杏甜品 (香檳大廈) (Closed)

食完晚餐喺尖沙咀搵邊度有糖水啦，真係行過都留意唔到，呢度係樓上舖，大家記得望清楚，唔係就走漏眼裝修屬於清淡風格，坐落去都非常舒服，不過張枱比較細，冇乜地方放置其他物品。好普通但芝麻糊不嬲都係普普通通，唔駛咁多花臣，夠溫度，甜味適中。芒果沙冰，都係正常發揮，芒果肉唔酸，成個甜品都好平衡。唔係死甜果隻！而價錢方便正正常常，又唔係話特別抵食，小店嚟講算係咁，尖沙咀收呢個價錢都合理，如果飯後無嘢做，可以一試。

嘩，好多人排隊，等咗起碼15分鐘。裝修以木系為主，有種台灣咖啡小店裝環感覺。雖然舖位係凹之形，但啲位都間得唔錯，唯一唔好係要自己行出位俾錢，而且要自己睇number出去攞糖水。*杏仁茶墩蛋白 $55杏仁茶配燉蛋白，養顏之選。杏仁味香濃，質感順滑，微甜冇苦味，反而燉蛋白失色，質地過硬，有啲嚡口，甜度略為不足。芝麻糊 $30表面結咗一層皮，質地濃郁，飲落比聞起更香芝麻味，甜度適中，份量亦非常足夠。椰汁芒果西米露 $45芒西唔係黃色係有少少失望。芒果粒甜，椰汁香濃，質地唔會好稀，西米煮到啱啱熟透，口感煙韌唔會腍啤啤，但有啲黐埋咗一齊，一pat嘢咁。

平時岀尖沙咀食甜品都係食pancake芋圓多估唔到新開左間真•甜品糖水舖😆仲帶點小文青🌿仲要主打食杏仁茶同爽冰🤤———————————————————🍴龍眼爽冰($55)呢啲冰通常食聰嫂先會有但而家尖沙咀都有得食了☺️極推薦呢款‼️‼️‼️龍眼味真係極濃 啲冰食落係超重龍眼味唔係好似岀面咁❌用龍眼做裝飾但食落係普通冰嚟 無味而且食耐左唔會好膩👍🏼做幾fresh添———————————————————🍴芒果奶昔雙皮奶($59)雙皮奶又係香港愈見愈少😍見到之後真係即刻嗌面頭有3 4塊芒果🥭中間仲有芒果沙冰去到底層先係雙皮奶😆唔係睇芒果配雙皮奶會好怪 食落係超夾芒果仲好靚 一啲都唔酸😏呢款甜品一樣大推‼️‼️———————————————————🍴芝麻糊加芝麻湯圓($30+$10)本身係芝麻控既我呢幾日天氣涼涼地 梗係要嗌返碗熱既糖水食下芝麻糊配芝麻湯圓😆真係極芝麻可能上2個甜品太岀色 呢個相對失色左啲温度上 如果熱啲會更好食♨️芝麻糊可能溝水溝多左 偏稀相對上無咁推薦呢款比大家🤓

📍 Almond Dessert 呢間係尖沙咀新開無耐嘅甜品舖🥰 近排見唔少foodies 介紹 等小編都去朝聖一下！店舖裝修偏簡約風 好啱打卡🤩 位置坐落去闊落👍🏻 甜品選擇種類都多 而且食落去都幾好味😋-龍眼爽冰 $55呢一杯甜品入面係由30幾粒龍眼製成 所以食落去龍眼味超濃郁😻平時食龍眼味嘅甜品只有淡淡嘅龍眼味 所以呢杯食落去好驚喜！再夾雜着椰果同埋水晶珠作配料 一齊食增添左口感🤟🏻榴槤爽冰 $59呢個甜品榴槤控可以試吓！就咁一上枱已經聞到好大陣榴槤味😳當然食落去都好濃郁 因為佢哋採用左貓山王榴槤整😎 食落去入口即溶🥰芒果奶昔雙皮奶 $59嗰甜品表面有好多芒果肉 啲芒果肉食落去好香甜😍 中間嗰一層就係自製嘅芒果爽冰😙最尾就係雙皮奶🤪 雙皮奶食落去口感滑溜三樣嘢一齊夾埋黎食落口感豐富 又唔會太甜😜芝麻糊 $30大大碗熱辣辣嘅芝麻糊食落芝麻味重 而且食落又唔會太甜🤪 小編一向都好鍾意食芝麻 如果加芝麻湯圓落去一齊食就更正😍蜜瓜吸吸 $42呢個係暫時小編飲過最好飲嘅蜜瓜飲品🤩入面有好多蜜瓜粒‼️口感好豐富😋 奶味都濃😻楊枝甘露豆腐花吸吸 $45平時楊枝甘露就飲得多 加埋豆腐花就第一次試🤭