸雞真係非常之邪惡。芝士味唔算好濃，唔太流質，難D依附係炸雞到，每食一啖炸雞Ｄ芝士就會食哂，一路食一路跌啲粟米，食得有啲狼狽。炸雞太大件，如果細番小小會好啲，但勝在熱辣辣即炸，外皮做到金黃香脆。入面肉質唔算好嫩滑多汁，嫌佢啲雞肉冇咩味，似冇醃過喺炸之前，只靠個芝士醬唔太足夠。水冷麵 $83★★★★☆味道幾清新，如果個湯底可以再凍啲會更清爽！麵質軟硬度剛剛好，入面亦有啲酸蘿蔔、雪梨、青瓜做配菜，有咬口之餘又清新。另外會附上芥末醬，加都未加真係兩個

追開Kpop，係bubble到見到鍾意既idol分享今日食左海鮮煎餅，搞到口痕都好想食，一於就約三五知己去食韓國嘢喇😜我地一行四個人，叫左個原味紫菜包飯、海鮮煎餅、芝士炸雞同烤牛肉拌飯。本身以為唔夠食，諗住食完一round再叫多小小，後尾冇叫到都食得好飽🤪🤪一定會再幫襯！一開始就比多幾款小菜我地，泡菜就梗係唔會少，仲有豆芽，豆角，蘿蔔等醃菜，不過我地除左泡菜全部都唔鍾意😂😂又唔係話小菜難食，係我地本身就對醃菜麻麻。首先講左個海鮮煎餅先，真係好大一張餅🫓！切開左8塊😋四個人一人兩塊啱啱好夠分，餅邊煎得好香脆，超級超級超級超級香，咬一啖餅面又好香軟，餅上面既蔥都煎曬啲蔥香味出黎，有一兩個紅椒都令到成張餅多小小顏色搭配，見到都胃口大開😆😆個餅本身都夠曬味，所以中間既醬汁都冇點點過，點左小小試左下覺得好鹹，就咁食原味既更好味，下次一定會再嗌黎食！原味紫菜包飯都好正！平時係出面小店買既紫菜包飯都唔平，但成一半都係飯，今次食呢個紫菜包飯飯得薄薄一層，唔會話食唔到飯既口感但都唔會太多飯令到搶曬餸料既風頭😋都會再encore😆😆芝士炸雞🍗好多芝士，上檯之後熱辣辣，夾一舊就拉起絲，芝士味好濃好香，口水都

見好少人介紹呢一間黃店🤓雖然呢間韓國菜招呼我哋嘅都係韓國人/non locals 但佢哋都一樣咁支持香港人‼️喺呢度食咗我嘅聖誕大餐😎整體嘅食物質素都唔錯 地方就細咗少少但服務好好😍點菜嘅時候老闆娘(應該係😂)見我哋好似點太多 好有心咁建議我哋叫少啲😅食物來到又會幫我哋整同分😇.Once I saw this shop, i thought it was Vietnamese food 😂 turns out to be a full on Korean restaurant even the owner was a Korean lady 😆 went to this small shop near Austin for Christmas dinner 🍴 and honestly, pretty surprised 😮 it was pretty good 😋 not a big shop but the service was great 👍 funny thing was she said we ordered too much and told us to order les

好耐無見既朋友話想食韓國野就揀左呢間黎食到坐底就話想食芝士炸雞 所以必嗌左然後再嗌埋泡菜炒豬肉等既時間比較耐少少 先黎既係前菜 好肚餓既我地係甘食 有5款前菜都幾多然後到炸雞既時間 店員會幫我地撈勻d芝士係雞上面 我地就開始食 初初食係好好食因為佢好多芝士 陣味超濃 但當食到第二舊既時候我已經好流但唔食快少少 d芝士硬哂又唔好食抖左陣就食下泡菜豬肉 但無我想像中甘好食 因為太大陣豬肉既味道！對比起見到隔離檯既牛肩骨 我更想食牛只能說開頭食得太多芝士搞到好濟唔想食其他野

前排睇到新聞話中國六千旅客迫爆韓國「星你」拍攝地，搞到我暫時都唔敢去韓國玩住，不過又好掛住當地美食喎，唯有黎呢度止住癮先啦！泡菜餃子火鍋(粉絲)大鍋內堆滿泡菜、金菇、餃子、豆腐及粉絲，越煮越香辣。大大隻韓式餃子，包著切得細碎的豬肉及蔬菜，雖然外皮口感比不上中式餃子，但浸在大量濃湯中，每口都包含湯的精華，而且不覺肥膩。芝士炸雞在芝士熱辣辣時，將雞件混合其中捲後拉絲，雞件炸得酥脆，外皮不會太油膩，裡面的雞肉滑溜溜，不會過熟。星星炒粉絲韓國傳統菜式，做法有點像港式炒米粉。韓國粉絲是由番薯乾製而成，味道甜甜辣辣的，配料豐富，對健康當然有益，也很飽肚。星星煎餃子韓式煎餃有點像我們的鍋貼，但皮薄得多，外層煎得金黃，入口有爆破的香脆聲，肉汁在嘴裏四濺，肉香豐腴。

前陣子到首爾旅遊，那邊的炸雞啤酒潮依然吹得狂熱，隨處都能嘗得到；回到香港，十分懷念那份味道，於是特意上網搜尋，找到這家看上去很地道正宗的韓國餐廳，希望能重拾那種令人一試難忘的滋味！鐵板菜式在韓國一向大受歡迎，這裡的芝士炸雞正好包含了炸雞、芝士和鐵板3大人氣元素，一上枱職員就馬上幫客人將芝士及雞件二合為一，邊炒邊傳來陣陣 濃郁芝士味，非常吸引！大家記得要趁熱食，熱熔的芝士包圍著香脆的雞件，一口咬下去即嘗到啖啖肉的嫩滑雞件，與芝士同吃格外惹味，而粟米粒就起了中和膩感的作用，同時豐富了口感。有炸雞，又怎能少得它的好拍檔啤酒呢？這裡的海特真露正進行推廣，合乎我心意，啤酒口感新鮮甘醇，細味頓覺清涼順口，獨特的麥芽香氣更讓人甚為陶醉，感覺自己就像劇中的千頌伊一樣，一口雞一啖啤酒才是王道，不用轉場就能吃得好又飲得盡情！