芽莊越式料理 (新城市廣場) (Closed)

鮮牛肉湯河Pho湯底鮮味濃厚，牛肉片也比較大塊，牛肉味不濃不淡岩岩好。，可以話係本店嘅signature。手切牛肉湯河，牛肉片太厚導致牛肉口感超硬，難咀嚼。牛肉味過重，降低湯的鮮味。唔抵食，不推薦。芥蘭苗鮮嫩，苦味淡，幾唔錯。

買野買到咁上下，又係時間食晚飯，唔太餓又想食得清淡啲，所以都係依間好啲。越南牛肉河粉係首選，見佢有一款係每日限定嘅即管睇下仲有冇得食啦😁好好彩，仲有得食。個湯好正，好鮮唔羶，牛肉好嫩，👍🏻👍🏻同之前去越南食個啲好似。不過可惜芽葉唔夠多，唔係就一流啦。另外都叫左個燒牛肉撈檬，牛肉唔會鞋同乾，而且個醬甜甜地都唔錯，當然啲檬粉口感都唔錯啦👍🏻芥蘭苗就一般般，個人覺得較老較硬，但味道👌🏻炸蓮藕好正，唔會太油，蓮藕好爽，但入面啲魚肉又好彈，口感好特別，值得一試👍🏻👍🏻

趁今日元宵節 就出去食餐飯喇嘿嘿 我地大約7點去到 都不是太多人等位 所以好快就有位了 限時75分鐘 時間好似少左啲😅😅通訊都90分鐘架嘛😅🤣大蝦柚子沙律🦐🥗大蝦有兩大條 係燒過的 肉質都幾爽口彈牙喔 柚子肉好大粒 我比較鐘意咁樣食 有質感啲 食到有juicy 伴菜仲有腰果 洋䓤 沙律個sauce非常開胃 撈埋啲菜食👍🏽👍🏽炒芥蘭苗 份量okay喎 有火喉 炒得靚 質感很嫩 唔會好韌 好入味喎🤣😀仲有花生粒 櫻花蝦做伴菜 係幾有水準嘅 不錯不錯軟殼蟹米紙卷 有四舊 兩大兩細 軟殼蟹炸得好脆 又夠熱 米紙卷唔太算煙韌又唔算黏口 卷入面仲有青瓜條 可以減少油膩感 整體都好食喔 哩個配搭無得輸👍🏽😍🤩脆皮蝦肉撈檬 有勁多舊蝦肉喔😍🤩個皮真係有少少脆 蝦肉肉質勁厚勁多肉 食檬粉一定要落酸酸甜甜個sauce 超級開胃👍🏽👍🏽檬粉夠凍 質感適中👍🏽👍🏽不錯喔 大家可以trytry

一早用app力左位都要等一陣 一到weekend就好多人出街食飯所以芽莊限時食60分鐘 食餐晚飯都好趕每人叫左一碗湯河再加左個菜 已經好足夠平時唔太中意係街食菜 但每次食芽莊都會叫芥蘭苗用甜豉油灼芥蘭苗 再加蝦乾、芝麻係上面 味道好配合不過芥蘭苗有點硬 可能灼得唔夠耐雞絲牛肉湯河 湯底味道好濃 雞絲同牛肉都好入味 而且河粉幼身 好滑 好好味食完河粉仲想飲曬D湯

星期一的沙田芽莊，不用等位便可入坐。內子每次來這裡，必定要點一個河內蕃茄蟹檬，至於筆者就沒很好胃口，點了個芥蘭苗、雞串燒和豬扒濱海來湊合一下。 這道芥蘭苗點睛之處在於面頭的蝦乾、碎腰果花生，令普通的炒菜多了一分惹味感，當然，芥蘭苗亦不失嫩口。 這個串燒其實「性價比」不高，三大串便要六、七十元，質素幸好亦算不錯，外面香脆，肉質尚算鮮嫩，不過之前的沙嗲汁是分碟上的，現在就難點一點。 越南的濱海，其實就是米粉餅鋪點碎腰果花生及蔥，然後夾肉同食。這個豬扒濱海的香茅豬扒由一塊分切幾件，夾米粉餅會太乾，需加上越南甜酸汁一起吃才易入口及夠風味。 內子的主菜如果要她自己一個來吃，她亦不拘，誠言蟹肉加上蕃茄的湯的確很有鮮味，有小半隻蟹釣味，亦有扎肉片、魚肉丸和蕃茄隨湯，配料十足，算是抵食，五星全因內子的盲愛。飲品方面，內子點了凍青檸茶($38)；筆者就點了青檸梳打($36)，只為平常點的檸檬飲品帶來一點新鮮感，味道不錯。