小倆口台式漢堡蛋餅專賣店 (Closed)

2017年最後一日，約左朋友去鰂魚涌行山，行山前先醫醫肚，就揀左呢間小店，重拾一星期前喺台灣食過既蛋餅味道。台灣出名早餐店，而早餐店經常出現既食品就係蛋餅。一塊煎香左既餅皮，加上雞蛋，入面包住肉鬆、芝士、火腿等等既餡料，就成為台灣人既晨早美食。難得喺香港搵到，梗係要試一試。舖面細細，亦只有兩個工作人員，小倆口嘛。亦咁啱嗰日係星期日，中午流唔係咁多，我地現場所見就只有兩枱客。呢度既食品選擇唔係咁多，除左蛋餅，就係漢堡包。我地叫左一份芝士薯餅蛋餅同一個香辣雞腿堡。蛋餅非常香軟，加埋入面既芝士同薯餅，邪惡得黎又真係perfect match；香辣雞腿堡夠辣夠脆，配以薯角的確唔錯，不過黎到呢度都係食返有特色嘅蛋餅啦。蛋餅仲包一杯飲品，我地就揀左黑糖奶茶少甜，非常有台灣風味。唯一唔係咁好嘅就係用上即棄餐具，感覺唔係咁環保。小店用心經營，值得我地多多支持！