茶皇殿

Open Now

Now Closed

尋日同老公嚟旺角食飯，見到呢間做緊晚市推廣，$1有燒味三選一，仲要有乳豬同燒鵝揀～ 環境乾淨企理衛生，大廳明亮通透，座位之間都寬敞～人蔘烏龍茶水滾茶靚，沖幾次都仲好有味，味道清新，芳香回甘～茶皇殿燒鵝皇 估唔到一蚊份量有咁多，燒鵝燒到皮脆肉香，唔會太肥又有油香，肉質結實，鵝香味濃～茶皇殿小炒皇 $118超大碟，材料豐富，有魷魚，蝦仁，蝦乾，韭菜，腰果⋯ 加咗爆香嘅魷魚同蝦乾味道鹹香，又唔會太鹹，韭菜新鮮爽脆，腰果都爆香左好香脆～ 整體好有鑊氣～鹹魚雞粒豆腐煲 $108熱辣辣夠晒熱，好香鹹魚味，豆腐好嫩滑，配上爆香嘅鹹魚同雞粒，醬汁好香好惹味，送飯一流～椒絲腐乳炒通菜 $88大碟夾抵食，通菜翠綠，炒得好爽脆，腐乳均勻入味，配上椒絲惹味香濃又唔會太鹹～整體食物質素唔錯，上菜速度快，價錢經濟實惠，地點方便，飲茶食飯不錯之選～

喺旺角泉章居舊址，開咗間新式粵菜酒樓「茶皇殿」💕近期推出咗CP值爆燈嘅晚市套餐🤓見地點咁就腳，即刻約屋企人食飯順便補祝母親節🤪.🌟晚市廚師推介💰$688（另收茶芥、加一）總共5️⃣道菜，自由配搭.🍴上湯焗龍蝦伊麵🦞🐻其中一道最愛嘅粵菜酒樓菜式❤️將經過上湯烹調嘅龍蝦🦞放在伊麵上，伊麵底吸收盡龍蝦精華，啖啖鮮味🤤龍蝦肉質鮮嫩彈牙，多膏啖啖肉😆一啖龍蝦，一啖伊麵，令人回味無窮🥰.🍴茶皇殿燒鵝皇（例牌）燒鵝肥瘦均勻，皮脆肉滑👍🏻入口豐盛嘅肉汁澎湃流出，油香四溢，雖然邪惡但好滿足😚 加上梅子醬嘅梅酸味，進一步提升鵝香，正👍🏻.🍴金沙脆蝦球🦐炒香嘅鹹蛋黃均勻包裹炸蝦球，黃金賣相立即令人垂涎三尺🤤一口咬下去，外面係鹹香十足嘅金沙外皮，內裡爽脆彈牙蝦球🤪超高質嘅一道粵菜，必食‼️.🍴碧綠炒帶子帶子份量都幾多，彈牙鮮味🤟🏻西蘭花爽脆，軟硬程度啱啱好😌.🍴燒汁珍菌牛柳粒牛柳粒大大粒又入味，唔會好韌😉配上西芹、菇，淨食餸的話略嫌個汁鹹咗少少🤏不過撈埋飯就啱啱好😋.🌟燒味三選一💰$1無睇錯，真係1️⃣蚊🤣燒鵝、乳豬、走地雞三選一，揀咗乳豬完全唔會因為一蚊而降低質素👍🏻乳豬份量唔算少，最緊要個皮夠脆，肉質鮮嫩🤓.最後埋單