Layback Cafe & Bar (Closed)

這裡都市中佈置精美有心思的枱上cafe, 露台位感覺超寫意的，還是櫻花裝飾，少女感滿滿，顏色鮮艷的木屋牆壁很是一流打卡位！明太子炸軟殼蟹忌廉扁意粉明太子鮮味滿分，每一口都充滿香氣！忌廉汁很濃密，掛上意粉，超滋味！而軟殼蟹炸皮適中，香脆爽口！爆芝炸魚漢堡配薯條用貝高做漢堡比較小見，鬆軟口感一個不小心就迷上了甜甜貝高。炸魚有獨立香草味，還有邪惡的濃郁芝士，加上新鮮蔬菜，一啖咬落去，味道十分豐富！薯條也香脆無比！Cappuccino附上小餅乾 中和苦澀味Rose latte （賣相超少女和香香的玫瑰味！）*已經不獲續租，要留意會搬去那一區了。

果到係一個同朋友聚會傾偈嘅好地方，由於我地係星期日去所以預先卜左位，去到果個到就發現餐廳有分室內和室外坐位，而我地就坐室內。咁坐低冇耐就叫野食，我地分別叫左兩份意粉同一份炸魚薯條可能我地比較大食，食落份量差少少但味道係唔錯，其中軟殼蟹炸得幾好少少脆而且唔油膩，由於唔夠飽我地再叫多份炸魚薯條新鮮炸起熱辣辣幾香脆，加埋依一份我地就食飽飽啦。整體來講，食物味道質素唔錯只係份量差少少🤏，同埋尼之前記得要卜位呀。

今日分享一間位於鬧市中既樓上Cafe☕️ 呢到除左飲咖啡仲可以好Chill咁坐係室外啤啤佢🍻🍻 真心好chill😌😌牛油果軟殼蟹漢堡配薯條🥑🦀🍔🍟佢同平時burger唔同 佢係用Bagel做包皮🙃所以食落比較有咬口 再加上佢應該唔係用plain bagel 感覺佢烘過有微微芝士?麥?既香味🧐🧐軟殼蟹好大隻 亦唔會炸到好油膩😍但牛油果🥑份量相對偏少 有種見到佢 但又唔係好食到佢既感覺 好古惑🤓薯條係即炸粗薯 份量亦多 無野挑剔🤓煙三文魚蟹籽卡邦尼扁意粉🍝🐟其實我怕食d好重味?既煙三文魚 😖但呢隻係我接受到既同時 亦覺得係好食既😍蟹籽都算灑得多 再加上cream sauce 唔膩意粉亦掛到汁😋😋 好食🤓🤓忌廉芝士磨菇釀雞翼🧀🧀🐔🐔呢個！好好食！！佢將雞翼拆骨然後將cream cheese🧀同埋蘑菇釀左落去 食落好方便 可以一啖咬落去🥳本身都驚佢會好膩 但完全唔會 送酒一流😛但佢真係好細隻 基本上咬一啖就食完一隻🤭🤭 ⋯可能我口大啦🙄啊！有幾點想提下 等想試既朋友仔有心理準備🤪環境👉🏻雖然好chill 但好細間 坐室外 睇餐牌個陣要開電筒 佢會放燈係檯面 但係一盞裝飾用既聖誕樹🎄燈 飲酒個陣

其實前後去左兩次，唔想好似刷篇數咁決定一次過第一次去係二人世界，本來係坐室內，但對我尼講太焗同暗 所以睇下可唔可以換出面，開頭都話唔得既因為出面都有人卜左，後尾好似有人cancel左！yeah, lucky! 亦都麻煩晒店員，咁忙都仲要幫我地安排！養生茶，幾好飲，可以清走油膩感 多款選擇！尼間係我食過香港既fish chips 排頭三位！一啖唔油，鬆脆而且魚肉大大舊無縮水，仲啖啖肉熱辣辣，無腥味！！！唔藥水又打卡able 和牛意粉，一口牛真係vip! 因為尼次咁好既經驗，所以一班好友再去！先講，狀態唔夠好唔好亂試signature cocktail, 因為我就係行完山太攰，離場就wing左，店員都好好比我抖多陣先行，又主動問洗唔洗比杯水我，真心感謝同魚到爆呀我軟腳蟹burger ，香脆可口，薯條正好食好食三文魚pizza, 岩晒一班人，醫肚又好味又好分黑松露意大利飯，夠味夠香，好食饟雞翼！過引！！一班人點少得拼盤，份量我估兩人至四人最好分，全部送酒都一流！坐戶外其實有點小危機，夏天樓上可以滴水咁就... 所以就尼夏天，戶外要唸唸點樣可以唔影響食野飲野唔會『滴花個妝啦』

呢日同朋友過嚟尖沙咀食嘢，尖沙咀咁多間餐廳，我哋試咗呢間黃店餐廳，一道門口就知充滿黃氣。我哋去食夜晚，裏面嘅燈光有少少昏暗，座位之間小迫，但係枱面嘅空間夠闊嘅。有室內位同露台位，我同我朋友坐咗喺露台位。我哋一共有四個人，食物都係嗌左之後再分嚟食。（1）自家製南瓜汁天婦羅蝦雜菌意大利飯 $128呢個有好多新鮮嘅沙律菜，加分，個天婦羅都揸得幾好食，唔算好粉，肉皮都算叫做均勻嘅，南瓜汁好味，份量啱啱好。（2）日本極上和牛粒配喜馬拉雅山岩鹽 $128中上，當牛柳粒食會開心啲，配燒酒都好，但我地果日無叫酒。（3）明太子炸軟殼蟹忌廉扁意粉 $138分量啱一位女士吃，忌廉creamy，軟殼蟹都正常，中中等等。（5）意式經典水牛芝士沙律 $88賣相都okay，味道都正常，份量如圖。到飲品啦，我哋叫咗花茶，其實個份量都幾多，如果多人嘅話大家可以share個飲品，花茶種類都好多，而且佢唔係用茶包沖㗎。仲有，咖啡，咖啡豆一般啦，份量都係一個人，所以都係建議飲花茶。整體來講，我今次食嘅嘢性價比我會比6.5/10，可能嗌嗰啲嘢食都冇乜驚喜，不過其實Menu仲有好多其他嘅嘢食，有機會可以再試。

本身見到openrice幾高分又係黃店，就諗住試下，點知同遇期所睇到既食評有d差別⋯⋯首先上枱係朱古力smoothie，飲落極淡冇咩朱古力味，餘韻仲有d野食味，懷疑佢d用具洗得唔太乾淨or個杯擺響廚房太耐痴哂d油煙冇處理然後上既就係蘆筍牛肉粒扁意粉，不過不失冇咩特別，朋友就過d牛肉粒可以再生返少少，我就覺得還好。最後就係黑松露忌廉risotto，完全跌晒眼鏡。雖然食得出佢真係用risotto嘅米去煮，有啲韌度，但係味度真係好麻麻，d黑松露靜係得上面細細篤，所以唔係好出，鋪係上面既芝士都唔係好出色，以呢個價黎講真係唔係好值。如果各位想試我都唔會阻止大家嘅，不過要有啲心理準備，質素未必好似其他食評咁講到咁高。

今晚就得嚟Layback就係睇中佢夠多飲品揀。通常咖啡店就算有serve熱食，都只係得咖啡賣，變咗晚餐好多時都唔知飲咩好哈哈🙃🙃太夜怕飲咖啡瞓唔着丫嘛😂呢度特別在於個Drink Menu超長咩種類都有啲！想清清地飲花茶類、果汁類，天氣熱熱地飲沙冰又得，再唔係Chill啲連有酒Cocktail都有🔥🔥加上樓上舖環境特別舒服，仲有outdoor seating坐天台飲住嘢傾計真係好好feel🤗幾個系列入面特別鍾情Smoothie，果香有、果肉有、碎冰咬口都有❤️食物方面主要係各式意粉，同埋沙律pizza等等。上次食嘅卡邦尼較近普通白汁，期望見到再研發下再進步👊🏻👊🏻

今日同朋友慶祝生日，搵左好耐尖沙咀💛樓上cafe, 見相有露台就即book。見星期六晚就預先訂左枱，7點到達，入座率已經見有7成。由於預先通知要慶生同坐露台，staff好nice ，會幫手keep蛋糕(我嘅3吋小蛋糕)，同坐出面。Nice view ! 好彩唔算熱，天氣啱啱好，正食物質素唔錯，叫左沙律，burger ，小食拼盤，Americano等等都好好食。Staff 好好，有禮貌又靚仔成個晚餐都食得好開心💛 利申，非打手

呢間黃店cafe不被業主續租，做到4月中就要搬走了，好彩之後會搬去銅記。不過呢度嘅佈置好靚，又有露台座位，坐得好寫意，真係有點不捨得🥺薄荷朱古力沙冰 (HK$58，跟主食減HK$10)．我平時好少叫沙冰飲，但今日例外，因為天氣好熱呀～．呢杯沙冰好大杯，也好襟溶，飲極都仲有．冰涼薄荷朱古力味道，不算好甜．我覺得呢度啲沙冰係必點的😋👍🏻英式炸魚配黑松露薯條 (HK$128)．呢個要耐心等候，慢慢炸魚．魚炸得外脆內嫩，不過調味偏鹹一啲．黑松露薯條，香脆，多肉，正係我喜歡的😍．配有生菜沙律，可以減膩👌🏻

朋友揀咗呢間餐廳聚會5個人的午餐 我地坐係露天位每2個位都隔咗膠板叫咗5個lunch set ❣️香蒜白酒露荀日本和牛粒燴意粉❣️牛油果軟殼蟹漢堡配薯條❣️英式炸魚配黑松露薯條聚會黎講唔錯！冇限時 可以傾一個晏就但性價比唔係太高

終於星期五放工☺️又咁啱約咗個老朋友食飯咁就諗住搵間氣氛好啲嘅餐廳傾吓計，佢推介推介左呢間layback cafe嘩幾好食喎🤪咁我咪想試吓囉冇乜所謂，佢有分室外同室內嘅位子因為今日嘅落雨所以就坐咗室內😛但係都幾多人所以一定要book位先去☺️而家個Menu都幾簡單有主食小食,意粉,飯,pizza等等！都算一應俱全😛而我哋就叫咗三款嘢食第一款就係芝士忌廉蘑菇釀雞翼☺️佢雞翼裏面釀咗芝士同蘑菇🤪口感十足味道都唔錯，雞翼都煎得非常脆口同嫩滑☺️好快就清晒四隻雞翼第二款嚟嘅就係三文魚蟹子卡邦尼意粉，一睇個賣相已經覺得好吸引☺️佢個三文魚係好用心整多一朵花咁樣🤣跟住蟹子份量亦都非常多☺️☺️最大吸引之處係佢意粉非常creamy我喜出望外最後一份就係南瓜天婦羅意大利飯☺️☺️佢意大利飯烹調嘅方式幾出眾，天婦羅亦都十分香脆又唔會太油膩，性價比好高嘅意大利飯推介各位如果想靜靜地傾吓計可以嚟呢度☺️相信坐室外氣氛會更加好

牛油果軟殼蟹漢堡配薯條👍飽底係Bagel 外脆 內有點咬口👍軟殼蟹炸好脆 炸皮偏厚 👍漢堡醬汁好好食千島醬 牛油果 唔會好乾推介指數: ⭐⭐⭐/5.⛲環境: 小店 位置小更有人情味 有室內外位置

Weekend嘅職責就係要去黃店打卡💛喺夜晚堂食仲未close嘅時候 去過呢間黃店Cafe😀仲咁啱坐到室外嘅位置 個人覺得室外個背景好靚💙💗🥔芝士煙肉焗薯皮 $58✨終於搵到黃店有我想食好耐嘅焗薯皮😭芝士🧀煙肉🥓同蘑菇🍄嘅配合係完美的，但加了洋蔥就變了一個敗筆😩四川黑糖單骨雞翼 $118單骨雞翼一碟共有八隻 正正常常 不過不失🍚黑松露雜菌忌廉芝士意大利飯 $118充滿着香噴噴嘅松露味 不嬲都覺得忌廉芝士同埋risotto係絕配嚟 而佢嘅飯嘅硬度亦剛剛好 成個飯好creamy 好正😘🥑牛油果咖啡 $68你杯咖啡係呢間鋪嘅其中一樣主打 我自己好鍾意食牛油果 好鍾意飲咖啡 但係唔知點解兩樣加埋一齊個感覺好怪😣佢係將啲牛油果打到類似Smoothie 咁嘅質感之後再伴落咖啡度 口感的確好厚身 但係飲落去嘅味道就怪怪的

喺尖沙咀除咗食連鎖店之外，好似都幾難搵到小店可以食，朋友話呢間小店嘅嘢食做得唔錯，而且仲係良心小店，咁一定要支持下，睇吓啲嘢食係咪真係好食先。呢度嘅裝修都幾有格調，同埋超鍾意餐廳嘅插畫，畫得好靚！我哋叫咗兩個主食，軟殼蟹意粉都做得唔錯，意粉質感幾好，唔會太硬。軟殼蟹炸得好脆！但係又唔會太油膩，幾啱女仔食。份量都好適中，唔會唔夠飽。仲有炸魚薯條，見到超大夠啊，仲有兩大舊魚，薯條都幾有誠意，唔係普通茶餐廳嗰啲雷電薯條，好味。小食我哋仲叫咗牛柳粒，好香牛肉味，食得出啲牛肉係有質素嘅牛肉，唔係啲好平價嘅牛肉。杯嘢飲相嘅時候我哋都爭住影相，因為好靚呀整得，同埋欣賞佢哋係用紙飲筒，夠晒環保。

：【黃店推介 - Layback Cafe and Bar@尖沙咀🐟】🐷🐷💭僱員失業迫放無薪假? 唔怕! 信政府! 一嘢派錢比僱主, 幫緊你架啦🔥!! 咁政府做錯嘢冇封關? 爆疫好正常就梗係由市民埋單啦! 最近終於晚市開番堂食, 豬仔都強勢回歸啦🥂!! 可以落街食嘢當然要多多幫襯垂危嘅黃店啦! 特別係較少人知嘅樓上cafe。其實好多間唔出名嘅小店都好特別, 好靚又好食架!! 今次要介紹嘅菜式係英國著名嘅fish & chips! 希望仲未續到BNO嘅老豆第日可以多啲帶我去英國食, 呼吸自由嘅空氣啦!!🐷🐷💬1️⃣英式炸魚配黑松露薯炸($128)即叫即炸關係, 豬仔坐左十幾廿分鐘先有嘢食! 出嚟條魚仲大過兩隻豬🐷🤣! 炸粉唔厚又鬆脆, 啖啖魚肉好juicy又好滑, 一啲都唔鞋口, 加少少檸檬汁就吊番起魚鮮味!!!仲有🐷最鐘意嘅幼薯條, 配好重手嘅黑松露, 基本上唔使點茄醬都好好味!🐷🐷💬2️⃣蘋果蜜桃鮮打綠茶($40)🍵去cafe chill下就梗係要叫嘢飲, 抗疫健康啲推介鮮榨水果茶, 好足料架!