霸王川莊 (Closed)

係商場想食四川辣野，就諗起呢間以前好好食嘅水煮魚，但以家就...水煮魚 $228 | 份量有啲似雲南米線咁，兩個人食都啱啱好。叫左個湯之後，可以自選 4 個餸或者加錢再加配料，我地叫左娃娃菜/薯粉/芝士腸/凍豆腐，全部都索曬辣汁食好好味～薯粉，好彈好煙韌！而湯入面本身有魚片，但肉質較鞋身，亦都無乜彈性，有啲似係煲湯到浸咗一段時間嘅魚咁。但當佢係酸辣粉咁食，都OK嘅，但唔太抵。辣度叫左小辣，感覺無以前咁辣同濃味。如果怕辣嘅朋友，可以叫BB辣/酸菜魚。香酥羊肉 $138 |呢個小菜反而好出色，羊肉香而不羶，而且個種炸到酥酥地而唔係硬的炸粉，口感不硬羊肉又香軟，仲有孜然味係入面～推介！茶 $12/位 |都有啲貴，但都幾清香，而且有杞子等藥材，好似幾補咁。最後埋單兩個人食左 500 幾蚊，唔係好抵。