海安咖啡室 (Closed)

今日去開上環，就決定去食呢間歷史悠久嘅咖啡室。一去到，職員好好人幫我哋先探熱，用酒精抹左手先坐低。坐低之後我哋睇左下餐牌，就揀左一個鍋仔米粉，同一個A餐，有菠蘿油同叉燒米粉。A餐餐飲我哋加錢要左個凍紅豆冰。個菠蘿油就上枱先，入面仲好熱辣辣，而且個牛油係茶好左嘅，而唔係成塊夾入去，呢個我好欣賞。而個鍋仔米粉入而乜都有，同埋用鍋仔裝住，大大份又好香又好食。而A餐個米粉同紅豆冰都出奇不意咁好食，又大份。最後我哋都好口痕叫左一粒細粒嘅西多士嚟。其實一粒都唔細，不過加牛油同糖漿就會超好食！我強烈推薦俾大家架！

兩點幾三點黎到呢度！其實都無分下午茶，全張菜單只有早餐同常餐啫。其餘都係散叫。今日朋友衝住菠蘿油黎的！我本人都喜歡，但我就叫左個常餐A. 包括菠蘿油，一碗米粉（配一個餸）同埋野飲！朋友叫既菠蘿油，專登叫姐姐牛油分開上！我唔知點解，但聽佢地既對答實在太搞笑喇！因為姐姐問朋友，個包洗唔洗熱既！講真，黎到既時候，唔知係咪我舊牛油開始溶，所以覺得朋友果舊厚d. （我無叫牛油分開上）所以無左果種咬落去可以𡁻牛油既感覺。野飲方面我叫左杏仁霜。沖得好平均。有時d 餐廳會太多杏仁粉搞到好杰，又或者太多奶，搞到好似飲奶咁。而呢間好平均，滑溜！米粉方面我㨂左午餐肉。有半厘米厚、而且有兩塊！即刻覺得好抵！厚身仲有肉絲響中間，煎香得黎無燶。除左個粉多左麻油味之外。真係可以食多碗。常餐只係40蚊，飲杏仁霜要加3蚊！其間聽到隔離叫叉燒撈麵，姐姐話無叉燒，叫佢轉雞亦。結果見到既係四大隻雞亦加魯水蛋。下次可奬試呢個。

平日去開上環做野，見有時間就行去海安，十一點，過左早餐時間無乜人，就食小小野。。。暖暖菠蘿包+冰冰厚牛油，無得輸！食完飲番杯唔加糖嘅熱奶茶，好味嘅早餐就係咁完成左

周末要早到上環，落車經過海安咖啡廳，於事一試。門面和室內裝潢懷舊味十足，或能贏得食慣連鎖快餐店者的好感。早餐點了菠蘿油餐和窩仔公司麵。菠蘿油有點失望，因為感覺該店自家新鮮製造，但味道不太突出，菠蘿皮亦不特別香脆。另外還有公司麵，坦白講和圖片實有點不同，但味道仍可接受，性價比就見人見智。小弟一鍋麵加一杯凍啡盛惠60。茶記中產化已經是香港近年的現象，在上環地段落腳，皮費貴亦不難想像。小弟非常支持舊式小店，所以希望類似這樣有特式既餐廳能夠持續營運，給香港都市人多一個選擇。希望餐廳可以給更多驚喜，令更多人持續支持！

今日同男友去嘆早餐, 每次車經過呢度既時候都好想去試, 外面睇佢個LOOK好似七八十年代既咖啡室, 依家香港地真係買少見少架! 一入到黎, 裡面都係好懷舊, 仲人山人海添, 坐就坐得唔太舒服架啦, 不過呢度都係預你食完就走.男友知我鐘意食菠蘿油, 佢試過話呢度既好正, 強烈推介. 食落真係WOW! 個皮好脆, 個包新鮮又暖笠笠, 牛油你放幾多悉隨尊便, 我地當然放哂全舊啦! 好甘香, 好好味呀!熱奶茶, 男友叫左個茶走, 即係用煉奶去沖, 好香滑!鍋仔公司麵 , 齋係個賣相都好得, 呢度係用褔字麵, 簡真係童年回憶, 一來人大左好少食呢D即食麵, 二來食都係食公仔麵既多, 還記得以前係會整碎包褔字麵再加味粉當SNACK食! 佢D配料都好好味, 當中個鴨胸最正! 鮮味爽口仲夠大件, 好得!呢個係男友熱烈推介, 香葱醉牛炒蛋厚多士, 呢度仲有提供即磨黑椒比你, 好體貼, 個蛋炒得好香好滑, 再加埋個香葱, 加埋個黑椒吊一吊味, 好得, 不過個醉牛個味相對個味就被搶了我地仲未夠喉, 叫左個西多士, 我要比佢兩個WOW! 西多士一向都係我既至愛, 呢個西多士唔單止係厚咁簡單, 佢中間仲分幾層分

今日第一次去海安, 同事帶路, 下午2點半後食客少D, 有卡位坐但係因為太晏, 所以义燒同豉油皇雞亦都賣晒! 於是叫咗香蔥碎牛炒蛋厚多士 $18茶餐A - 菠蘿油+腸仔麵+熱奶茶 $28撈麵餐- 薑蔥香油撈麵配司華力腸+凍奶茶 $32 + $2 凍飲我同同事食咗之後, 最like佢個碎牛多士同個撈麵; 如果個撈麵多D菜就更好! 撈麵可配义燒, 司華力腸或煙鴨胸; 不過奶茶唔夠滑及較淡, 最後太飽食唔落個菠蘿油要帶走; 另外見隔離枱個餐肉抄旦餐包都OK, D旦唔係太熟, 唔似有D老茶抄旦抄到老過塊午餐肉. 其間同女職員閒聊, 佢話义燒每日限量, 好快賣晒, 下次要早D嚟! 另外佢話星期六限量蕃茄湯底用鮮蕃茄煲, 試過有客人自己帶壺來齋買湯, 有機會都要試吓!下次再嚟的話我會試紅豆冰, 因為見個餐牌有幾種口味如咖啡, 鴛鴦, 奶茶等! 女職員話佢哋自己買咗部刨冰機刨冰, 另外佢哋唔用雪糕係因為雪糕易融易壞.