Video
Read full review
2012-11-29
67 views
小德子難得同蛇先生一齊放假,就一齊去中環拍下拖~~^^happy! 五點左右到達勝香園,微微雨,人唔多,唔洗等位,同蛇先生分享一個茄牛蛋通 通粉係無紋的,實在o的,唔會太淋,鮮牛肉味道還好,正常貨色,老實講係大排檔~無重手落鬆肉粉都算係咁喇~茄湯濃帶酸,好醒胃,煎蛋無脆邊,蛋黃半熟,小德子可以一人獨享樂^^,食到一半將蛋黃刺穿,蛋黃流到熱辣辣茄湯當中,一齊食~好幸福!特別係天氣有點涼意,感覺好溫暖!難得嚟到,當然都有叫檸蜜脆脆,水準保持到,包外脆內軟,唔會烘到太乾,自家檸蜜醬,酸酸甜甜剛剛好~哈~但係唔知點解今次米奇兩隻耳仔都無搽檸蜜醬,變咗牛油脆脆@0@ 蛇先生叫咗杯凍奶茶,茶味比較淡口,奶夠滑,但勁甜~怕太甜o既朋友,要飲的話,記得叫小甜~
就一齊去中環拍下拖~~^^happy!
五點左右到達勝香園,微微雨,
人唔多,唔洗等位,
同蛇先生分享一個茄牛蛋通
通粉係無紋的,實在o的,唔會太淋,鮮牛肉味道還好,正常貨色,
老實講係大排檔~無重手落鬆肉粉都算係咁喇~
茄湯濃帶酸,好醒胃,
煎蛋無脆邊,蛋黃半熟,小德子可以一人獨享樂^^,
食到一半將蛋黃刺穿,
蛋黃流到熱辣辣茄湯當中,一齊食~好幸福!
特別係天氣有點涼意,感覺好溫暖!
難得嚟到,當然都有叫檸蜜脆脆,水準保持到,
包外脆內軟,唔會烘到太乾,
自家檸蜜醬,酸酸甜甜剛剛好~
哈~但係唔知點解今次米奇兩隻耳仔都無搽檸蜜醬,變咗牛油脆脆@0@
蛇先生叫咗杯凍奶茶,
茶味比較淡口,奶夠滑,
但勁甜~
怕太甜o既朋友,要飲的話,記得叫小甜~
Post
