夏茶 (Closed)

差唔多兩個月冇黎，一直都有追蹤佢地，不時見到新品。是日喺荃灣入到黎，原本已經試左另一間新店，都堅持要黎呢度帶兩杯離開。餐牌供應芝士茶、鮮奶、雪沙、果茶、奶茶等，定價$26-38，飲品預設少甜少冰。而只有芝士茶、奶茶類可作冰度、甜度調整；可加珍珠、紅豆、愛玉、芋圓、紫薯圓、寒天等。事實上仲有好幾款，例如牛油果、香蕉鮮奶都想試，唯有等下次啦  木瓜鮮奶 $30眼睇唔覺有咁多木瓜，飲落就知確係啖啖肉，底層係輕輕壓爛嘅瓜肉，味道濃郁，瓜香肉甜，完全冇澀味。鮮奶係維記，感受唔大，最緊要不蓋木瓜風頭。貨真價實，用鮮奶就係唔同啲，飲完唔飽滯。由於冰感唔重，唔會出現愈飲愈淡嘅情況，一直係我最欣賞嘅地方。芝士菠蘿雪沙 $36菠蘿雪沙配搭芝士奶蓋，佢地家嘅奶蓋一向啱我口味，濃稠度適中，今次偏鹹一點。沙冰打得十分細滑，冰涼爽快。菠蘿一樣落足料，唔係罐頭果，只係偏甜一點。