勝香園

Open Now

Now Closed

回到中環工作後都未有機會探一下我的至愛 (雖然間中週末都會過來回味一下), 今日突然勾起條筋, 沒有約朋友陪我去, 就自己去買外賣吧!公司距離這裡不算遠, 12:30pm前來到已經人山人海。竟然連叫外賣, 無錯, 係"叫", 都要排隊, 等約5分鐘先有得叫。得到一個爛了的31號牌, 誇張到外賣牌都是爛的, 可想而知多人叫外賣的程度。等呀等, 等了差不多15分鐘, 比我預期中短, 終於回到公司。有人說過這裡的蕃茄通是用新鮮蕃茄做的, 我就見過鋪面放滿了罐頭蕃茄。其實新鮮蕃茄與否都不緊要, 重要的當然是味道。酸酸的蕃茄湯底, 加上一隻半熟蛋、軟腍腍的牛肉和凍華田, 就成了美味的午餐。要舒舒服服的享受這個午餐, 看來都要坐在公司吃才行。

其實位都算多的 但顧客更多要等過位才算來過勝香園啊哈哈茄牛蛋通好豐富好濃厚的蕃茄汁食食下通粉都會飲幾啖湯的牛蛋都好大份下 整個配搭都無得輸第一次食檸蜜脆脆烘得好好味 有足夠的檸蜜味甜甜地 好開胃下.另外 來到勝香園除左食以上兩樣野之外仲有一定要飲咸檸七超正的!!!!

一間非常非常老的老字號，一向以蕃茄著名，是日又心思思想吃，剛好同事可以幫手買外賣，於是是日辦公室內茄香四溢！茄牛蛋通蕃茄一貫的鮮甜、濃香，牛肉一貫的滑嫩，可惜的是勝香園的蕃茄湯缺乏了新鮮蕃茄的清香，罐頭蕃茄的份量又增加了嗎？雖然如此，味道暫時還是不錯的。檸蜜脆脆一打開紙袋就聞到好香的檸檬和蜜糖味，而且包身鬆軟，烘得香脆，比起奶醬多士更加得我歡心。 

小德子難得同蛇先生一齊放假,就一齊去中環拍下拖~~^^happy! 五點左右到達勝香園,微微雨,人唔多,唔洗等位,同蛇先生分享一個茄牛蛋通 通粉係無紋的,實在o的,唔會太淋,鮮牛肉味道還好,正常貨色,老實講係大排檔~無重手落鬆肉粉都算係咁喇~茄湯濃帶酸,好醒胃,煎蛋無脆邊,蛋黃半熟,小德子可以一人獨享樂^^,食到一半將蛋黃刺穿,蛋黃流到熱辣辣茄湯當中,一齊食~好幸福!特別係天氣有點涼意,感覺好溫暖!難得嚟到,當然都有叫檸蜜脆脆,水準保持到,包外脆內軟,唔會烘到太乾,自家檸蜜醬,酸酸甜甜剛剛好~哈~但係唔知點解今次米奇兩隻耳仔都無搽檸蜜醬,變咗牛油脆脆@0@ 蛇先生叫咗杯凍奶茶,茶味比較淡口,奶夠滑,但勁甜~怕太甜o既朋友,要飲的話,記得叫小甜~

一直想試勝香園, 但奈何中環的確離我太遠, 而且走上去既路又熱又難行, 所以一直都未去,個日終於可以一試, 我記得個日係十分非常高溫, 所以無論行緊去或者上到去既路都好辛苦好彩去到好快就有位, 可能我地岩岩比人地上班族早左少少去, 因為我見我地坐低無耐而且大排長龍 當然本身佢都已經唔少人試左檸蜜脆脆 茄牛雞蛋通 同埋 大堆頭既茄腸蛋腿牛麵,其實比我想像中普通, 亦唔係話必食不可.蕃茄雖然好多但係佢用罐頭, 其他配料亦好普通, 不過牛肉幾滑, 同埋脆脆係幾好食既總括泥講試下都可以既, 不過如果特登去係為左試美食又好似唔係太值得

其實都唔係第1次黎食的,今次終於寫番食評啦 檸蜜脆脆(7/10分): 次次黎都會食, 檸蜜既配搭可以酸同甜平均番,烘到岩岩好,一烘完出黎要即刻食,果下好鬆軟..外面脆脆地,食得出係用心烘的 茄牛蛋通(7/10): 我第1次食個茄湯底好濃GA,好似飲緊蕃茄汁咁...近期食就個湯淡左D.. 好彩D通粉冇變,呢種通粉個比較細,D汁可以鎖係入面,變相通粉都可以入到味. 就可以自選啦..餐肉,炒蛋,碎牛..咩都得咸檸七 (7/10) : 我諗黎得呢到食都係 有心而來,唔會冇啦啦經過 -.-行到身水身汗 .. 一飲呢杯野 一聲..涼晒, 佢 篤埋俾你 唔會太酸 ,又夠大杯. 都係間唔中黎食一次好了,一係就排死,一係就熱死 -.- ..相比起其他同款既野食黎講, 呢間,真係有水準既中環一帶食野.. 差唔多啦我諗

幾年無黎勝香園，今次如常大排長龍，等咗25分鐘至有位。兩個人叫了茄牛蛋通($22)、茄腸餐麵($22)、奶油脆脆($8)同大支 Spirit ($7@)) 。無叫招牌咸檸七，因為佢d咸檸未落order已經預早放入d杯入面，而d杯又重疊起，感覺不太衛生 (雖然食大排檔就預咗要大菌食細菌......)奶油脆脆夠曬脆，好味~!! 個麵就夠曬熱同蕃茄好足。 如果你中意多茄肉，就唔好揀通粉啦， 因為通粉淨係有茄汁無肉~一個麵餐成三十幾蚊係貴咗D，因為坐得唔多舒服。主要係個環境好熱，風扇唔夠，有d位仲要無障鑝，出太陽時真係會熱到爆。如果你怕熱就千奇唔好去~