花見日本料理 (Moved) New Location

朋友生日，想食日本嘢，之前來過lunch，今晚就試omakase，每人$700梅酒呢到嘅日本酒有好多款式，有特別純米、純米大吟釀、大吟釀、梅酒等，呢間餐廳仲有自製嘅梅酒，係由福岡小梅子釀製而成，同另一款梅酒溝埋一齊，甜甜哋，易入口，梅味比只得一款梅酒重豆腐芝麻沙律唔係一般餐廳咁細細碟，份量好多，豆腐係長野縣產，又滑又豆味濃，仲有芝士粒响入面，加埋芝麻醬，好開胃鮟鱇魚肝兩片鮟鱇魚肝，加少少蔥花同蟹籽，配上少少醬汁調味，入面即融，又好野味薄切目鯛配黑松露酸汁賣相好吸引，隻碟係手工做，好靚，刀工一流，每一片魚都晶瑩剔透，魚上有黑松露，旁邊伴上蔥花食嘅時候就將它們一同卷起，再點少少秘製酸醋、生蔥及黑松露，配合得好好，好平衡，又層次分明鵝肝多士喜歡食鵝肝，但係又知年紀大，唔可以食太多，呢到份量啱啱好，鵝肝煎至外脆內軟，無臊味，配上醋，沒有油膩感覺，食完再食埋伴碟嘅沙律菜，一流茄子田樂燒燒茄子，看似簡單，但看出心機和功夫，又炸又烤，外皮仲能夠保持深紫色，配赤麵豉醬，帶出茄子嘅清甜燒活鰻好多餐廳都係急凍鰻魚，其實新鮮嘅日本活鰻肉質嫩，仲有豐富嘅膠質，外皮薄，又燒得好脆，加少少鹽調味，鮮味非常突出朝鮮

上次喺度食完lunch，質素唔錯，今晚同個客嚟試omakase，一早講咗大概食$700一位梅酒呢度有好多款大吟釀，但係客人特別鍾意飲梅酒，所以訂位時特別叫店員整款靚梅酒俾佢嘆吓。呢隻並唔係普通嘅梅酒，而係用咗自家浸嘅福岡小梅酒，再溝另一款梅酒而成，梅嘅味道比單一梅酒會出好多！客人第一口飲已經鍾意到不得了，甜甜哋非常易入口，仲每啖都有好濃郁嘅梅味咁話喎豆腐芝麻沙律（長野縣產）份量好大，豆腐粒好滑溜又香豆味，食食吓仲有啲芝士粒，究竟係食緊豆腐定係芝士，已經分唔出了，總之加咗芝麻醬，就係新鮮又開胃啦安鱇魚肝係我最愛呀！見到有你真係開心到哇咗一聲！用少少醬汁調味，又冇鵝肝咁膩，慢慢喺口入面融化，油香誘人，好味到喊！薄切目鯛配黑松露酸汁絕對係效驗刀功嘅一道菜，每一片都晶瑩剔透，仲加咗秘製酸醋、生蔥及黑松露，以為生蔥味道會好搶，點知原來一齊食係非常正㗎喎！滑溜嘅魚肉包住爽脆嘅蔥粒，層次分明鵝肝多士份量啱啱好，鵝肝外脆內軟，零臊味，配合醋一齊食感覺冇咁油膩茄子田樂燒上次已經食過，一直念念不忘。看似好簡單嘅一道菜，其實又要炸又要烤，外皮仲要保持深紫色，睇少陣都唔掂啊！用嚟燒嘅赤麵豉醬味道比較淡及甜，食

女朋友既朋友介紹，話連午餐都好好食既咁就要黎試下，究竟睇下係咪真係咁好味。一入到黎第一個感覺好舒服，好骨子見到個MENU就乜都想試下，咁就叫左個沙律黎開下胃先胡麻醬豆腐沙律酸酸味味，清清地，好開胃朝鮮醬雞軟骨食落同平時食開既燒汁好唔同，個汁係甜甜辣辣但感覺又唔似韓國菜，所以好深刻，正！沖繩南乳豬大腸煮其實有啲似面豉湯，加埋豬大腸（索哂味，夠哂稔），重有蒟蒻係入面，好多重口感見到MENU話羽太，重要係刺身添足滿好奇既我地又點可以唔試下食落去好有魚味，重好爽口問過先知原來係石班，唔講唔知原來都可以拎黎做刺身點埋個酸汁，又將佢提升到另一個層次極上刺身佢獨特之處係唔洗點芥末食，係點鹽花所有食材都好新鮮第一次食咁爽脆既帶子，從來都未試過食完有咁幸褔既感覺牡丹花又鮮甜個拖羅重要係入口溶化，同啲魚油親吻咁，一吻難忘蟹肉蟹糕軍艦，鮮鮮鮮鮮鮮！北海道海膽，食完一舊係好想食埋另一半個舊佢果種清甜，一食就知道點解佢值咁既價錢汁煮腦天個名夠奇怪，但係食落一啲都唔奇怪點解咁講，原來呢個部位係魚頭頂舊肉，平時無得食，係日本既師傅留返黎比自己食而家既人太識食肉質夠稔身，好似滷肉咁入哂味又多魚油，入口好滿足茄子燒汁夠