Video
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
訂左7：30準時到，叫左4人套餐，佢話套餐燉湯冇，叫轉粟米羹，？，燉湯同粟米羹同一層次？，"你可以自己加錢換湯”，算，幾經爭取換左海皇羹。茶叫左鐵觀音來左普洱，叫個上菜嘅攞嚟，倒濕我背囊，我算，我話你俾條毛巾我抹，佢堅持佢冇倒濕，後來個經理攞條抬布來解決。來餸，其實不太差，但海皇羹好咸，都不敢麻煩佢地，自己拿了一瓶熱水想自己調淡，又給經理發現，佢話叫廚房給你做過，好，再見出來，一樣……咁鹹。總結，睇見5至6個服務員/經理有一個服務好一點，其他，菜式普通，2百一個人-自己諗
continue reading
嚟過食四次，三次都遇問題，冇下次機會了。一次熱水壺有隻半個拳頭大嘅曱甴；一次4成食物未食完就趕我哋走，全場熄燈又熄冷氣，趕時間落場你哋唔好接客喇，出餐又唔係快，啲嘢嚟曬就要我哋走；今日再去飲早茶，嚟個流沙包得手指尾咁少嘅餡，好聲好氣同你哋侍應講下笑講入面冇餡嘅，你哋就當我西客show都唔show，三個包三個都冇餡，不如你俾饅頭我喇，仲要老馮喺我背脊話「啲流沙包係唔靚㗎喇」。唔係r你著數要你賠錢退貨又剩，淨係想要句唔好意思就算，有事搵班呀嬸直頭當睇唔到，老馮俾佢哋西咁。
continue reading
首先，我哋一早為咗食中秋飯而訂位。一嚟到，我哋一家total七個人，安排咗一個3-4人位（最盡淨係擺兩三個餸就已經冇位。陸續上咗四個餸之後（我哋訂嗰個set係有9個餸）就冇再上菜，隔咗半個鐘、我屋企人問咗3次、問到第四次、要動晒火、真係等到嬲，先一次過上晒淨低嘅5個餸，夾硬將將細枱塞爆。第一次嚟食，體驗感已經極差。第二，我哋一早訂咗餐，但今日嚟到間店 上咗菜先話廚房整唔切、今日太多單、即刻轉其他嘢食。同佢哋講：我哋提早訂都食唔到, 咁我哋book嚟做咩, 一開始嚟到未開枱嘅時候又唔講, 係都要等到上咗菜 要我哋問你哋先講。仲有，班員工嘅態度一個差過一個，一副事不關己、「我哋就係冇 你吹咩」、「有得食你就食」嘅樣，見到都把幾火，嚟食個中秋飯，食到好似嚟受氣咁，想同佢哋講多幾句、佢哋又當自己忙到要死、嗱嗱臨走咗去。想加水、換碟、收盤，全部都要我哋舉好耐 舉好多次手先有人理。宜家係我哋比錢嚟食你嘢，你哋冇服務好我哋之餘，仲要擺出一副好唔耐煩嘅樣（好記得有個頭髮橙橙 啡啡地色嘅女人，係佢哋30分鐘冇上菜 我地要發火嘅時候，講：得啦！得啦！同你去廚房催下啦！）全程一句唔好意思、對唔住、帶有歉意嘅說話都冇。我哋即時同你哋講冇上菜、同埋因為係3-4人檯, 所以要加位 加凳，但你哋都完全冇第一時間聽入耳同埋有改善，重覆好幾次先會做。真係好失望，好嬲，但都只能同自己講下次唔會再嚟，所以快啲食完快啲走。但食完真係越諗越嬲，比晒錢 訂晒位，諗住中秋開開心心食個飯，但最後搞到係食受氣飯，主要係有老人家，本身想陪佢哋食飯，但都係食得咁唔開心，真係好想問呢間嘢嘅服務態度究竟係咩事？真心唔會再去第二次。但如果想食受氣飯，咁你哋就去食啦😌
continue reading
星期日做個孝順仔，通常同老竇去旺角飲下茶多，通常都去稻香利苑….但到今次試吓呢一間，感覺上幾好唔會太迫又唔會太嘈，入去都有位唔駛等，但都坐左八九成人，野食質素都唔算太差，都多選擇多源化，我哋叫左五碟點心….蝦餃幾好食，蝦大隻豬肉唔肥，鳳爪入味，特別有個綠茶芝麻餅又幾好食，波菜餃大大粒口感唔錯….. 我哋由1:00點坐到4:00號都ok , staff 姐姐4:15 先叫我地埋單先….點心質素同一般酒樓差唔多啦，如果星期天飲下茶又喺旺角可以試吓….
continue reading
今日黃色暴雨 諗住是但落樓下飲茶行行吓，見到間茶皇殿堂就諗住去試一上到去有一個女經理已經好快幫我哋帶枱安排座位點知一望個餐單 嚇一嚇喺旺角區嘅酒樓 價錢竟然咁平特別要講吓有個叉燒懶 只係要$23 燒味舖都做唔到咁平另外仲有個叉燒腸特別推介皮薄 口感嫩滑 料足Total嗌咗五樣嘢食燒鵝瀨 叉燒腸 蝦餃王 灌湯餃 虎皮尖椒埋單竟然$200都吾洗計埋茶位加一都係180$服務態度都幾好 環境乾淨 下次可以再encore👍🏻👍🏻
continue reading
You may be interested in