金坊泰國美食

Open Now

Now Closed

尋晚好夜先食飯，同朋友經過呢一間餐廳，平時都好多人等位嘅，可能夜晚大概九點就唔算太多人。所以就決定入去食。我同朋友入到去，第一時間點生蝦刺身仲有我最愛嘅炸皮蛋。之後朋友點咗生菜包同埋青咖喱雞肉，我哋仲叫咗個蒜蓉包嚟點咖喱汁。生蝦刺身好新鮮，每隻蝦都好大隻啲肉好厚，仲好彈牙添。個蒜蓉包係非常新鮮，咬落去香脆得嚟有少少軟綿綿，配搭埋個青咖喱汁，青咖喱味融入埋蒜蓉味，真係錦上添花。個生菜包就正正常常，冇乜特別，但有少少辣，所以唔食得辣嘅話就要注意啦。最後去到最鍾意食嘅炸皮蛋，皮蛋外層有炸蝦餅，有皮蛋味又有蝦嘅煙靭，外牆仲要係脆卜卜，真係外脆內軟仲有煙韌，未試過既朋友真係要試吓！我仲叫咗杯龍眼冰，估唔到龍眼冰都可以少甜。正

以前好鍾意黎親荃灣就幫襯呢間泰國菜，仲睇住佢愈做愈大開分店，但估唔到今次黎番呢間地舖，會差左咁多！首先佢開咗另一個位置，多咗好多枱，的確冇以前等位等好耐嘅情況，但係佢廚房冇加大、人手冇多，其實等出菜嘅時間都喺度！食到一半先記得影相。以前好鍾意食呢度嘅蒜蓉包，鐘意佢夠多蒜蓉夠熱辣辣，點知今次等咗半個鐘先上嘅第一樣食物，會係凍嘅，而且水準差咗咁多！可能唔夠人出菜，而且座位同廚房都有一段距離，所以D菜黎到已凍！呢碟好彩夠熱，不過太辣，我食咗一啖就冇食，其餘成碟由朋友清咗！個咖喱汁有用蛋汁煮，係幾滑幾香口，可惜元貝係完全唔入味，食落有D淡！串燒就豬牛雞都有，都係唔夠熱，不過加埋醬汁味道還可以。總括來說係失望。荃灣泰國菜一定有更好選擇。今時唔同往日，要擴充生業都要管理好人手服務同保持食物質素，否則會生熟客都慢慢流失。

咖哩蟹 咖哩味惹味又香濃..椰汁味濃....點可惜膏蟹冇晒...食住肉蟹先 肉蟹肥美多肉  蒜蓉包脆卜卜..咖哩點麵包最正...一流   豬肉微辣 好大條..食唔晒...雖然燒到魚皮有D燶 但勝在魚肉新鮮肉嫩滑 微辣...食落有D咸 而且椰菜苗太硬...朋友們食2-3條都放棄.. 肉片濕河  ..唔錯...個汁帶少少甜味 肉片嫰滑

荃灣區食泰國野 金坊當然係首選啦 冬蔭公海鮮湯基乎係每次都必點嘅 湯底除左有大量香料之外 重有大蝦 蜆 尤魚 芫茜等 飲落酸酸甜甜的 落肚後就feel到喉嚨辣辣的 非常醒胃 大蝦質感彈牙 尤魚靱靱的 有嚼頭 叫左蒜蓉包 細細碟有6塊 麵包焗得脆口的 包面塗滿牛油同蒜蓉醬 香氣四溢 略嫌蒜蓉唔夠多 炸蝦餅 炸到金黃色嘅外層 包住爽口彈牙嘅蝦膠 薄薄嘅炸粉令外層更顯脆口 點埋酸甜醬 更加惹味食完炸野緊係要叫個椰青清清熱氣啦椰清水夠晒清甜 食埋香滑嘅椰肉 正😍不過椰清如果可以再凍少少 就更好了海南雞飯 粒粒飯都沾左黃薑同雞油嘅味道雞肉非常滑嫩 有咬口嘅 雞皮亦爽滑😍點埋酸辣汁 辣辣的引出雞味 味道更一流但係略嫌飯粒過油 令飯食落"淰淰"的⋯ 雖然店裡非常多人 但侍應基本上都有禮貌的 上菜速度亦唔算太慢 算係令人食得開心嘅一晚😁

老公啱啱出左BONUS,今晚話出街食...我同仔仔一致投票番叮呢間泰國野今次叫左:鴨肉湯河: D鴨肉好滑, 個湯底清清地, 唔錯!串燒: D肉唔會燒到好乾好硬咁, 好味, 我大仔(7歲咋)一個人食左3串...炸芝士蝦丸:$60/一客4粒, 有D貴...但係我覺得好似唔係咁特別啫, 同埋有D漏..上次叫炸蝦餅($45)一件切開兩片黎食反而仲易入口D..蝦醬炒飯:呢個我全家都覺得咸左D...唔啱口味..蒜蓉包:上次食過番尋味, 今次再ENCORE, 味道雖然一樣咁好味, 但係我覺得好似細片左咁...送甜品:香芒椰汁糕+椰汁大菜糕, 我都係鍾意食香芒椰汁糕多D, 又香又滑; 至於大菜糕我同老公都覺得麻麻地, 覺得無咩味, 但係兩個仔仔就話好食喎唔知係咪做開街坊生意, D侍應服務態度真係好好, 好友善..上菜好快, 未食完已經送埋甜品上黎..呵呵...其實係佢地一心想等D客快D食完可以SERVE第二枱做多轉, 但係街坊生意, 係咁架嘞..食完即閃, 唔好阻住人地搵$$$$$阿姐見兩個仔仔鍾意食甜品, 仲想每人比多件佢地, 但係由於食得太飽嘞..仔仔個肚仔都無位裝嘞..下次先啦..多謝呢位阿姐的

啱啱收到宣傳單張, 話全日免加一, 趁假期就同埋老公同仔仔一齊黎試下...生蝦: $70, 一客有10隻, 好新鮮同好味, 不過如果可以將個蝦頭炸埋黎食就VERY GOOD LAR..冬陰功大蝦湯: $48一碗, 可以分到兩小碗份量..個湯好濃, 不過估唔到會咁辣, 好味!炸蝦餅: OK好食招牌海南雞飯: $48, D雞好滑, 有味飯唔係好夠香, 可以重手D...附送冬瓜湯一碗, 唔錯!蒜蓉包:勁多蒜蓉, 好香...一客有件贈送香芒椰汁糕, 都好味, 重有8件咁多,一人分到兩件大部份侍應都好友善, 係有一個年紀大少少既女人態度好似無咁殷勤囉, 上菜速度好快...不過呢間都會成為我地以後開飯既選擇之一!

一家人再次食呢間泰國菜 . 因為係荃灣算係唔錯既選擇 ..另一讚上菜好快呀 ~海南雞 ( 半隻) 海南雞肉質滑嫩 , 雖然冇咩雞味 ,但 配上甜辣泰式汁 , 正 !!黃咖喱牛 黃咖喱真係冇咩特別 , 屬一般貨色 , 勝在咖喱夠濃稠 , 牛比較嫩同埋幾多 蒜蓉包 有6件 , 好香好多蒜蓉 , 可惜唔夠脆 , 但點上咖喱汁 , 好正 ~菠蘿海鮮炒飯 比較普通 , 有腰果同肉鬆 , 還可以!!鹹魚雜菜粉絲煲幾重鹹魚味 , 份量幾足 , 普普通通 ~芒果黑白燸米飯黑白燸米飯味道特別 , 淋上椰汁 , 鹹鹹甜甜 , 配上原個芒果 , good ~贈送 芒果椰汁糕香甜好味 , 但好鬆散 , 好難夾 ~total $ 293 埋單 ( 無須加一 , ＊但需要茶錢＜$3 / 1 人>＊ )