霸王川莊 (Closed)

係商場想食四川辣野，就諗起呢間以前好好食嘅水煮魚，但以家就...水煮魚 $228 | 份量有啲似雲南米線咁，兩個人食都啱啱好。叫左個湯之後，可以自選 4 個餸或者加錢再加配料，我地叫左娃娃菜/薯粉/芝士腸/凍豆腐，全部都索曬辣汁食好好味～薯粉，好彈好煙韌！而湯入面本身有魚片，但肉質較鞋身，亦都無乜彈性，有啲似係煲湯到浸咗一段時間嘅魚咁。但當佢係酸辣粉咁食，都OK嘅，但唔太抵。辣度叫左小辣，感覺無以前咁辣同濃味。如果怕辣嘅朋友，可以叫BB辣/酸菜魚。香酥羊肉 $138 |呢個小菜反而好出色，羊肉香而不羶，而且個種炸到酥酥地而唔係硬的炸粉，口感不硬羊肉又香軟，仲有孜然味係入面～推介！茶 $12/位 |都有啲貴，但都幾清香，而且有杞子等藥材，好似幾補咁。最後埋單兩個人食左 500 幾蚊，唔係好抵。

雖然今個冬天真係唔算凍，但係落雨同友人又無帶遮，淋完變左兩隻落湯雞都想食d 辣野暖下身呢間餐廳友人之前食過，佢話念念不忘想encore，咁就encore啦～繁忙時間每檯限時90 分鐘上圖係毎位都會有既茶，茶錢$11。呢杯茶好多料，除左茶葉，仲有龍眼、杞子同有d 好似炒米咁既野（？）飲落除左茶味仲有甜味，$11 茶錢都叫俾得鋸。因為呢杯茶係其他地方係飲唔到既。而且茶既味道都唔錯。但當然都係個人口味啦，鐘意飲傳統中茶既就可能接受唔到呢度除左大brand 既啤酒仲有d 未見過既啤酒，所以我同友人都叫左一杯黎飲呢杯啤酒叫another one，酒精好低只有3.3%，$63有500ml，價錢唔貴首先要講既係啤酒既温度，因為呢杯啤酒係冰涼，但唔係雪到凍既啤酒。啤酒serve 既時候都唔會凍到杯面有層水汽飲開啤酒既人應該都會不滿呢個酒度都好意思serve俾客但係呢隻啤酒既味道同飲開既大brand 係唔同，唔苦（或者可以話唔甘），菓香濃，同埋味道有d 酸酸地飲落去係唔似啤酒雪到好凍一大啖飲落去個種「爽」既感覺，相反我覺得似一杯飲品多d 泡打到好綿，飲落口唔會好似飲空氣，d 泡都已經飲到呢杯酒既香氣係呢

YOHO裝修好都一段時間，次次黎到都要等，見今日終於唔洗等，太好啦！之前食過中環個間都正，所以一開始知道元朗有開好想試下會唔會唔同。茶。入邊紅棗菊花杞子，甜茶解辣一流～小食。糖醋排骨。白紗糖入面有焦糖脆脆。好味！仲有中環的細心製作。小食。水晶粉皮。一開始以為佢＄18好細碟，點知又幾大碟，所以依碟既價錢印象最深刻小食。紅油抄手。唔錯！個saucing好好味 主食。霸王炒飯。無乜特別又唔係好差主食。水煮魚。配菜係我最愛的薯粉，雞髀菇，牛柏葉，牛肚。魚有好多塊，辣味岩岩好，薯粉入哂味好好味呀！其他配菜就唔夠淋有啲硬但魚同薯粉塔救正呀～～～～～新開黎講唔錯除左大部分waiter/waitress都好似遊魂咁，叫又無乜反應，又無笑容，又hea下hea下Anyway我都會返黎再試下其他野