維記咖啡粉麵

Open Now

Now Closed

位置深水埗豬膶麵，深水埗排隊店，同朋友叫左一碗嚟食，再叫多份咖央西多，店內環境坐嘅位置不多，但大家都是密密食完就離開，所以都不用等好耐，豬膶麵的豬膶好重薑味，豬膶大件，食落唔會有內臟腥味咖央西多唔算大件，但加埋糖漿味道很好

離開咗深水埗一段時間，再次食佢嘅豬膶麵真係震撼到我。冇諗過會變得咁難食，豬膶又老又柴，食落冇味，湯亦冇晒啲豬膶泡泡。唯一可取，係夠熱！為咗減低我因為食咗劣食而引發嘅憤怒，我加左件加央多，希望可以平衡味蕾，好彩冇浪費呢$16，佢療癒咗我，冇即場反枱。隔離枱有對銀髮族夫婦，嗌咗豬膶麵同牛肉麵，佢哋都話豬膶好老、咬唔到。伯伯想叫店家換，但婆婆制止佢，話食唔到就由佢，最多以後唔幫襯。冷靜落嚟，回想剛才嗰碗豬膶麵其實並唔係咁難食，只係佢唔再係維記豬膶麵嘅味道，佢只係一碗將貨就價，用唔新鮮豬膶做嘅麵，我剛才嘅憤怒只係恨鐵不成鋼，只要放下對維記豬膶麵嘅感情，就唔會影響到我情緒。香港飲食業萬歲！

個湯溝水溝到稀過滾水 已經食通粉 都係冇味越嚟越難食 越做越hea專程黎食一定失望而回以前唔係咁的以前每次黎都好期待希望老闆可以用心少少個湯真係冇味 唔好再令專程黎既人失望奶茶都好飲 加映西多都好食 係粉麵越嚟越差

真係好耐好耐冇幫襯但佢一直都喺我個list今日終於有機會經過，本身已有d飽都格硬食，最期待嘅咖咉西多。但換來嘅係勁失望同決定可以將佢從list剔走。記得以前食，個咖咉冇咁淡色。而我叫西多，就expect係西多，唔係多士囉。佢直程就咁，搽醬，痴埋兩塊包，煎蛋，放包入蛋，就上碟。莫講話金黃，係小小黃都冇。由一間變兩間再變3間，誠意就逐間咁減。咁算啦，以後唔洗再掛住你。

深水埗豬潤麵獨步江湖今日食咗豬潤麵，呢個係我試過咁多地方，始終都覺得深水埗最啱我口味。佢哋嘅豬潤麵湯底濃郁，豬肉潤滑多汁，令人食完仲想再來一碗。配料方面，豬肉片煮得恰到好處，加埋啲青菜同麵條，一碗麵下肚，暖和又滿足。而且喺深水埗食豬潤麵，環境無改變，有特色，唔會覺得唔舒服。食完飯心情都好好。總括黎講，深水埗嘅豬潤麵真係獨步江湖，唔會令人失望。如果你鐘意豬潤麵嘅話，真係要嚟深水埗試下啦，絕對值得一試！ 唔飽仲有可以過對面掃街

維記咖啡粉麵💁🏻‍♀️地址：深水埗福榮街62 & 66號地舖 / 北河街165-167號地下D號舖唔知大家會唔會同我一樣有個習慣就係每逢星期日朝早都會一大早起身食個靚早餐🍳靚早餐，靚心情🫶🏻老字號：潤牛麵湯底以豬潤為湯底，由細食到大食咗咁多年都係依然味道鮮甜👍🏻但唯獨是豬潤冇左之前咁滑身，最值得一讚係牛肉一樣唔係淋身個種☺️冇落任何梳打粉醃製過#潤牛麵 #豬膶麵 #foodie #香港美食 #香港好去處 #老字號

去深水埗行街街，想食竹昇牛腩豬手麵，車仔麵，清湯牛腩麵，但又心思想起這店，去吧！三間連繼舖，去咗中間果間，感覺大D😅 剛巧有驟雨，人不多不用等。豬膶牛肉麵+凍奶茶少甜少冰。食物好快就上枱了，熱辣辣，豬膶煮得剛剛好，份量好多及好爽，牛肉若多番一D更頂瓜瓜。奶茶ok。入來的客人主食都必點豬膶或豬膶牛，甚至加多份三文治添。剛好遇上有抄牌，員工提食客，貼心。有些食客是常客，會互相問候及與員工有講有笑。老店又好味的買少見少，但願下次再光臨時，水準依舊，加油努力💪

雖然好耐之前已經聽過維記呢間茶餐廳，連韓國名廚白鍾元都有推介過，但身為local去到呢家先走去試餐潤麵其實平時好少專登食豬潤，但呢度嘅豬潤真係好新鮮，而且可能因為加左薑絲熬製，食落一啲腥味都無，好爽滑，加埋午餐肉係無得輸 ！本身湯底已經幾鮮，但鍾意食辣嘅朋友亦都可以加幾滴呢度嘅辣椒油，同湯底好夾好惹味。咖央多另一個好多人叫嘅必食單品，多士煎到金黃色，外脆內軟十分香口，配埋咖央醬鹹甜適中，令人忍唔住一啖接一啖。

早幾年見到好多人排隊入咗去試覺得唔好食但今次我老公話想食所以我入咗去同佢嗌咗一人一碗豬膶麵比起我早幾年過嚟食過一次今次好好食👍🏻👍🏻湯底好濃豬潤唔會好大嚿

聽聞這間出名豬膶麫，就入去點了豬膶米粉和牛肉米粉。點解不選麫？夏天又想食清淡啲。☀️賣相就如圖...一般，還有不少嘌呤在湯上飄飄下。米粉和肉的分量幾多。其實喝起來湯味道比視覺清澈不少，而且煮出豬膶和牛肉的味道。覺得似屋企婆婆住麫的味道，外表可能粗糙點，但味道感覺經典温暖。豬膶和牛肉口感軟嫩無腥味。豬膶米粉有配薑粒😊，但另一碗(牛肉)沒有，有少少可惜。食完頗滿足，但如果粉麫有加少少菜就更加完美啦～ 最後飲杯凍檸茶

我在深水埗區居住了25年，當年第一次食維記因為朋友話出名，又真係好多人排隊，試過一次發誓無下次，豬潤鞋十十又無味，話好食果啲人真係未食過好食既豬潤，最近幾年見到少左人排隊，無以前咁誇張。估計係識食左

一食豬潤麵就會諗起呢間老字號-維記❤️佢係深水埗有幾個鋪位，每個都好full經常要等位，今日去開深水埗行完玩具街想食個tea就諗起佢啦！好彩過咗lunch hour可以即刻入去，好快就叫咗佢哋嘅招牌豬潤牛意粉🔥 先飲下佢個湯底，同之前一樣係好鮮甜嘅豬潤味，味道唔會腥因為落咗好多薑闢走啲腥味好好飲！而牛肉唔係個啲醃製牛，完全唔係嗰啲好淋嘅質地值得一讚👍 豬潤我就覺得比之前差咗，印象中係好爽口但係今次有啲硬🫠我仲叫咗杯凍奶茶茶底好飲👍

店內舊式茶記裝修，餐牌沒有花巧，只係賣不同配搭的粉麵及三文治多士，黎左呢間食豬潤麵，食過好多次，真係會上癮😂😂雖然黎親呢到都係咁多人要排隊，但係鐘意食既唔介意，黎食緊係會叫豬潤麵啦！🤤出名快靚正，豬潤爽口，唔腥，無渣的，開頭望落以為份量都好少，其實份量都好多，啲湯底好清吾會太油，仲可以飲下，味道真係一級棒👍👍🍴豬膶牛肉麵 $35📌維記咖啡粉麵🍽️深水埗福榮街62 & 66號地舖 / 北河街165-167號地下D號舖

高蛋白之選，牛肉豬膶米粉每次喺深水埗唔知食咩 都會諗起維記，唔係個咖央多吸引我因為出街想食得清啲，又高蛋白嘅選擇真係唔多呢間都開咗咁耐，上次無意中經過想再食豬膶發現佢雖然而家咁出名，每次週末都勁座無虛席但係份量都仲好足料！！！（可能食開坊間米線舖餸既份量同佢相比🤣）一個女仔食啲牛肉同豬膶冇諗過份量咁多好似食極都食唔晒咁🫶🏻🫶🏻除咗份量，招牌豬潤夠晒滑一啲都唔鞋牛肉都唔錯

很久沒吃豬潤麵啦！專注做豬潤麵的不多；專注做豬潤麵的而好吃的更少！雖然還沒有找到心目中最好吃的豬潤麵，不過心癮還是有地方可以醫治，所以就來到深水埗吃一碗止癮豬潤通 $36咖央多士 $15凍奶茶 $15幾乎是每次來到這裡的必吃組合，除豬潤外還有其他食材如牛肉、雞蛋、餐肉、火腿等可以選擇，不過最具人氣的當然是豬潤吧！這次選了豬潤配通粉，比起公仔麵來得更掛湯更入味，對愛喝這碗帶薑米香味湯頭的朋友應該是不二之選；可惜我是一個不愛吃薑的人，每次吃豬潤麵都要求店家幫忙不加入薑片，由於這店準備的湯頭是加入薑米粒一同烹煮故無法去除，薑味濃郁也辟走豬潤的血腥味，所以就只能當暖身吧！豬膶新鮮爽脆，份量多，惟不太喜歡這店將豬潤片切得太薄，雖然容易熟透不過口感就差一點至於咖央多士同樣是店家的人氣食品，不過論受歡迎程度咖央西多士會更厲害（也更肥），實在是各有捧場客～ 滿滿的咖央醬塗在烘得鬆軟還帶暖和的麵包上，椰香跟斑蘭香俱備，香甜可口叫人要怎樣抗拒呢？再以一杯不加糖的凍奶茶用作中平衡兩款美食的味道，這個comfort food配搭相信也是跟不少到訪的客人一樣啊！店家對很多香港朋友來說絕不陌生，由1957年開業至