緣聚 (Moved) New Location

元朗出名多日本野食，每一間都大排長龍。我同老婆都唔想等位，所以經過一間唔駛等太耐位，當然即刻入去醫肚la。 又見佢唔貴$208加1。我地好好彩有梳化位坐。食放題一開始當然要食小小熱食，暖下個胃先。香煎大蝦，巴西牛舌， 黃金燒蠔，蒜片炒金菇牛肉 。呢幾樣味道同賣相都唔算特出。暖咗胃之後就到主角出場。刺身到……三文魚，八爪魚，帶子……每一片都好新鮮，三文魚食落有油香。最緊要係，平時食放題帶子通常都係細碼上，今次係中碼上。叫咗3轉刺身就來返轉壽司。估唔到壽司都好足料。手卷當然唔少得，就來了一個黃金魷魚手卷。有水準，紙菜仲係脆口，魷魚夠鮮味。最後，要試下甜品。

今日尊登入元朗揾食，上OPENRICE望望，決定去緣聚試下個西...日放題。去到門口等左一陣，就有位。一入到去，即刻叫野食，啲刺身一叫就到，快到你唔信。個麻辣一口帆立貝，辣到我HIHI，唔食得辣既咪叫。其他各式刺身壽司都可以一試。另外黃金燒蠔亦是回本菜。呢個價位有這樣質素，真的不妨一試。－－－－－－完－－－－－－

最近，我約了好街坊食飯，因為，現時他在屯門區上班，不想放工後出到港島區那麼遠！ 新界九龍區對大家都方便！  可以考慮一下元朗區，我卻不熟悉元朗區，於是，問另一位朋友有什麼推介？她推介了一間日式西餐廳 <緣聚 Together> 給我！ 他先在屯門接我，然後，揸車入元朗，餐廳位於好順泰大廈，這裡有個停車場，非常方便！ 當我們在星期一晚上 7:30 踏進餐廳時，他告訴我見到黃浩信！  原來黃浩信正是坐在最近門口的一張大桌子！而侍應帶我們入座，這裡比預期大！而且裝潢幾靚，色調柔和優雅！ 西日放題 $208 (9:00 前入座)餐點紙包括：前菜/沙律、食事、西日式類、西日扒類、刺身、飲品、甜品、手卷/卷物、天婦羅/揚物、壽司、串燒/燒物、火鍋配料…等；食物種類多元化！  令人花多眼亂！ 我們在 7:30 入座，落單後，8:00 前已上齊所有食物，相當有效率！  廚房部多啲嚟密啲手！好快手！ 這樣，可提高食客流量，做多幾轉生意！ 梅酒入口略帶梅的酸，酒味不濃重，總算易飲！    前菜：泰式鳳爪一客兩隻，雪白爽口帶嚼勁，辣度刺激味蕾，  也很醒胃！