福岡漢堡扒 (厚福街) (Closed)

今日嚟到尖沙咀食一間叫做福岡漢堡扒做我哋嘅dinner，咁咪嚟到之前今日嚟到尖沙咀食一間叫做福岡漢堡扒做我哋嘅dinner，咁咪嚟到之前呢我也到船紀下係一個夏天嚟嘅氣溫都幾熱下，咁我見門口都有人排隊嘅，咁我大約都等咗半個鐘先有得入去食嘅。咁我哋每人叫咗一個漢堡扒餐啦，咁個漢堡包嚟到就係鐵板上個鐵板感覺上都幾熱佢個抽氣油煙系統都幾勁啊，一次過就吸收晒啲油煙講返個漢堡扒覺其實都唔算話太大盤，每人百幾蚊性價比我覺得係低嘅同埋識落都唔算話太高質素主要嚟講我都係覺得佢係賣噱頭係貼石鐵板上用舊石嚟整熱佢冇乜特別

之前聽朋友講可以自己煎漢堡扒好似幾正份量適中，而且本身已經有埋煎蛋可以食逐d逐d煎唔怕食嘅時候凍曬而且隔離有埋抽氣冇咁大油煙配菜有泡菜可以食👍🏻飯嘅份量都適中不過煎耐左有機會有油彈就要小心d但整體黎講都幾有趣

位於尖沙咀呢間專食漢堡扒嘅餐廳，絕對係新派熱門餐廳之選，小編認為係香港數一數二可以將漢堡扒發揮得淋漓盡致嘅專門店😍餐廳嘅營業時間會去到夜晚11點🎑每次嚟到都幾乎要排隊先入得🫣餐牌上面嘅選擇都幾豐富，適合唔同口味嘅客人😌另外店舖嘅每個座位都有獨立嘅抽風位🌬️咁唔怕食到成身都係燒烤味啦😆.🐮兩人套餐 $359餐廳提供左唔同類型嘅兩人套餐，而小編就揀咗兩個都係芝士蛋蒜和牛漢堡扒😌漢堡扒保持到和牛嘅肉汁同鮮味，客人可以根據自己口味來烹調唔同嘅成熟度🥹咁特別嘅食法真係令人胃口大開，食到咁上下嘅時候，店員仲會主動幫客人換熱石，夠曬體貼😜套餐除咗漢堡扒，仲提供沙律同埋味噌湯作為前菜，仲有包埋一個月見味噌牛丼飯同埋兩個罐裝飲品，夠晒份量🤪餐廳仲有唔同嘅小食可以提供比客人選擇，其他食物同梳打飲品都做得非常出色😎.💰人均消費：～$200.🍽味道: 4/5🏙環境: 3.5/5‍👨🏼‍🍳服務: 4/5💧衛生: 4/5💰價錢: 4/5

老細食鱔日記🪱4 我好少同意老細想法，早排老細話有個idea，要搞飲食，我第一次同佢睇法相同，四目相投，情難自禁，我主動話要幫佢做調查報告。其實我多年以來對成功餐廳嘅觀察，都唔喺浪得虛名，一字記之曰心。好多成功餐廳，都係首先由老細自己嘅喜好，再加鑽研，改良，然後推陳出新。就好似呢一間漢堡扒專門店一樣。福岡應該喺日本，但係入門口會見到全部都係韓國字。知道其實係韓國老闆因為福岡食過覺得太好味，韓國又未有，所以引入。衣家過埋香港做過江龍。 🍖哩度有好多口味可以揀，而且份量嘅大細都係自己決定。我心大心細喺墨西哥辣椒同埋菠蘿煙肉之間抉擇。結果既然喺鐵板，菠蘿好似比較清熱氣。我好鍾意佢成個setting。首先啲肉係手打成一個波，方便切成四小份，放上熱辣辣熱石壓平黎煎，每份厚薄岩岩好，熱石又夠熱，睇住的煙間標出好治癒，不過就唔會有煙霧霾漫既情況，因為上面吸力強勁既抽氣一下子已將煙抽走。又由於接觸面唔大同肉既油份充足，變成有好足夠時間同好容易反塊扒去另一面，要做到內軟外脆，估唔到新手都可以馬上上手。仲因為肉上面有芝士，個種外脆又變得更加香脆。咁好味既肉當然係白飯小偷，但鐵板上既雞蛋同菠蘿絕對係功不可

朋友請食飯揀咗間佢最愛嘅《福岡漢堡扒》入面有幾款二人餐選擇💥揀咗個食辣人仕必叫嘅套餐🌶️✨Ver.2✨墨西哥辣椒和牛漢堡扒（中）墨西哥辣椒同和牛漢堡嘅味道幾夾，辣辣地好惹味，而且和牛漢堡油香十足！肉味濃厚，加上肉汁豐富，滋味無窮呀🤤芝士蛋蒜和牛漢堡扒（中）唔食得辣嘅朋友可以揀呢款，將圓碌碌嘅漢堡扒切開，細細嚿放上已經預熱好嘅石面上每邊燒幾秒就食得，再夾埋啲芝士蛋蒜一齊食，口感更豐富和牛乒乒乓拌飯入面有蛋、和牛肉碎同生菜🥬將醬汁撈埋一齊食，邪惡惹味😈包兩罐罐裝飲品，不過我哋就upgrade 咗大大杯嘅巨峰同百香果飲品，清爽又解膩

有分小(130g)、中(160g)、大(190g)嘅size，因為想加炸雞所以兩份都嗌咗細但我覺得一般食量，就算唔加任何小食，嗌細都已經好足夠兩份都係芝士蛋 點餐之後會先上湯，白飯，沙律菜，泡菜，仲有醬汁同埋鹽個湯覺得有小小咸所以無飲到因為個漢堡扒加埋芝士已經好夠味，所以都無點到任何嘅醬汁 無幾耐主菜就送到啦~影完一張相打個卡之後，已經好手忙腳亂咁要即刻放上燒熱咗嘅小石板度煎最開始嘅時候舊石係最熱，亦都係最快燶要小心外面燒焦但裡面仲未熟啊! 所以我每次都切細細舊，仲會中間切一下確保全部都熟晒先再食~ MVP完全係炸蒜片!!平時食牛中意加埋蒜嘅人一定一定要加!再燒完之後，無論就咁同芝士蛋定係加埋漢堡扒都好好食 去到中途舊石充會冷卻，舉手之後都好快就幫我換咗 整體我覺得味道都唔錯，最重要係自己有得玩吓覺得幾有趣~

//14 12 23 晴天🌞20:30 尖沙咀 厚福街@hambageu.hk 來自星星的你 ☺︎近年，石燒牛扒成為香港嘅熱潮，憑住性價比高，吸引咗好多食客去幫襯。當中有一間嚟自韓國嘅過江龍，更以「石燒和牛漢堡」打出名堂。「福岡漢堡扒」 ——— 聽落去好似同日本有關，但其實係由一位韓國人所創立。當時創立人喺日本福岡，品嘗過石燒漢堡扒之後就被深深吸引，於是經過努力嘅鑽研，最終喺韓國成立自家品牌，而且只係用咗短短幾年時間，仲登上首爾人氣餐廳之一。去到2020年佢哋更衝出韓國，喺香港開設首間海外分店，令到香港嘅粉絲們，終於唔洗再搭飛機都有得食啦！𖤐ˊ會有加一服務費🔻兩人套餐 (𝐕𝐞𝐫.𝟑) HKD$359ꕀ🔻芝士蛋蒜和牛漢堡扒 x2 (中）會贈送麵豉湯同前菜可以調控自己喜歡嘅生熟度但建議開頭切薄少少 太厚比較難控制記住每3秒就要翻一翻我就鍾意將漢堡扒嘅表面煎至微燶因為入口會帶有焦脆嘅感覺而且經熱石煎完 仲會將裏面嘅牛脂油香完全散發出嚟基本上唔需要再落其他調味 另外面頭仲灑滿芝士、炸蒜片除咗有拉絲之外 更大大增添惹味嘅程度當蛋漿吸收晒漢堡扒流落嚟嘅精華之後再經熱石輕輕一煎 食嗰陣味道更加香濃店

我哋今次喺 #尖沙咀 厚福街🥢搵嘢食，我哋揀咗一間好特別嘅餐廳🌟。呢間餐廳雖然係韓國菜🇰🇷，但係主打係福岡 #漢堡扒 🇯🇵。因為其實韓國同福岡只係對岸🌊嘅距離，所以就有日韓fusion料理喇🐮。呢度仲有特別嘅抽風系統💨，可以對準熱石嘅位置🔥，食完出嚟冇油煙味。我哋嗌咗兩人套餐(ver3)($359)，包咗🔴兩份石燒漢堡扒、🔵兩份前菜飲品、同埋🟤一份月見味噌牛丼飯，份量真係好夠😆。🐄芝士蛋蒜和牛漢堡扒呢個食法真係好特別😝，自己喺熱石上面燒嘅漢堡扒🔥，和牛漢堡扒超級多油花😍，一路煎一路有滿滿嘅油脂感🤩。食落口有超濃嘅牛香味🐮，仲有芝士🧀同埋炸蒜片🧄嘅香味，好邪惡、好正💕。仲有一大片煎蛋🍳，吸收晒芝士嘅甜香味🍬同埋蒜香味🤤。🍛月見味噌牛丼飯篤開中間嘅蛋黃撈勻丼飯🥄，成個過程真係好治癒💕！丼飯嘅調味啱啱好，而且有好多菇類🍄，同牛肉片好夾🐄，而且仲可以配埋啱啱燒好、熱辣辣嘅漢堡扒🍖一齊食，漢堡扒嘅油脂💥令到飯粒更加香，好滿足😋。

店名/Shop Name：福岡漢堡扒地址/ Adresss: 尖沙咀厚福街11號地下A號舖種類/Type：日韓式晚餐推介/Recommend：菠蘿煙肉和牛漢堡扒， 芝士蛋蒜和牛漢堡扒，芝士泡豚丼人均價錢：$200店舖環境: 原木風景與設計，每一張枱上面都有獨立的抽風系統，就算用鐵板烤漢堡牛肉時，也沒有很大味和油煙交通: 尖沙咀地鐵站5分鐘上菜速度: ⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️二人套餐 $366菠蘿煙肉和牛漢堡扒鐵板上有蛋漿，菠蘿和煙肉，仲有份量十足的和牛漢堡牛肉，自己把適當份量牛肉放在會熱石上，煎到兩邊金黃色，漢堡牛扒兩邊香脆，內在肉質鬆軟，牛肉味濃，再把煙肉燒到卜卜脆伴着蘿蔔和熟料的蛋一起吃，口味非常豐富芝士蛋蒜和牛漢堡扒芝士牛肉和香蒜，燒起來非常夾，牛肉粉絲一定不能錯過芝士泡豚丼這個送多個飯嘅豬肉，味道非常正，微辣嘅泡菜伴薄片嘅豬肉和芝士，就咁吃已經非常好味，再加埋和牛漢堡，簡直是人間美食套餐內奉上芝麻醬椰菜絲和麵豉湯和兩罐汽水，正常份量的我，覺得非常充足

有得玩有得食高Cp韓國菜🌸兩人套餐(Ver.4)菠蘿煙肉和牛漢堡扒(M)🌟🌟🌟🌟🌟有數塊煙肉係和牛漢堡扒上面，煙肉咸香適中，和牛漢堡醃制有點微辣，粒粒菠蘿係蛋漿度，蛋漿燒到脆卜卜。芝士蛋蒜和牛漢堡扒(M)🌟🌟🌟🌟🌟有些芝士及蒜片係表面，將芝士及蒜片混合在和牛漢堡切開一舊舊煎，超juice而且帶和牛油香味。芝士泡豚丼🌟🌟🌟🌟🌟大大碗，份量十足、泡菜開胃解油膩，豚肉片勁大片，肉質有咬口，白飯就比較硬。百香果特飲🌟🌟🌟🌟🌟超大杯，攪拌好再拮檸檬，味道濃郁，解膩一流蜂蜜生薑茶(凍)🌟🌟🌟🌟🌟正常凍飲size, 味道夠薑夠濃郁，飲完好保暖======詳情======福岡漢堡扒 (厚福街) (尖沙咀)尖沙咀厚福街11號地下A號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #尖沙咀美食 #尖沙咀好去處 #香港美食探店 #香港探店 #我是吃貨 #打卡熱點 #打卡美食 #著數報料 #冬日美食 #菠蘿煙肉和牛漢堡扒 #芝士蒜蛋和牛漢堡扒 #芝士泡豚丼 #百香果梳打 #蜂蜜生薑茶

我哋嗌咗兩人套餐（Ver.4）（$366）分別有：菠蘿煙肉和牛漢堡扒（中）、芝士蛋蒜和牛漢堡扒(中）、芝士泡豚丼飯 同埋兩杯嘢飲（+$18轉做特飲）首先講咗兩個和牛漢堡扒先啦店員會好細心教我哋應該點樣食我主要係食菠蘿煙肉和牛漢堡扒我覺得佢哋嗰個和牛肉質食落去真係好唔錯👍👍味道好濃郁之餘亦都好多汁而且完全做到油而不膩嘅效果😘😘間唔中配埋菠蘿一齊食就更加Fresh我朋友嗰個係芝士蛋蒜和牛漢堡扒😋😋其實兩個味道大致一樣如果多咗芝士嘅話食落去就會更加濃郁+豐富👍👍（值得一提嘅係佢真係唔使燒太耐因為呢個和牛漢堡扒好快就熟）咁之後就講吓嗰個芝士泡豚丼飯啦我覺得呢個丼飯都算幾大兜😙😙而且佢哋嘅泡菜食落去唔會太過辣（係我食到嘅辣度😂😂）所以配埋豚肉一齊食落去就更加加分最後就講埋佢哋嘅嘢飲啦～～我就揀咗要金橘檸檬特飲飲落去味道嘅啱啱好唔會太甜😚😚而我朋友就揀咗要巨峰提子特飲（同埋佢哋杯嘢飲真係好大杯）

⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯平時漢堡包就食得多，但係自己整嘅漢堡就第一次試。今次就去到尖沙咀試下韓國過江龍《福岡漢堡扒》。佢哋主打熱石燒，自己燒就特別好玩啦。平時食燒肉戈啲都好驚成身一浸味，但係佢哋就設有個人抽風機，所以油煙方面控制得特別好。二人套餐 總共有五款嘅套餐，我就揀咗$366。套餐包含：菠蘿煙肉和牛漢堡、芝士蛋蒜和牛漢堡、芝士泡豚丼飯和兩杯嘢飲。店員首先送上熱辣辣嘅鐵板，鐵板上面有滿滿嘅蛋醬和一大舊嘅和牛漢堡。食法係首先切開一小片和牛漢堡，然後放上去熱石上面燒。等到兩邊燒香就可以食得㗎啦。我自己就比較鍾意蛋蒜，和牛配搭蛋汁和蒜片真係好邪惡。食完漢堡扒就可以試吓個主食芝士泡豚丼飯。勁拉絲嘅芝士和醃到入味嘅泡菜餸飯真係一流啊。最後叫埋兩杯嘢飲清一清喉嚨，又帶住飽肚嘅身軀返屋企。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯福岡漢堡扒 (厚福街) (尖沙咀)尖沙咀厚福街11號地下A號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯

福岡漢堡扒位於尖沙咀，見到可以自己燒漢堡扒，幾有趣咁，所以就吸引左我去試試。估唔到好挽得黎味道都唔錯。兩人套餐包左兩份芝士蛋蒜和牛漢堡扒，仲有月見味噲牛丼飯，另外配有泡菜沙律麵豉湯同罐裝飲品。漢堡扒加上拉絲芝士蛋好邪惡，仲有蒜片好香，同漢堡扒味道幾夾。可以根據自己喜好燒到合適嘅熟度，同埋加醬油同鹽作調味，而且過程都幾好挽。見味噲牛丼飯亦都好大碗，夠哂兩個人share，餸埋漢堡扒一齊食亦都得。餐廳每個位都有抽煙系統，將抽煙管對準熱石的位置，再將漢堡扒平鋪在石上燒就可以。石頭嘅溫度好夠，店員都會主動更換石頭，所以都值得一試。

食過兩次，第一次係食芝士漢堡，喺旺角分店，價錢大概$100以上，旺角環境方面，不算好多人，但抽風系統有點差，煙霧離漫。食物方面感覺都好特別，因為要自己整上細細的鐵板上燒，店員都好細心，教人如何燒好。沙律菜可以任添。第二次去係尖沙咀店的豬頸肉配飯，當時做緊優惠只係$29，連加一32，真係好有良心，喺香港地隨便食個茶餐廳，都60 。而且質素方面沒有任何的差，本人覺得中上。如果薪水糧尾唔夠，還是一個好選擇

放工同朋友去開尖沙咀，行行下就決定試下呢間餐廳。下午五點九，時間尚早，入黎見到人唔多。我叫咗個雞蛋和牛漢堡扒，朋友鍾意食芝士，我地額外加咗芝士，同一碗飯。食飯可以一邊慢慢自己煎，一邊吹水，過程幾好玩。煎煎下，我地仲煎咗一舊心形扒出黎😂