GOGO Rock (Closed)

以為旺角除左商場之外無咩好feel嘅餐廳，今日發現呢間新開餐廳又幾唔錯喎，入到去嘅環境、音樂、氣氛，都同出面街好唔同，有小驚喜～焗蒜蓉包熱辣辣外脆內軟，松露醬蝦球薯仔沙律，一擺上台松露香撲鼻，配搭無花果點綴，顏色好靚，沙律材料夠新鮮特別係蝦夠爽脆。有啲特別嘢食，玫瑰鹽燒法國鵪鶉，淡淡鹽味，皮香脆肉鮮嫩，好味～仲有慢煮三文魚同香煎牛柳伴鵝肝菌，好欣賞三文魚嘅配汁，牛柳勁好味，非常軟腍，一啲筋都冇，鵝肝菌汁質感調得濃汁適中，同牛柳非常合拍～呢個又係好好味，鮮蠔汁意粉配溫泉蛋，意粉汁非常鮮味，安全第一視覺效果非常好，每條意粉沾上蛋汁食更加美味。甜品叫左藍啤梨芭菲同松露朱古力蛋糕，仲叫左Mocktail，Virgin Sangria主要係酸酸微微嘅生果混合而成，加左薄荷葉清爽醒胃；Cucumber Lemonade檸檬青瓜味配合下，清新中帶有檸檬酸味，飲落非常舒服。

一路覺得旺角都係年輕人嘅地方，少啲浪漫有情調嘅餐廳，不過今晚之後就改變諗法了。呢間位於砵蘭街嘅西餐廳，格調唔錯，暗淡嘅燈光加添浪漫氣氛，很適合朋友或情侶相聚，慢慢食慢慢傾。今晚散叫咗幾樣食物，整體都好滿意。首先個蒜蓉包一啲都唔Hea，焗得好脆，而蒜蓉味都好香，越簡單嘅菜式，其實越睇到餐廳嘅用心，佢呢個蒜蓉包已經係我心裏面加咗佢分。松露醬蝦球薯仔沙律松露味香噴噴，有幾粒蝦球都幾爽口，薯仔沙律撈左蛋黃醬，仲有啲熱情果粒粒甜甜酸酸更加開胃，作為前菜係唔錯嘅選擇。玫瑰鹽燒法國鵪鶉鵪鶉外脆內嫩，都幾多肉，肉質都幾滑。另外有黑醋沙律菜和無花果伴碟，加番啲清新嘅口感。鮮蠔汁意粉配溫泉蛋蠔汁非常鮮味，意粉係Al Dente質感，溫泉蛋做得剛剛好，唔會太熟！亦加添意粉嘅濕滑度，整體唔錯。藍啤梨芭菲賣相好靚，有塊白朱古力和士多啤梨作點綴，芭菲口感滑溜得來都幾rich，而旁邊又有好多粒啫喱粒平衡返個口感。Virgin SangriaMocktail 選擇之一，紅紅的外表好靚，有士多啤梨、檸檬、青瓜等，飲落感覺係雜果味。Cucumber lemonade 另一款mocktail，相對清新少少，係薄荷味較重嘅L

朋友介紹來呢間Go go rock，但其實一點都唔「rock」，反而係一間幾精緻嘅西餐廳，地方唔算好大，不過都有幾張枱相對private啲，適合三五知己或閏密來密密斟，佢呢度有好多唔同酒精飲品，仲有生蠔吧添！真係可以傾一晚。食物方面都幾高質㗎，焗蒜蓉包好香脆，而且每人分到幾件，好慷慨！「慢煮三文魚火腿卷」係用Parma ham捲着三文魚，兩樣嘢味道混和一齊都唔錯，仲有車厘茄伴碟。主菜有「香煎牛柳伴牛肝菌」，牛肝菌好濃味，牛柳雖不是厚切，但味道和肉質ok，仲有一大堆薯蓉和翠玉瓜伴碟，所以都豐富。另外叫咗「鮮蠔汁意粉配溫泉蛋」，通常溫泉蛋都係配卡邦尼意粉，不過呢度用蠔汁嚟煮，別有一番風味，食落好鮮，而且意粉都幾滑。一個完美嘅晚餐，當然唔少得甜品啦！今晚呢個配搭有熱情果奶凍配紅苺撻和合桃焦糖。前兩者都偏酸，所以唔會太「漏」，感覺比較清新，最後食埋合桃焦糖中和返，滿足了。我哋今晚都叫咗兩杯飲品，一杯Virgin Sangria，屬於冇酒精飲品，味道似有氣果汁之類，佢有個姊妹版Sangria就有酒精，大家可以各取所需。另一杯就叫咗有酒精成份嘅Nothing，青綠色嘅外表睇落感覺清新，佢用咗椰子酒