荳子冰室 (上水中心)

Open Now

Now Closed

黎到冰室點可以唔食包🤤要睇下冰室嘅質素，就一定要食佢地個菠蘿油！充滿住滿滿儀式感嘅菠蘿油，塊凍牛油係用乾冰嘅加持另上🤣一個切開咗嘅菠蘿包放喺旁邊，自己將塊牛油夾入去個包到！-菠蘿樣好酥脆，一咬落去，厚厚嘅牛油香味濃厚，塊牛油慢慢再喺口入面溶，口感一流👍🏻👍🏻-芝士煙肉曲薯😍勁鍾意食香口野嘅我，真係好興奮！薯條係辣鮮熱辣辣岩岩炸起，芝士喺面到溶哂，配埋一齊好夾好好食！🤤-鮮茄焗豬扒飯👍🏻👍🏻👍🏻👍🏻👍🏻好巨型嘅豬扒，配埋好多好多好多嘅茄醬，加埋上面好厚嘅焗溶嘅芝士，簡直係絕配！每一啖飯都係充斥住醬汁同豬扒，成個飯冇一啖係淨係食飯🤣好正！俾滿分💯

次次行過都排長龍🙈難得今日見到唔係太多人，咁就排隊入去試吓啦😊入邊都幾大，環境唔錯，坐得舒適，仲會播住啲懷舊歌🕺🏼🕺🏼都幾有feel!我地兩個人叫咗一個什扒餐加咗酥皮龍蝦湯，吉列豬扒鮮茄意粉🍝仲加咗個菠蘿油添🤩🤩事關喺門口排隊見到超多人排隊買麵包🥯咁就試一試佢啦😋既然係咁就講吓個菠蘿油先啦！超級驚喜🤣🤣拎到黎出晒煙咁，好有睇頭🤩🤩包係軟身既，個皮就脆既，至於個牛油呢，出住煙咁黎成塊硬身既，朋友話正，但我個人就接受唔到咁大舊囉🙈🙈🙈整體來講個菠蘿油係好食嘅👍🏽👍🏽什扒餐加酥皮龍蝦湯什扒餐好抵食，大大份，鐵板上，熱辣辣，有牛扒，豬扒，雞扒，腸仔，煙肉，粟米，薯條，味道到正常，個蒜蓉汁好食😋吉列豬扒鮮茄意粉🍝吉列豬扒鬆脆，唔太乾，意粉偏硬，直頭好似有少少未熟嘅感覺，撈意粉食嘅鮮茄肉醬好味😋但吉列豬扒底下嗰個茄汁就偏酸😵‍💫如果唔鍾意食硬意粉就千萬唔好叫🙈🙈🙈整體來講感覺唔錯，如果唔使排隊都可以一試😊😊