泰農菜館 (Closed)

話說朋友想出黎相聚，咁我地有大人有小朋友，加加埋埋都成十個人，要諗去邊食都好苦惱。突然其中一名朋友話有呢間泰國菜嘅7折coupon, 咁就一訴去試下啦，張7折當然係正價先有優惠。泰式無骨鳳爪：唔太辣，亦唔夠入味，好淡。冬蔭功湯：我地叫左個大嘅，湯嘅辣度就夠啦，但香茅味唔夠，入面有大蝦。菠蘿炒飯：唔知點解上面會有炒蝦球，菠蘿粒好少，但都炒得唔油，不過味道偏咸。蠔餅：第一次係泰國菜館食蠔餅，佢又整得好香脆，可以算係全晚最好味嘅，蠔仔好大粒，亦都足料，又唔會腥。冬菇炒椰芯：椰芯嘅感覺就好似食梗荀咁，但好清甜，幾好味。麵包咖哩蝦：我第一次見咁細衯咖哩，係出要茶餐廳碗例湯咁細碗.....咁就7十蚊了....仲要咖哩唔香，冇咖哩味亦唔辣，失望。濕炒海鮮河：河粉得好少，但算好食，起碼海鮮唔係急凍。馬拉盞炒貴妃苗：馬拉盞唔夠味，好淡.....蝦多士：炸到好燶........亦都好少蝦.......我地仲另外叫左幾杯飲品，同幾支啤酒，埋單每人150蚊，平就算平但份量同味道真係唔多好，我諗如果唔係有7折都未必會黎食，埋單黎佢又送多張7折黎，但未必會用到了....

早前購買了團購, 所以就約了女友家人共六人一齊到此泰菜館味嚐泰菜, book晚上7:30pm,但本人遲了15分鐘到達, 等一張枱, 大約等候十五分鐘就能入座等候期間, 門口接待員幾好傾, 就同佢傾多兩句, 覺得佢似係老闆, 就問佢當晚有咩好介紹,費事哂時間自己諗 , 斷估佢唔會打爛自己招牌掛~ 佢就話燒魚好食, 好~ 一陣就同女友家人推介呢味拉入到去, 岩岩好比張六人枱我地, 同其他枱的間隔空間不大, 所以會有點迫, 點選了以下菜式1) 咖喱炒蟹 $188 + 兩客蒜蓉飽$44 + 香酥餅$11本想點爆炸辣蟹, 但知道女友父母較愛吃咖喱, 所以就選了這個來做晚飯的主菜,蟹約一斤重, 肉地唔錯, 但敗筆在咖喱方面, 雖然有少少辣, 個汁唔香外, 亦沾不上蟹的鮮味好失望, 但為免浪費, 也額外點了香酥餅及蒜蓉飽沾來吃, 2) 泰式明爐蒸魚 $148第一次食明爐蒸魚, 唔錯唔錯, 因為有火燒住, 所以可以維持熱吃, 魚上枱時間剛剛好, 肉質唔鞋,沾些泰式辣醬, 更覺惹味, 加上女友愛吃烏頭, 所以都好滿意, 3) 泰式炒金邊粉 $48普通size, 唔算好大碟, 配料有蝦、雞蛋、芽菜、蒽、

今日差唔多夜晚 11 點落到九龍城我同老公都想食泰國野,搵左幾間都唔岩心水之後黎到泰農門口, 記得上次食過都ok 咖於是就入左去,個時都冇乜客喇點左蒜茸包,菠蘿炒飯,串燒沙嗲,生菜包(牛肉)同一杯珍多冰蒜茸包 : 冇乜蒜茸味,唔好食菠蘿炒飯 : 唔錯, 不過冇乜菠蘿串燒沙嗲 : 個沙嗲醬就唔錯喇, 不過d 肉就麻麻地, 唔夠嫩生菜包(牛肉) : d 菜同d 肉擺埋一齊, 攪到d 菜濕哂, 唔可以用手食珍多冰 : 麻麻地, 椰汁味唔夠我地係最後一枱客, 佢地都好有耐性等埋我地收工但係 d 野食就好唔得, 以後都唔會再黎...