陸拾六 (Closed)

今日同幾個朋友一齊去北角和富商場對面呢間餐廳試吓，環境唔錯好舒適，入門口有一堆小擺設，我諗應該係打咭位，服務員質素唔錯，都好好笑容，有一位應該係經理，都會同我地傾計，了解下食物嘅質素，態度好好好親切👍🏻服務好好！講下食乜先⋯最緊要食物，我哋叫咗一份原隻春雞扒、一份比目魚、一個厚切豬架，仲有另加一個鵝肝芒果沙沙，當中晚餐包括有蘑菇湯、蒜蓉包同埋嘢飲，食物質素真係唔錯，味道不會太濃，食物份量都好足，可以話勝價比高，下次都會繼續幫襯。

CAFE 66我唔係第一次食啦今次都只係第二次黎呢到食因為見之前好多人排隊所以一放LUNCH就即刻衝黎啦當然唔駛排隊等位就入得啦門口個餐牌雖然我先放呢張相出黎但其實我係走個時先影我係冇睇到呢個餐牌就入咗去入到去一坐底見到個餐牌覺得有啲唔同咁既原來佢一開冇耐 我估應該係見人多所以佢已經改咗餐牌已經加晒價開咗一陣已經加晒價LU本身已經覺得呢間野係唔算平既應該開咗唔夠半年已經加價LU先黎個湯 稀啲但OK可接受既再黎蒜蓉包同上一次味道差唔多 水準一樣既由於見個牛扒貴咗成十蚊貴咗成15% 個名由紐西蘭變咗澳洲所以冇食啦改食呢個鴨胸意粉個汁唔太出汁加上比較稀份量唔多 只能說一般般 但價錢係比較貴跟餐飲變多咗野揀本身好似得咖啡同唔知乜唔駛加錢最後覺得性價比偏低比較下 因為個價加幅大咗好多好可惜

今日北角試新野話說有日路過呢邊食LUNCH 見到有間新開門既餐廳個陣見佢新開 所以都有唔少人排隊所以都冇話即時去試下既 等過幾多日先啦咁今日2月15日 年三十晚返多一陣工就收工啦 要去賀一賀去 所以一放LUNCH即刻衝去呢間食野啦去到等咗幾分鐘入得 好彩我地去得快之後黎到都要等位啦餐廳裝修得都唔錯 幾光猛先黎個餐湯 幾好味之後有個蒜蓉包略嫌唔夠脆口 但都唔錯好味既紐西蘭肉眼扒配紅酒汁佢冇問幾熟既 可能太薄整唔到 不過唔緊要 我係冇所謂既食落個牛都好 個汁同個牛扒幾搭 幾好味 牛咬落都有陣肉味唔錯 我覺得算幾滿意 好味既 價錢都可接受