佳佳甜品

Open Now

Now Closed

上一份工成日要去永安百貨，同事就介紹嚟佳佳。傳統糖水無咩巧妙，最重要係用心煲，無渣漏攤就得，無奈香港好多糖水舖都係是是旦旦，自己平時都少食咗。咁岩呢日同兩位朋友去佐敦附近，又嚟一次佳佳，九點鐘都係要排隊，但好快就入座。原意叫核桃露加湯圓，可惜賣完，唯有轉芝麻糊。芝麻糊滑而不過甜，濃濃芝麻香，無花巧，就係水平之上。湯圓都係芝麻餡，外皮煮得剛剛好，唔會未煮透痴牙，又唔會煮過火太爛。同行朋友叫咗蛋花馬蹄露同粒粒紅豆涼粉，馬蹄露我就無試，紅豆涼粉嘅紅豆唔係紅豆沙個隻，有咬口，連涼粉同吃又有一番特別口感，算係傳統中有新意。服務算係還好，落單細心，會再三確認以免送錯。雖然無趕人走，但整體嘅氣氛都唔係容得下人久坐，同其他糖水舖一樣。呢樣就睇嚟係成個香港既問題了。

傳統糖水店經典芝麻糊2018/05/10係油麻地人氣旺盛嘅甜品店，一入門口便有店員帶位，點餐後2-3mins便有得食😍，芝麻糊香滑濃郁，香氣扑鼻，唔會太杰，亦唔會太稀👍。店內餐牌主要係傳統甜點☺，比較少新式嘅凍品，雪花品那類雪糕食品，但店內要花工夫磨製嘅甜品都非常受歡迎😘，好似芝麻糊，杏仁糊，本人唔中意杏仁味應該唔會試，但佢地店嘅芝麻糊非常出色😗👍👍。雪白嘅湯圓中，有流心嘅芝麻含在內，軟熟Q彈嘅外皮😚，香甜可口嘅芝麻含互相輝映。下次食糖水都要去依間，平日夜晚18:30時人流都未算好多，但上次食完飯黎，門口已有人龍😲，咁好食嘅甜品難怪咁多人捧場😋😋。

今日早吃飯，一早預直留好空間同情緒黎個住佳甜品。 店面比一般既中/西式都寬敞，但當然都係要搭檯架啦。餐牌上選擇好簡單，都係基本既中式甜品，見到好多人話湯圓正，整左個芝麻糊加湯圓、男人就要試特色野，就係特濃薑汁蕃薯糖水。 一黎到，部量中等啦。 芝麻糊望落同食落都相當幼滑，而且好香，應該無加米/生粉之類去［偷功減料］。湯圓，一碗好似係3/4 粒， 清一色芝麻味。 一咬， 好Q軟煙韌，入面既芝麻更香更濃，但幼滑不減。實不相暪我本身好唔鐘意芝麻湯圓，但呢幾粒野真係好好食，咬完一啖落去佢仲慢慢自己彈返起身變返圓形，其實食左一粒已經好想買啲生既返屋企繼續食。男人個碗呢，好抱歉我自己食唔到試唔到，因為真係太辣喇。我舔左一啖已經辣到呢。。。真心好軀寒呀下。 蕃薯望落都相當多。男人話正。 臨走發現原來有另一個餐牌啲甜水可以兩溝，下次黎要再試試佢。 呢個米豬蓮相信唔係浪得虛名既。唔知點解用電腦upload 相次次都唔岩方向😠