狎鷗亭居酒屋

Open Now

Now Closed

第二次食狎鷗亭，菜式好地道韓國feel,今晚見到雖然得3個待應，但都服務好好（今日係平日）。有點投訴就係今日冷氣唔太夠，食到有啲熱個海鮮鍋老闆娘有幫忙剪開鮑魚，亦中段時間有加湯，前菜可以任添，個泡菜好好食，加左一次我地3個人有 book位 7:30，去到唔駛等直接有位。間食店好似有做緊add佢fb,跟著唔知做多個咩步驟就送杯啤酒，我有個朋友有做，但最後個待應埋黎check完唔知講左堆咩韓文，意思應該過要post 啲唔知咩嘅，咁就行開左，無送朋友啤酒🤣🤣 Final 總結係好食。可以再食嘅鋪。三人食三樣野加一Jar野飲 埋單$1000

一行4人去到呢間韓國菜，其實7/8 年前曾經食過1次，當時未興韓國菜亦無特別深刻的印象，今次見到menu 多左好多潮流興的韓食，好似炸雞，部隊鍋，芝士排骨鍋之類，餐牌進化了不少。座位寛敞，有卡位，同朋友聚餐的好地方。食物叫左烤鰻魚，鐵板上熱辣辣好濃味，淨食有點過咸，如果包生菜泡菜會可以剛好中和了。紐西蘭生蠔1打308蚊，好厚肉creamy, 新鮮度還可以，如果可以跟埋cocktail source 就更好, 或者跟韓國魚生醬都好吖，不過呢個價錢黎講真係過足口癮。半半炸雞的甜辣醬超讚，味道調得剛好，外脆內軟，炸雞發燒友推介! 芝士蛋卷有好多芝士! 拉到長一長，記得襯熱食，好快凍。生伴韓牛係另一重點推介，蛋黃滑，梨肉甜，麻油香，撈埋互相化學作用不能睇少，超好食，同係韓國食到既水準無異，仲更足料。鐵板上的韓國雪花牛，份量足，唔會過火，唔錯。炆牛肋骨又是另一必食推介，有火爐座住上枱，肉質好嫩，甜醬油好入味，連入面的蘿蔔都銷量好好，好快比朋友食哂，餸飯無得輸。雖然呢間食物價錢唔平，不過食物水準同服務都好好，好過某d 排長龍又唔平又無服務又愈黎愈難食既韓燒店啦 at least…

一星期食了三次我很喜歡食韓國野,近來愛上了這間位於諾士佛臺狎鷗亭居酒屋老實講我本身很少去諾士佛臺食野,因為貴,而且周圍都係飲酒既地方,我食飯不會想到那邊但自從朋友帶我去過一次之後,深深愛上,最高紀錄一星期去了三次強烈建議去之前訂位,他們實在很多客那兒有塌塌米卡位,幾有風味,有興趣的話可以REQUEST!食物方面,價錢合理,食到飽飽都係一人200蚊左右,係諾士佛臺萛抵食芝士蛋卷熱辣辣的蛋卷入面包著超濃芝士,每次去都會必點!但有時師傅可能整得老左,無咁好味部隊鍋超好味道正宗!份量超大,如果二人去,只叫部隊鍋都夠啦!香腸和午餐肉都是韓國的,而且還加入了年糕,份量很夠,湯底好味道次次都食光雞肉炒年糕 ,不過不失,不會好辣,但去食韓國野總想點海鮮煎餅,食過二次,一次好味,一次因為唔夠熱,又林令口感變差韓式炸雞腿,份量很大方,而且還送上一碟菜沙律上桌,很香口又夠熱,一下子食完一舊又一舊炸醬麪,味道偏咸,但朋友都很喜歡