真鮨 (Closed)

尖沙咀有好多日本餐廳, 各有千秋!!呢間就係主要食丼飯既 MOSHI MOSHI地點近美麗華商場, 而且食物款式都唔少的喔~~首先點左杯特飲: 荔枝玫瑰梳打攪拌攪拌後味道有少少偏甜, 而且冇咩玫瑰味；但係幾消暑下~~食日本野梗係要刺身啦~~我地就揀左呢個 8款刺身拼盤；分別有海膽, 三文魚籽, 吞拿魚, 劍魚腩, 三文魚, 甜蝦, 帶子, 魷魚擺盤都幾靚下丫, 而且全部刺身都好新鮮, 每樣都有4件!!海膽同帶子都好鮮甜, 其他刺身都幾厚切~呢個丼飯係佢地推介既 Moshi 雜棉盛丼~~有蟹腳, 蟹肉, 三文魚, 三文魚籽, 海膽!!份量適中, 有埋已拆蟹肉作伴蟹, 口感更有層次；整體黎講都算不錯~~這個芝士玉子燒就最正啦~~入面係流心既芝士餡, 配埋軟軟既玉子, 味道超夾!!加埋粒粒既蟹籽, 簡單又好味~~

尖沙咀又開日本餐廳 身邊有foodie不斷話呢間好正 小妹上OpenRice睇過 又幾吸引喎 於是呢晚同友人來嚐鮮餐廳唔算大 但總算有方檯、bar檯... 方便到三五知己或者毒食()嘅朋友一埋位 店員率先送上熱茶 檯上有鼓油、七味粉和牙籤飲品價錢合理 「荔枝玫瑰蘇打」（特飲）$28 個杯幾高 有3粒荔枝咁多！梳打水本身無味 杯底粉紅色嘅係玫瑰花味嘅糖漿 溝勻之後都唔算太甜 味道幾清新 抵飲！呢度有成十幾款刺身丼咁多 其中三分一都有海膽！！！友人本身麻麻地喜歡海膽 但係為咗遷就小妹 一齊點咗「海膽甜蝦油甘丼」 海膽、甜蝦、油甘魚嘅份量非常多 完全遮住哂啲飯  海膽幾甜 連怕海膽腥味嘅友人都話唔錯甜蝦、油甘魚嘅顏色係鮮嫩嘅粉紅 油甘魚嘅油脂幾豐富 每片都又厚又滑刺身質素太高 唔夠喉 於是再點多客「上級雜錦刺身拼盤」 包含三文魚、油甘魚、帆立貝、赤蝦、北寄貝、墨魚共6款 其中墨魚刺身仲要係無咁常見添... 除咗帆立貝和墨魚各有4片 其他都各有2件最正係赤蝦 蝦身蝦頭分開擺放 起初以為蝦頭純粹裝飾 原來入面仲有大啖蝦膏同鮮甜冰凍嘅蝦汁 蝦身平放打開 有兩隻手指咁闊呢！再來多個小倀——「芝士玉子

來上瑜伽堂，見金巴利道開左間新日本料理，裝修幾明亮，就約埋朋友上去坐下。不想都唔少人，我地兩個被安排坐吧台。見到咁多日本酒忽然覺得心情安樂叫左飯先。朋友中意海膽，本人就對海膽冇乜興趣，於是互相遷就，叫左個「海膽甜蝦油甘魚丼」。不得不說，刺身非常新鮮，甜蝦好滑好糯，醋飯落了小小飯素，份量都唔小。重點係，刺身同飯的份量配搭啱啱好，唔會食曬啲刺身剩好多白飯（好多餐廳為了菜式好睇啲都會加多飯量⋯⋯）「芝士玉子燒」鐵板上，上菜時仲炸緊玉子燒厚切，甜甜地，夠熱夠軟，上面仲有蟹子，顏色亮麗，口感唔錯。「上級刺身拼盤」6款兩人食已經好夠。樣樣嘢都有多於2塊，店家真是夠大氣。刺身就以新鮮為標準，冇冰粒唔會太凍，冷藏的剛好，唔錯唔錯。（仲有好鍾意後面個塊枯樹枝因為喉嚨痛只叫了一串串燒「花枝明太子串」。半透明花枝包裹紫菜同明太子，多重口味一次體驗，幾特別。兩個人食到好飽，好開心尖沙咀多左間我會再去的餐廳。