小倆口台式漢堡蛋餅專賣店 (Closed)

< 小倆口 👫 台式芝士薯餅蛋餅 > 足料蛋餅 好正宗的台灣味道 芝士溶得剛好 同薯餅又幾夾!外脆內軟 不過外皮有點厚度 唔好expect係好薄的crepe皮如果要呢種感覺可能會中意<請坐>蛋餅多啲!不過我覺得都幾似台灣個隻蛋餅係台灣樂口福食過 都係咁樣既厚度同味道所以應該算正宗!-另外我地仲叫左手抓餅好新鮮好熱 好appreciate佢地所有野都即叫即整 不過真係幾熱氣 老闆娘都好落力 不斷推介食物 又有細心Overall幾好 服務都幾好 會支持小店-推介: /5

2017年最後一日，約左朋友去鰂魚涌行山，行山前先醫醫肚，就揀左呢間小店，重拾一星期前喺台灣食過既蛋餅味道。台灣出名早餐店，而早餐店經常出現既食品就係蛋餅。一塊煎香左既餅皮，加上雞蛋，入面包住肉鬆、芝士、火腿等等既餡料，就成為台灣人既晨早美食。難得喺香港搵到，梗係要試一試。舖面細細，亦只有兩個工作人員，小倆口嘛。亦咁啱嗰日係星期日，中午流唔係咁多，我地現場所見就只有兩枱客。呢度既食品選擇唔係咁多，除左蛋餅，就係漢堡包。我地叫左一份芝士薯餅蛋餅同一個香辣雞腿堡。蛋餅非常香軟，加埋入面既芝士同薯餅，邪惡得黎又真係perfect match；香辣雞腿堡夠辣夠脆，配以薯角的確唔錯，不過黎到呢度都係食返有特色嘅蛋餅啦。蛋餅仲包一杯飲品，我地就揀左黑糖奶茶少甜，非常有台灣風味。唯一唔係咁好嘅就係用上即棄餐具，感覺唔係咁環保。小店用心經營，值得我地多多支持！

對於台灣的食物有一種鍾情, 喜歡食材唔需要好矜貴, 仍然可以做出一份誠意。話說小店的食材由台灣空運, 是要把台灣的味道完整的帶過來。芝士薯餅蛋餅一份蛋餅用木板呈上, 已經切開6件方便食, 而且見到裏面都係漲卜卜塞滿好脆嘅薯餅同埋溶緊嘅芝士, 金黃色的確好吸引!光顧前做了一點小research, 中間有種叫「醬油膏」的調味料, 係台灣為蛋餅而製。英文叫soy paste, 就係比較杰身嘅豉油,味道比豉油更甜而獨特。午餐配一杯飲品, 二話不說就點咗熱黑糖奶茶!奶茶茶味都濃, 飲完一啖會慢慢滲出一陣黑糖味, 唔會太甜, 好有台灣嘅天然風味~這個小倆口配搭好溫馨呢 期待下次會試下其他配料蛋餅!

最近喺公司附近發現一家新開嘅台式小店，專賣蛋餅同漢堡。今日咁岩同同事講起就一齊去左試，可能因為已經2點鐘，所以餐廳都唔洗等位。餐廳嘅菜式選擇較少，只有唔同餡料嘅漢堡同蛋餅，同埋一個鐵板烏冬可以選擇。如果淨叫個蛋餅做午餐個份量好似有d少，所以我哋一齊叫左一個share。味道唔錯，睇落好似好甜好濟，但其實個d唔係糖漿黎。個漢堡其實都幾大份，仲有埋薯角俾埋你。特別欣賞個漢堡包皮有烤過，又脆又甜，好似翠華奶油豬咁。漢堡嘅餡料有番茄、生菜、芝士、蛋同牛肉。雖然佢地話佢地嘅牛肉好講究，不過我只可以話係新鮮，食唔出同其他有咩太大分別。午餐仲包埋杯水蜜桃茶，除左呢樣，仲可以揀黑糖奶茶。老闆見我哋第一次黎，仲俾左個九折我哋