禾稈草主題餐廳 (Closed)

今日媽咪無煮飯，屋企只有我同佢，所以我地落左樓下搵間小菜餐廳當作晚餐。其實平日我都會經過依間餐廳，但未曾入去食過，剛好我媽咪都比較喜愛食中菜，所以我地諗都唔諗就入左去，店門面裝修係以木造主題，感覺較為和諧，而店內裝修都以古色為主，紅𥖁牆身搭配禾稈草掛飾吊燈，光暗度比到一種好似家既感覺。我地入座時店內已經差唔多滿座，好多客人都係一家大細黎食，依度大部分都係卡位座，座位闊得黎都幾舒服，剛好剩下一張空卡位枱，真係幸運  從而發現枱上既餐具筷子盒都以木既花紋盛載著，而木盒上都連住左一個服務鈴，客人有任何需要時，都可以按鈴叫店員過黎幫忙。而依度既餐牌選擇真係多到花多眼亂，樣樣都想叫，當我地一叫侍應，就立即到你枱前，服務唔錯，而且上菜都幾快，我同媽咪最後叫左：花甲蒸水蛋：蛋真係蒸得好滑，完全唔老，入口有蛋香味，証明廚師既功夫了得撈飯食一流，雖然最遲先上菜，但相信係即叫即蒸薑蔥枝竹魚雲煲：一黎到就好香，枝竹炆得好入味，魚雲每件都大大舊，入口好惹味，至緊要份量又多我地叫左個套餐係薑蔥支竹魚雲煲，另配白飯同例湯，加+$28可以轉原盅燉湯，燉湯一黎到，仲係好熱，因為我喜愛飲湯要夠熱，飲落味道濃郁同好足料

男朋友係旺角返工，所以都不時會搵下旺角一帶既餐廳試試，今次openrice見禾稈草主題咁得意，又出街食厭左西餐，就決定試試呢間喇。花雕醉雞半隻($108)個人都幾鐘意用花雕醉雞黎做中菜既starter，呢度既醉雞酒味濃郁，而且雞肉香滑，份量亦唔少，令人一舊接一舊。花甲蒸水蛋($70)一上檯同男朋友對望左一下，賣相又幾有心思喎！花甲一隻隻排好，十分有誠意。而且口感滑溜，送飯一流呀！金銀蛋上湯時菜($58)鮮甜蔬菜配上富香味既三色蛋同肉碎，健康又好味，唔錯！呢餐飯經濟實惠，食得多西餐要食下呢d健康小菜平衡返，下次會再黎試試黃鱔飯同生腸。

近來同男友食得太多西餐, 轉轉口味去食中餐。剛巧在太子經過禾稈草主題餐廳是中餐餐廳,米入去食晚飯。店裝置以啡色為主,有好多禾稈草元素~禾稈草人,有磚牆,帶有濃濃田園氣息。首先來了【原盅滋補燉湯】 套餐另+$28蟲草花雞燉湯燉湯內足料,湯十分清甜美味,濃濃雞湯帶有蟲草花香味,同男友爭取住飲呢!* * *【花甲蒸水蛋 】$70賣相當非常吸引,蒸水蛋口感好滑溜溜,沒有鞋口感,花甲鮮甜溜入水蛋度,所以蒸蛋好甜,送飯一流。* * *【陳皮蒜茸蒸魚頭腩】 $65 餐包白飯及例湯蒸出來的魚鮮香味與陳皮蒜茸香氣相配,啖啖肉魚頭腩,口感算滑,略頗多了魚骨,所以食時要小心。]* * *【菠蘿沙拉骨 】$62 餐包白飯及例湯切開炸豬扒掛上滿滿沙律秘醬,帶酸酸甜甜味道,夠哂濃味又惹味,食後十分開胃,相信大人細佬都愛食。

話說小妹上年割左盲腸就有同事叫我食黃鱔飯，話可以補下咁岩依次出街真係比我遇到間食店有黃鱔飯食於是梗係去試試依間餐廳以禾稈草為主題簡約風格，木製既檯櫈都見店主都用心佈置餐廳話晒專誠黎食黃鱔飯梗係要點番個「台山黃鱔飯」$78小妹因為未食過我想像以為有幾片黃鱔鋪面，好似蒸飯咁點知原來係炒飯底仲要有好多黃鱔入面仲見到有紅棗碎而且有陣陣的果皮味，好味唔怪之聽人講依個飯補身嚕依地小妹係兩個人去但鍋飯係超大，每人都食左三碗上網見到佢個「花甲蒸水蛋」$70 好似好有霸氣咁因為係超多花甲所以都叫多黎試果然真係好多花甲隻隻都有肉，出街食有啲花甲淨係得個殼而佢就唔係另外都叫左個「菠蘿沙拉骨」$78醬汁都幾多，每舊真係啖啖肉，份量都唔少所以食完都好飽順帶一提，佢既「凍檸賓」$25每杯入面都好多片檸檬，值得一讚

放工會合爸爸出太子試千稈草主題餐廳食台山菜, 我們點了特色台山黃鱔飯, 花甲蒸水蛋、陳皮蒜蓉蒸頭腩和凍奶茶, 特色台山黃鱔飯, 原來是炒飯底,炒得好香, 蛋和洋蔥炒得很香, 黃鱔好好, 魚味好香, 好美味的台山菜；花甲蒸水蛋很有特色, 花甲有超過一打,好新鮮好爽口, 水蛋蒸得好滑, 配上熟油和豉油突出蛋的鮮味, 好足料,送飯一流；陳皮蒜蓉蒸頭腩, 陳皮好甘香, 蒸蒜蓉味道香濃, 頭腩好新鮮, 好鮮味, 啖啖肉, 肉質鮮甜, 好食；最後凍奶茶茶味香濃, 好香滑。餐廳怖滿開平碉樓和有關台山的相, 特色的台山菜。