金坊泰國美食

Open Now

Now Closed

以前好鍾意黎親荃灣就幫襯呢間泰國菜，仲睇住佢愈做愈大開分店，但估唔到今次黎番呢間地舖，會差左咁多！首先佢開咗另一個位置，多咗好多枱，的確冇以前等位等好耐嘅情況，但係佢廚房冇加大、人手冇多，其實等出菜嘅時間都喺度！食到一半先記得影相。以前好鍾意食呢度嘅蒜蓉包，鐘意佢夠多蒜蓉夠熱辣辣，點知今次等咗半個鐘先上嘅第一樣食物，會係凍嘅，而且水準差咗咁多！可能唔夠人出菜，而且座位同廚房都有一段距離，所以D菜黎到已凍！呢碟好彩夠熱，不過太辣，我食咗一啖就冇食，其餘成碟由朋友清咗！個咖喱汁有用蛋汁煮，係幾滑幾香口，可惜元貝係完全唔入味，食落有D淡！串燒就豬牛雞都有，都係唔夠熱，不過加埋醬汁味道還可以。總括來說係失望。荃灣泰國菜一定有更好選擇。今時唔同往日，要擴充生業都要管理好人手服務同保持食物質素，否則會生熟客都慢慢流失。