陸拾六 (Closed)

見戶外餐牌午餐似乎不錯，地方又坐得舒服，所以決定一試。客人很多，只淨下較門的位，侍應很殷勤，點了焗肉醬意粉和餐飲熱咖啡。侍應話因為係即焗，所以要等十分鐘。焗意粉份量不多，但對一個女士來說算足夠，意粉醬味道調得不錯，但失敗位在意粉，在盤底有不少水，令人覺得怪怪的，未食過焗意粉會有水。杯咖啡係茶記一般的咖啡，沒有特別之處。加一後要HK$86.00，頗貴，又冇餐湯，性價比低，打算不會再來了。

不值這個價錢。第一次寫食評就忍唔住寫負評。三文魚堆砌的玫瑰花只有三片。沙律醬汁只是用普通芝麻醬汁，普非醋油，但都$98肉醬意粉的肉醬很乾，稱不上「醬」，意粉白烚，當把肉碎同意粉混和時，食不出茄汁味，芝士不足，沒有香濃味道。說實比連鎖快餐店的意粉還要差，說不上正常味道。唯獨兩杯飲品係比較好。其中一杯加$20轉特飲，焦糖熱朱古力，但只是和暖。這次點餐都算大路西式食物，都感覺唔好，今次第三次惠顧，之前兩次都感覺唔錯，所以選擇繼續惠顧，可惜失望而回，相信不會有第四次。

神石燒超級好食，附近不二之選。尤其佢仲要唔貴，下午茶時段過黎會無乜人，慢慢坐慢慢食。佢神石燒會配飯，你唔夠飽可以添，果啲米仲要係靚米黎另外野飲都幾好，好多料好有誠意。同時，佢地的湯、沙律都係用杯裝比你的。我覺得都幾好，夠方便。可能影相會無咁靚，不過我幾欣賞呢種工業風格近年神石燒香港算係買少見少，呢間係我會向朋友推荐的。真係唔好錯過我食過比較好就係牛，食得出都係比較好既牛肉黎。北角呢頭餐廳其寓競爭都好激烈，係呢個時勢都仲可以做得住，實力可見一班

第一次嚟呢度食lunch，叫咗一份意粉，跟餐有餐湯或者沙律選擇今日嘅餐湯係南瓜湯-德國集肉腸肉醬闊條意粉 $82上菜時賣相睇落好似份量唔多，但係意外地食到2/3嗰陣係會食到有啲滯，食唔晒利申：個人食量偏細食(麥當勞食6件麥樂雞餐會食淨一半薯條)飲品跟餐會有折扣優惠我選擇左加咗$15要咗一杯士多啤梨青檬梳打味道好Fresh，士多啤梨味唔假，感覺似係用果泥，員工話冇額外加糖水，不過整體偏甜，但都好好飲有少少唔太舒服位係 其中一個員工比較奇怪？ 成日上菜都有啲揚黎揚去咁

星期日周圍都好多人，想靜靜地享受個下午茶都係買外賣返屋企慢慢嘆個Tea，開個open rice見到北角陸拾六有下午茶優惠85折，立刻用做App訂餐揀咗珍寶牛肉煎蛋漢堡包伴薯條$48+凍飲檸檬茶$4=$52open rice 4點有優惠碼減$5珍寶牛肉煎蛋漢堡包伴薯條+凍飲檸檬茶，牛肉漢堡整較乾生配熟蛋，包內D汁較少，有點遜色，最好食粗條脆薯仔，份量都幾多，唔會太油整得好好食檸檬茶都算ok，希望下次吃D蛋不要太熟， 有D蛋汁會更好

外賣自取超抵🥹💛-溫泉蛋卡邦尼 -炭燒香蔥芝麻雞扒伴溫泉蛋飯兩樣都真心好足料兼好好食💛性價比超高店舖放咗唔少懷舊既擺設、書籍等等，係新時空感受過去的時空🎞 另外店員好nice 👍🏻👍🏻

今日留在家中煲戲，食厭了即食麵，又唔想住嘢食，上一上open rice 睇下又近仲又早餐提供既餐廳搵到這間陸拾六 北角和富道66號地下/仲要比我拎到早餐優惠可以減$5只需比$28比完錢行去攞嘢食星期日店內坐滿人，堂食早餐價錢$33起，都算抵火腿通心粉(煎蛋x2)午餐肉牛油多士+咖啡見到份量都幾多正火腿通心粉D豬骨湯分開上全部D質數及味道都Okey 食曬都好飽，今日吃得好滿足，期待再發掘其他既抵食又好食的餐

48蚊有齊餐湯(可以選配沙律),主食及餐茶，包得乾淨企理, 温泉蛋迷你盒另上，保持香滑狀態，雞扒配胡麻好夾，葱花香噴噴，飯熱辣辣，味道不錯，10分鐘出到餐，絕對快靚正抵。

趁假期出外搵食 openrice見到有折扣來試下。 鋪頭不算大，牆上畫上日本畫風，有卡位裝修得企理乾淨。 因剛吃了壽司諗住輕食，叫了海鮮忌廉汁意粉，炒得很夠味有水準，意粉和忌廉汁恰到好處， 最驚喜以巴利亞豬肩扒，皮煎香脆但肉質鮮嫩，很好吃，就算迷你薄餅都處理得很好， 所以忍不住加碼叫了鐵板燒羊西冷扒，點了五成熟嚟到約三成再在鐵板熱多一陣熟度啱啱好，味道不錯。 原來呢間店在北角和富道已有五年，大家經過開可以去支持。

每逢星期六又係同小魔怪上興趣班既時間，上晝係北角上完堂食個lunch再返銅鑼灣上另一堂，今次係北角和富道呢間餐廳食埋飯先過銅鑼灣，比門口個兒童餐吸引左，點知原來兒童餐係晚市先有得食，不過佢地既set lunch價錢都幾親民，叫左兩款午市套餐同小魔怪一齊食芝麻雞伴溫泉蛋飯 揀左個芝麻雞扒溫泉蛋飯比小魔怪，雞扒嫩滑多汁，篤穿溫泉蛋將蛋液撈飯真係好好食鮮茄焗吉列豬扒飯 我就叫左個焗吉列豬扒飯，即叫即焗上到枱仲熱辣辣，吉列豬扒厚切，炸到表面酥脆，入面既豬扒都好juicy七彩棉花糖朱古力 (跟餐價$24)見到Menu既圖片已經好吸引，小魔怪見到好興奮，上面鋪滿左彩色既棉花糖，凍朱古力唔會好甜，超正

上次試過乳豬，今晚同好姐妹試佢嘅期間限定海鮮鍋。奶白色嘅濃香魚湯底，無味精，香甜味美，連飲3碗，海鮮菜菇量足料到呢😁值得一試。另外必叫蒜片意粉（上次食過，回味無窮，蒜味香到爆）；仲有西班牙慢煮黑毛豬，橡木果嘅香甜肉味（我平時唔食豬），難以形容咁香。玫瑰咖啡，依舊華麗，每次必叫。我今次叫左泡沫咖啡俾自己。

前菜小食系鷄泡魚亁，香糯大塊抵食，秒殺🥰 西班牙式香烤越南乳豬必食，但要早1日預訂，皮脆肉嫩，天然香料黑胡椒腌制，味道原汁原味唔死咸，唔會有豬騷味，淡淡肉，我本身怕食豬嘅人都覺得好滋味，有驚喜嘅。佢伴碟有沙律燒菠蘿，可以解膩。燒菠蘿黎自台灣，無渣，香甜爆汁。另外叫多個66招牌拼盤，薯條香脆惹味，炸物出色：蝦餅，墨魚餅，海苔魷魚鬚。拼盤都有招牌燒菠蘿及沙律菜。是晚餐湯系忌廉磨菇，食到足料粒粒磨菇，香濃天然又够熱。推介香煎比目魚，皮脆肉嫩，底配自家新鮮薯蓉，配菜豐富。最驚喜系香到不得了嘅傳統蒜片炒意粉，香到幾條街都聞到，意粉軟硬度恰到好處，真系做到al dente，臭覺同味蕾嘅衝擊！正所謂越簡單嘅菜式，要做到好先至真功夫。唔食辣嘅，可叫白汁海鮮意，一樣咁出色，海鮮全部系鮮貨，足料唔系hea你，白汁味道厚杰滿意，唔膩，回頭之選。唔够飽，食多個細細地嘅爆芝足料三文魚薄餅，滿滿芝士，食過返尋味，但份量又唔會過多，啱晒我呢d爲食鬼最後梗系要歎杯玫瑰咖啡，個咖啡未放落枱，已聞到玫瑰花香，咖啡味濃香有緻，但又非常夾，非常唔錯，豆嘅品質好過晒所謂果d連鎖同咖啡名店。甜品窩夫必食，佢烤緊時香濃嘅蛋味牛油香

✨陸拾六 - lunch set ✅適合2-4 人朋友聚會✅ 情侶聚會✅小家庭聚會💬食物 石燒牛柳- 🐮 熱辣辣嘅石板令牛柳上菜時分泌出黎嘅油脂仍在跳彈😍 非常Juicy ! 溫度保持得好好，完成整餐飯，牛牛都仲可以keep 住暖～- 本身已調味，輕口味人士可以切開即食！ 想濃味啲，可點鹽 、 日式燒肉汁- 配飯 / 薯條，小編揀左配薯條🍟 熱辣辣食落飲似係即炸嘅- 跟湯 / 沙律🥗 及 飲品一杯💬環境 - 因為luch time 去，所以都比較多人，都要係門口排左一陣隊！ - 見OpenRice 夜晚可以book 位，大家不妨夜晚先去💬服務態度要比like 👍🏻店員，主動介紹餐牌，亦遞上即棄圍裙，著白色衫去食都唔怕啦🤭

去到北角見到呢間Cafe都幾多好評，不過平日夜晚真係冇乜人，環境都好舒適，店員都好有禮貌好熱情，都會問我哋食物嘅評價同埋點解會搵到佢哋餐廳。夜晚晚市係煮食嘅話就會包沙律或者餐湯，一杯嘢飲，食物質素都幾高質唔錯㗎！🍴 沙律 (7/10)沙律係用咗麻醬，沙律菜都比較乾身爽脆嘅，OK的。🍴 乾烙虎蝦刺身帶子 南瓜汁燴意大利飯 $188 (7.5/10) 另收加一虎蝦都好大隻，肉質爽口彈牙有蝦味，帶子都有鮮味，食到肉質係一絲絲，略嫌煎得熟咗少少🤏🏻意大利飯係唔會太硬，淋身少少啱香港人口味，都食落有口感，南瓜汁都好香濃好重南瓜味！🍴 香煎比目魚伴 欖烤蔬菜 $238 (8.5/10) 另收加一比目魚肉真係好好食😋外皮煎到好香脆，魚肉係嫩滑嘅好有魚味，真心西餐魚肉算係高質！店員提醒記得要趁熱食，如果凍左就會有少少腥。蔬菜都烤得啱啱好好新鮮，薯蓉都有薯味，但唔係好重牛油味同埋奶香。🍴 士多啤梨乳酸多多 +$15 (6/10)覺得好似日本嗰隻乳酸菌飲品，可爾必思，加咗少少士多啤梨汁？正正常常酸酸地，覺得甜咗少少，但幾開胃嘅~推薦指數: 7.8/10服務係幾好嘅，環境都好舒適，食物都唔錯值得一試㗎！Op

久違有野做去開北角，朋友帶我去試下呢間小店🥰。因為朋友話平時lunch好多人，所以我做完野快快手去排隊，不過可能因為疫情影響😷，所以唔使排隊入得。店內唔算大，不過都坐得舒適。Lunch set黎講選擇都算多，staff仲會每枱客介紹是日餐湯同埋是日精選，非常親切💛。Set有平有貴，跟湯/沙律同埋野飲，價錢都合理。🔅石燒西冷(150g)配薯條 ($113)今日唔係好想食飯/意粉，就揀左個西冷食😋。西冷本身燒到大約5成左右拎黎，staff有細心提醒牛扒燒一燒覺得差唔多就可以放去隔離個盤到，以防燒得太熟👍🏻。我影相影耐左少少所以偏熟，不過完全係自己問題😂。本身西冷有調味所以可以就咁食，重口味人士可以點鹽同日式燒肉汁。薯條比較少見用碗裝，不過份量都唔少。不過lunch食完石燒個人真係有陣味😂，因為見每枱都基本上有一個客叫石燒，建議可以門口擺枝衣物香氛噴霧😝。🔅芝士珍寶牛肉煎蛋漢堡包配薯條 ($58)朋友揀左呢個set，burger勁大個😂，味道都唔錯。包體鬆軟，牛肉頗厚但唔算乾，加埋生菜好爽口，不過朋友覺得蛋係半熟就會好啲😝。💬食物款式都頗多，上菜又快，最緊要係staff真係好好好好好nice