維記咖啡粉麵

Open Now

Now Closed

一直都知道維記咖啡粉麵嘅豬潤麵好出名。由於本人不愛內臟，所以並對本人並冇太大影響力。不過，最近啱啱見到節目推介維記嘅加央西多士。今日趁住反正都要嚟九龍區，就順便到此一試。又唸到，既然一場來到，就試埋鼎鼎大名嘅面。先上的是加央西多士。剛煎好的蛋麵包夾著加央果然是絕配。美中不足嘅係麵包煎得不夠喉，少咗蛋的香味。話說本人不吃內臟，只好嗌煎雙蛋來代替，本希望可以嚐到湯地究竟係咩味道。點知，湯底就係豬潤湯嘅味。唉... 只怪我不識欣賞，最弊係仲嚟咗一大碗，我逼自己食半碗，剩低半碗。罪過罪過⋯⋯茶走有水準，夠熱又夠大杯。

星期六到深水埗買嘢，咁啱經過維記咖啡粉麵竟然冇人排隊，立即衝入去食返碗豬潤麵先！ 我好少到深水埗，聽朋友講維記咖啡粉麵經常都排長龍，心諗雖然店鋪裝修簡陋，但都吸引咁多客人一定有佢可取之處！咖央多士 ～ 多士面層佈滿又香又甜的咖央， 香港都比較少地方食到咖央多士，所以嚟到一定要試下！茶走～ 茶香奶濃，甜度適中，好好飲！豬潤麵 ～ 湯底有陣陣的豬潤香味配上老薑，熱辣辣好暖胃。 豬潤的生熟程度做得剛剛好， 不會太硬， 口感又爽又鮮軟。牛蛋麵 ～ 這一款的湯底都是一樣的好飲， 牛肉入口嫩滑， 第一次食已經愛上。小店出名是有原因的，湯底真材實料，豬潤和牛肉烹調的手法控制得剛剛好，價錢平民化， 第一次試過之後已經愛上了！下次經過深水埗我一定會再嚟啊！

從星洲回來已經兩星期還是念念不忘當地的咖央醬同埋多士奶茶諗諗下心動不如行動 睇下邊到最快有得食丫?!其實香港餐廳有咖央既唔多 好食既更加係少之有少 始終唔係本土出品都硬係差少少最終去左維記食佢個咖央多士唔要西多原因又熱氣又無晒味 一味得個甜要杯茶走 飛沙走奶但加煉奶 嘻嘻正常既茶味 幸好個茶膽沖得比較濃唔會太淡味煉奶多少在乎飲個個 就我而言我覺得岩岩好喇若果係星洲茶葉既話真係更加適合 香港奶茶都係用花奶夾啲始終用既茶葉唔同 味道都唔同 不過就無苦澀味 入口順滑溫暖雖然熱天時 但呢杯奶茶都好岩飲咖央多士睇個樣就知過左火位 燶左面 多士比較乾身 燶左有苦味 而佢個咖央醬傳聞係用雞蛋鴨蛋加椰自己調教蛋味其實好出 我相信係鴨既威力令蛋味更濃郁不過我比較鍾意椰味較重既咖央多啲!!!而且呢個唔係星加牛油夾層個種風味 以價論物當然無得咁咀雕啦!!! 等我搵下香港其他地道小店既咖央先!!!!

維記 我相信好多人食過或者排過隊我為左避免排隊既煩惱同埋我唔係食豬潤麵既關係 我會戰略性地食早餐雖然都多人食 但一定有位之如 服務都會相對地好一早黎到 飲返杯茶走 醒一醒神 （港式咖啡不是我杯茶）平時跟餐揀檸水要比錢我會揀返奶茶 當然啦 我唔係間間奶茶都飲 起碼佢要係有返咁上下質素既我先ok雖然維記既並唔係最正宗（即係純茶加煉奶）但質素都唔算太差 唔會太甜 而且個茶都唔會苦澀 入口都係順喉有茶香味黎到維記我唔係食佢個奮者膶麵而係食佢個全蛋麵同個用豬膶煮成既湯底 無味精 但個味道已經夠晒 唔洗再加鹽加醋不過佢個全蛋麵無之前食既咁彈牙 林左同份量都好似少左出左名之後其實都貴左 感覺係開始食老本 無留意質素幸好餐肉有三塊 但多謝33蚊 餐蛋麵 唔知食完今次 仲有無下次呢......