Layback Cafe & Bar (Closed)

今日約左d老友收工食tea吹水，梗係搵返間地點易去又靜靜地既cafe啦。老實講，我覺得呢間唔錯呀，旺中帶靜，可以慢慢吹慢慢食，唔會比人趕。佢地個menu野飲仲多過野食架，不過都有tea set提供。但係我地冇嗌到tea set，就咁嗌左d小食同野飲。全部野賣相都唔差架，我就嗌左個香蕉朱古力奶，味道唔錯，飲落去係濃郁既朱古力奶帶d香蕉香味，仲有少少香蕉溶tim，其他野飲都ok呀，不過我朋友話佢個杯oreo朱古力沙冰d冰唔夠碎，仲有d係好大粒tim。小食拼盤咪就係平時個d咁，冇話特別好食，反而我覺得個炸薯條唔錯，因為有佢個秘製芝士汁，食落去又唔漏仲好好味呀👍🏻👍🏻👍🏻👍🏻而佢個有機菇都焗得arm arm好，唔會乾食落去仲係juicy架。個人認為整體唔錯，可以再黎😉

一向好鍾意去樓上嘅餐廳，貪佢哋地方比較舒服，人流比較少，通常價錢仲比較親民添！今日嚟到呢一間餐廳，位於尖沙咀加連威老道中間嘅位置。去到樓下，已經見到有易拉架招徠路過行人。我同朋友就係慕名以來嘅，一上到5樓打開lift門，就見到左手邊係lay back。入到去地方唔係好大，大概30個位左右，但都幾有格調，佈置方面都睇得出店主花咗心思。最特別嘅地方係佢哋喺露台位置，做咗一個花園。我諗天氣涼少少嘅日子嚟到，應該都幾舒適架。餐牌上面嘅選擇唔係太多，都係一啲簡單野。始終呢度都係Cafe，反而飲品嘅選擇就非常之多啦！我哋兩個人叫咗三樣食物：all day breakfast，黑松露忌廉雜菌扁意粉，芝士煙肉焗有機大牛扒菇。《黑松露忌廉雜菌扁意粉》個醬汁好杰，好creamy，有好香嘅黑松露味，亦都有牛油味。入口嘅口感好豐富，佢哋將幾種唔同嘅菌類切成細細條，撈左落個醬汁度，增加入口嘅層次感。至於意粉，火候控制得非常之好，每一條意粉都完全熟透，但又未至於過熟。《All day breakfast》呢個好豐富，有Parma ham、豬肉腸、煎蛋、蘑菇炒粟米、茄汁豆、多士、沙律、蕃茄等等。每一樣野都整得好好食

難得半天假期, 跟剛考完試的姪女逛街, 給她獎勵。 平日的尖沙咀, 天氣非常悶熱, 找間樓上cafe坐下, 慢慢享受一頓遲來的午餐。這間有戶外座位的Layback Cafe, 平日下午不算多人, 可以真正的慢活, 不用趕頭趕命的吃完午餐回到崗位, 加上陽光照進, 邊聽著輕鬆音樂, 更加放鬆悠閒。手寫的menu, 樓上cafe的特式。飲品選擇都很多。焦糖牛奶 $40別看白雪雪的一杯, 其實好香濃焦糖味, 蠻幼滑的質感, 很對胃, 喜歡焦糖的會很喜歡這杯。焦糖朱古力沙冰 $50沙冰蠻幼滑, 朱古力味濃, 又夠冰凍, 加上唧了焦糖的忌廉, 不錯。芝士煙肉焗有機大牛扒菇 $56表面的芝士焗得金黃, 賣相不錯, 很香口。芝士下面埋了很多煙肉片, 洋蔥粒, 更有些蘑菇粒, 而牛扒菇非常juicy, 邊切開邊流汁, 灑上黑椒粒的牛扒菇連同餡料食很惹味。All Day Breakfast $88Layback的all day breakfast包括有: 巴馬火腿, 蕃茄, 蘑菇炒粟米, 煎蛋, 豬肉腸, 茄汁豆, 沙律和多士。巴馬火腿放在切邊大蕃茄上, 多汁蕃茄加上鹹香火腿, 這個配搭也不錯。蘑菇和粟