JK Kitchen (Closed)

銅鑼灣一路向係美食集中地。其實除咗地舖之外，樓上舖亦都有好多選擇。今日趁住公司唔係好多嘢做就去享受一個long lunch食越南菜。 呢間餐廳位於登龍街，我哋喺銅鑼灣地鐵站出發，行咗唔使十分鐘就到。餐廳裝修好有特色，門口佈置到好似一個歐洲花園，有一道道藍色小窗。旁邊亦都擺咗當日嘅廚師推介。可能時間尚早，我哋入到去嘅時候餐廳唔係好多人。餐廳入面嘅佈置簡單，感覺舒服。枱與枱之間有足夠空間，唔會有擠逼感。我哋一行兩人點兩個午餐 1) 菠蘿豬頸肉炒飯(⭐⭐⭐⭐💢): 豬頸肉大件，而且唔會燒得好乾，食落有肉汁。炒飯亦都用料十足，有提子，乾新鮮菠蘿同埋雞柳，絕冇偷工減料。2)越式燒雞飯(⭐⭐⭐⭐💢): 朋友叫嘅燒雞飯亦用了十足，應該有半隻雞嘅份量，包括雞髀同雞翼。味道方面，廚師無特登用好多醃料，咁樣反而更加突顯到雞嘅鮮嫩。當然，如果然唔夠味 可以配薑蔥醬油。3)跟餐熱飲(⭐⭐⭐⭐💢):分別叫咗生薑蜜同埋柚子茶。生薑唔太甜而且有薑味，冬日暖胃之選。相對，朋友嘅柚子蜜就比較甜。總括而言，呢間餐廳嘅午餐都算經濟抵食，而且味道亦都唔錯。係返工一族嘅銅鑼灣午膳之選！

約佐幾個fd去銅鑼灣食飯，朋友帶佐我地去呢間JK Kitchen。裝修ok, 環境唔錯。我地試佐個廚師推介既菠蘿豬頸肉炒飯，好味，炒得夠乾身，一粒一粒飯分開，配料十足，塊豬頸肉仲好香口，有少少脆，唔錯!另外，仲叫佐老闆娘抄米粉，相比豬頸肉炒飯略為遜色，配料切得太大，夾到配料都未夾到米粉，鹹佐少少咁la, 同埋份量比較適合女士。我地仲叫佐個米紙卷同春卷。本來係想食雞翼ga, 但望一望個價錢就打消念頭，4隻雞中翼收八十幾蚊，我諗食完會識飛。除佐沙冰，其他野飲半價。飲品係最差既一樣野。我地叫佐珍珠奶茶，仙草奶茶，香芋奶茶同一杯熱飲。三杯奶茶都唔同味，一杯好甜，一杯無味，一杯比較正常但佢d珍珠係霉霉地既，講真，街邊貢茶做得比佢更好。仲有，不得不提，杯仙草奶茶既仙草係帶有酸味, 食完成餐飯我就胃痛，可能我接受唔到帶有酸味既仙草，應該短時間內唔會再去呢間餐廳。