杏甜品 (香檳大廈) (Closed)

嘩，好多人排隊，等咗起碼15分鐘。裝修以木系為主，有種台灣咖啡小店裝環感覺。雖然舖位係凹之形，但啲位都間得唔錯，唯一唔好係要自己行出位俾錢，而且要自己睇number出去攞糖水。*杏仁茶墩蛋白 $55杏仁茶配燉蛋白，養顏之選。杏仁味香濃，質感順滑，微甜冇苦味，反而燉蛋白失色，質地過硬，有啲嚡口，甜度略為不足。芝麻糊 $30表面結咗一層皮，質地濃郁，飲落比聞起更香芝麻味，甜度適中，份量亦非常足夠。椰汁芒果西米露 $45芒西唔係黃色係有少少失望。芒果粒甜，椰汁香濃，質地唔會好稀，西米煮到啱啱熟透，口感煙韌唔會腍啤啤，但有啲黐埋咗一齊，一pat嘢咁。