福岡漢堡扒 (厚福街) (Closed)

餐廳大推手打漢堡，食客自己燒，每枱設有小型抽風系統，而且店內冷氣大，令空氣流通減少油煙。除左有漢堡set，亦有其他主食，以及套餐。 假日午市到，開門不久已有幾枱客人，愈坐愈多人入座。叫左芝士蛋和牛漢堡扒(中$117)，雞蛋和牛漢堡扒($小$99)。用手機掃qr code落單，之後侍應就送上set附送既湯、沙律、飯，及調味料。食物送到後，如果第一次食，侍應仲會細心教客人點燒。漢堡分大中小size，每個都圓碌碌。旁邊有塊熱石，用作燒肉。蛋邊焦脆，加左芝士就更香口。每人都有個小鐵鏟切肉，每邊燒大約3秒，d肉已經熟。d肉超級超級軟綿綿，超香肉味，d油膩逼哂出黎。第一次食尼種口感既肉，好好味。整體，侍應好有禮貌，服務好。見到石塊唔熱，就會主動換新一塊。手打牛肉真係超綿超好食，仲可以見到師傅係廚房手打搓圓漢堡添。

響尖沙咀厚福街搵食，突然發現新開小店，望入去格局好得意，有少少似上烹飪班嘅課室好奇睇吓佢哋係食乜嘅，原來係漢堡扒專門店。見到餐牌嘅漢堡扒全部都整到好似一個乒乓波咁，到㡳係點食㗎？決定入去試一試佢！點好餐之後，店員叫我地放好餐具，有一個好迷你嘅鐵板燒剷仔，好可愛枱面張紙都有詳細教點樣食，感覺好新穎 Order漢堡扒嘅會有跟餐嘅沙律、麵豉湯、泡菜同埋白飯。芝士蛋和牛漢堡扒（中）$107個漢堡扒連同鐵板同埋一舊圓柱形嘅石上枱，店員細心教我地點食，原來係要將漢堡扒肉切成一啖份量在壓上熱石上邊燒咁樣食，除咗好玩之外，仲每一啖漢堡扒都係熱辣辣，好正！芝士蛋配和牛漢堡扒，好香墨西哥辣椒和牛漢堡扒（中）$116朋友點嘅墨西哥辣椒和牛漢堡扒，試咗一啖好好味，唔係好辣，有少少似加咗「辣椒仔」醬汁。食到咁上下，店員主動走埋嚟幫我地換熱石服務一流。成餐飯都好滿意推薦俾大家！下次再來！