夏茶 (Closed)

平時同boyfriend喺元朗食完飯都會去呢間茶飲店買杯飲品🥤🥤🥤，兩個人👫share！呢間店嘅飲品大多數嘅size都係大杯裝，得少數熱飲有返Medium size！咁大杯裝我通常一個人都飲唔晒嘅，因為要30分鐘內飲完先可以享受到飲品嘅最佳狀態，可以同人share就啱啱好！好似仲share咗一半脂肪俾人添呀！罪疚感都少啲！哈哈！😆😂😆😂今日就試咗呢杯芝士菠蘿雪沙，$38一杯，其實都唔算平架，坊間好多都係 $2x 至 $30頭，呢間set得呢個價都咁多人排隊幫襯，就知有佢值得幫襯嘅原因啦！就係新鮮同埋好飲喇！海鹽芝士奶蓋都幾厚身，菠蘿食得出唔係罐頭菠蘿，因為真係有啲酸！不過加埋芝士奶蓋又啱啱好，唔錯嘅配搭！

差唔多兩個月冇黎，一直都有追蹤佢地，不時見到新品。是日喺荃灣入到黎，原本已經試左另一間新店，都堅持要黎呢度帶兩杯離開。餐牌供應芝士茶、鮮奶、雪沙、果茶、奶茶等，定價$26-38，飲品預設少甜少冰。而只有芝士茶、奶茶類可作冰度、甜度調整；可加珍珠、紅豆、愛玉、芋圓、紫薯圓、寒天等。事實上仲有好幾款，例如牛油果、香蕉鮮奶都想試，唯有等下次啦  木瓜鮮奶 $30眼睇唔覺有咁多木瓜，飲落就知確係啖啖肉，底層係輕輕壓爛嘅瓜肉，味道濃郁，瓜香肉甜，完全冇澀味。鮮奶係維記，感受唔大，最緊要不蓋木瓜風頭。貨真價實，用鮮奶就係唔同啲，飲完唔飽滯。由於冰感唔重，唔會出現愈飲愈淡嘅情況，一直係我最欣賞嘅地方。芝士菠蘿雪沙 $36菠蘿雪沙配搭芝士奶蓋，佢地家嘅奶蓋一向啱我口味，濃稠度適中，今次偏鹹一點。沙冰打得十分細滑，冰涼爽快。菠蘿一樣落足料，唔係罐頭果，只係偏甜一點。

※本文以用餐當日的環境、服務和食物質素為準，口味亦因人而異，文章只作參考之用。-元朗區既飲品店真係愈開愈多，好似「夏茶」、「良辰吉時」、「小時候」、「醋頭家」、「茶里史」、「士丹里」同「茶亭」等，競爭激烈，總有一間係左近！除左主打果醋既醋頭家外，「夏茶」既芝士奶蓋同雪沙都係小妹心水之選！初時見人話好好飲都唔明有咩特別，估唔到一試愛上，十日內飲左三次添!「夏茶」剛好就開係良辰吉時對面，假日時人流真的不少，由於每杯都係現點現打，等候時間會較長。夏茶既飲品，小妹真係見佢落左唔少水果去打成，確保真材實料！如果遇著當日某款水果靚的話更會推出是日限定呢，今期最當造一定係蜜桃，小妹飲左芝士蜜桃雪沙真係好好飲！飲品餐牌，取自夏茶Facebook Page店子有售賣鮮果茶、芝士奶蓋、鮮果多多、奶茶和淳茶等，價錢唔平，但飲完會覺值得。芝士芒果雪沙 $36第一次去叫左芝士芒果雪沙，長身既杯份量都都幾多架！先飲芝士奶蓋，奶蓋層唔算好厚，飲落命飲到芒果味混埋一齊，仲飲到裡頭有芒果肉，加埋帶點鹹香既芝士奶蓋，比起純粹芝士奶蓋味多左重果香。又幾好飲喎！而且沙冰底打得滑又香甜，甜度無少甜少冰都岩岩好。芝士菠蘿雪沙、蜜